San Mateo 8:12 - Bible in Tzotzil de Chenalhó with Deuterocanon

¹² Yan li boch'otic ja' sc'oplal ch-ochic yo' bu tspas mantal Diose ta xjipatic batel ta ic' osil. Te chc'ot yoc'ta sbaic o; te xc'uxet o yeic ta scoj li vocole —xi li Jesuse.

Tzotzil Zinacantan

¹² Ti muchꞌutic scꞌoplal ox ch-ochic yoꞌ bu tspas mantal ti Rioxe, mu xꞌochic yuꞌun mu xichꞌic ta mucꞌ ti Rioxe. Ta xꞌaqꞌueic echꞌel ta icꞌ osil. Tey xꞌoqꞌueletic, xcꞌuxuxet o yeic yuꞌun tsots castico chichꞌic ―xꞌutatic yuꞌun Jesús ti muchꞌutic napꞌajtic echꞌel ta spate.

Bible in Tzotzil de Chamula

¹² Ja'uc ti buch'u albil sc'oplalic ta x'ochic batel bu ti ventainele, ta xtenatic batel ta ic'al osil, ti bu ta x'oq'uique, ti bu xc'uxuxet ti yeique.

LEQUIL ACH' C'OP

¹² ti much'utic sc'oplal ox ch-ochic yo' bu tspas mantal ti Rioxe, ta xloq'uesatic, ta x'aq'ueic ech'el ta ic' osil. Tey x'oq'ueletic, xc'uxuxet o yeic. ―X'utatic yu'un ti Jesuse.

Tzotzil San Andres

¹² Yan li buchꞌutic jech chalique: “Jaꞌ jmoltotic ta voꞌone li Abrahame, jaꞌ yuꞌun ta onoꞌox xijꞌochutic li yoꞌ bu tspas mantal li Diose”, mi xiique, pero mu xꞌochic. Jaꞌ te chteneic batel ta icꞌal acꞌubal. Te xꞌoqꞌueletic o, te xcꞌuxuxet o yeic ta scoj ti tsots li vocol ti chichꞌique ―xi li Jesuse.

Tzotzil de Huixtán

¹² Ti much'utic ja' jtot ti Abrahame, hech yu'un xu' chi'och yo' bu tspas mantal ti Diose, ti xchiique, ja' mu x'ochic. Ja' chtenatic ochel ti ic' osil. Te chc'ot yoc'ta sbaic o. Te xjep'et yeic o yu'un ep ti vocole ―x'utatic yu'un ti Jesuse.

San Mateo 8:12 Iomraidhean Croise

Salmos 112:10

Li boch'o chopol yo'ntone toj chopol chc'ot yo'nton ti c'alal chile; ta xc'ux ye yu'un tsalbil chc'ot o. Li c'usi oy ta yo'ntone chlaj sc'oplal o.

Isaías 65:14

Li stuquique xcuxet no'ox yo'ntonic; solol no'ox yo'nton chq'uejinic. Yan li vo'oxuque cha'avanic, cha'oq'uic ta scoj avocolic, xchi'uc ta scoj ti toj abul aba chava'yique.

San Mateo 13:38

Li osile ja' scotol li banamile. Li bats'i trigoe ja' li xnich'nab Diose. Yan li chopol jobele ja' li xnich'nab pucuje.

San Mateo 13:42

Ta sjipic ochel ta c'oc'. Te chc'ot yoc'ta sbaic, te xc'uxet o yeic.

San Mateo 13:50

Ta sjipic ochel ta c'oc', te ta xc'ot yoc'ta sbaic, te xc'uxet o yeic”, xi li Jesuse.

San Mateo 21:43

Ja' yu'un chacalboxuc, ta xloc' batel ta atojolic li ventainel yu'un Diose. Ja' te ta xbat ta stojolic li boch'otic lec tstuc'ulanique.

San Mateo 24:51

Jech chvul yich'be lec stojol. Ja' chbat xchi'in li jlo'lavanejetique. Te chc'ot yoc'ta sba; te xc'uxet o ye —xi li Jesuse.

San Mateo 25:30

Li ch'ajil j'abtel li'i, jipic loq'uel ta ic' osil. Te ac'o c'ot yoc'ta sba; te c'uxetuc o ye’,, xi li yajvale”, xi li Jesuse.

San Lucas 13:28

Te chlic avoc'ta abaic; te xc'uxet aveic. Yu'un chavilic ti te xa ochemic yo' bu tspas mantal Dios li Abrahame, li Isaaque, li Jacobe, xchi'uc scotol li j'alc'opetique. Yan li vo'oxuque jipbiloxuc o loq'uel.

Hechos 3:25

Vo'oxuc smomnich'naboxuc ec li j'alc'opetic ta vo'onee, xchi'uc ja' avu'unic ec li c'usi la xchapan xchi'uc jmoltotactic ta vo'one li Diose. Jech ono'ox laj yalbe li Abrahame: ‘Ta sventa amomnich'on ta xich'ic bendición li jaychop sts'unubal cristianoetic ta sbejel banamile’, xut.

Romanos 9:4

ja' mero israeletic, mero xnich'nab Dios ic'otic. Laj yilbeic lec xojobal li Diose; oy c'usi lec la xchapan Dios ta stojolic. Xchi'uc ja' i'ac'batic li smantaltac Diose; i'albatic c'u x'elan tstsob sbaic chich'ic ta muc' li Diose, xchi'uc i'albatic ti oy c'usi ch-ac'batic yu'un Diose.

2 Pedro 2:17

Li jlo'lavanej jchanubtasvanejetique ja' jechic jech chac c'u cha'al nio' ti mu'yuc ya'lele, xchi'uc ja' jechic jech chac c'u cha'al toc ti cuchbil no'ox batel ta tsatsal iq'ue. Jech chapanbil xa sc'oplal ta xbatic ta yutil ic'al osil.

2 Pedro 2:4

Yu'un li Diose muc spasbe perdón yu'un smul li j'almantaletic ti la sa' smulic ta stojole; la sjip batel ta yutil ic'al osil. Te chucbilic o c'alal to tsta yorail chich' stojol smulic.

Judas 1:13

Ja' jechic jech chac c'u cha'al nab ti bats'i tsots tsyuq'uilan sbae, ti chloc' svoque. Yu'un xco'laj xchi'uc puru svoc no'ox ya'yel li c'usi tspasic ti toj q'uexlal sbae. Ja' jechic jech chac c'u cha'al c'anal ti ch'ayem xa ta sbee, jech chapal xa yu'un Dios chich'ic jipel ochel ta ic' osil sbatel osil.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.

1 Samuel 2:9

Ja' chchabi batel ta jujujet yacan li boch'otic tuc' yo'ntonique; yan li boch'otic chopolique chch'ayic batel ta ic' osil, yu'un mu'yuc boch'o xu' tstsal ta stsatsal stuc.