San Mateo 8:1 - Bible in Tzotzil de Chenalhó with Deuterocanon

¹ C'alal iyal tal ta vits li Jesuse, ichi'inat batel yu'un epal cristianoetic.

Tzotzil Zinacantan

¹ Ti cꞌalal iyal tal ta yoc vits ti Jesuse, ep jchiꞌiltactic isnapꞌletaic echꞌel.

Bible in Tzotzil de Chamula

¹ C'alal yal talel ta vits ti Jesuse, ep buch'u laj sts'acliic ech'el.

LEQUIL ACH' C'OP

¹ Ti c'alal iyal tal ta yoc vits ti Jesuse, ep crixchanoetic isnap'letaic ech'el.

Tzotzil San Andres

¹ Cꞌalal iyal talel ta yoc vits schiꞌuc yajchanbalajeltac li Jesuse, toj ep crixchanoetic la schiꞌinic batel.

Tzotzil de Huixtán

¹ C'alal iyal tal ti vits ti Jesuse, ep ti jyalel ti jchi'iltique laj sts'acliic batel.

San Mateo 8:1 Iomraidhean Croise

San Mateo 12:15

Li Jesuse la sna' li c'usi tsnopique, jech iloc' batel. Ep cristianoetic la xchi'inic batel. La scolta scotol li jchameletic te oyique.

San Mateo 15:30

Te la stsob sbaic tal ep cristianoetic, yic'ojic tal coxoetic, ma'satetic, uma'etic, mot-c'obetic, xchi'uc yantic jchameletic. Te vul xpuch'anic ta stojol li Jesuse, icol yu'un scotol.

San Mateo 19:2

Te nabal ibatic epal cristianoetic, jech te la scoltaan scotol li jchameletique.

San Mateo 20:29

C'alal iloq'uic batel ta lum Jericó xchi'uc yajchanc'optac li Jesuse, te nabal ibatic epal cristianoetic.

San Mateo 4:25

Bats'i ep cristianoetic la xchi'inic batel li Jesuse, ja' li boch'otic te nacajtic ta Galilea banamil, ta Decapolis, ta lum Jerusalén, ta Judea banamil, xchi'uc ta jot uc'um Jordane.

San Mateo 7:29

Yu'un ja' jech ichanubtasvan jech chac c'u cha'al li boch'o tsots yabtele. Mu jechuc ichanubtasvan jech chac c'u cha'al li jchanubtasvanejetic ta mantale.

San Mateo 8:18

C'alal laj yil Jesús ti joyibtabil yu'un epal cristianoetique, laj yalbe yajchanc'optac ti ac'o jelovicuc ta jot nabe.

San Mateo 8:2

Te ital jun jc'a'el chamel; la squejan sba ta stojol, jech laj yalbe: —Cajval, me chac'an chacoltaune, xu' avu'un chalecubtasun —xut.

Marcos 3:7

Li Jesuse iloc' batel; ibatic ta ti'nab xchi'uc li yajchanc'optaque. Te nabal ibatic epal cristianoetic liquemic tal ta Galilea xchi'uc ta Judea banamil.

San Lucas 5:15

Pero yo'to ech'em ipuc sc'oplal li Jesuse. Bats'i ep cristianoetic italic ta stojol, yu'un tsc'an cha'ibeic sc'op, xchi'uc tsc'an ac'o colicuc ta xchamelic.