San Mateo 7:12 - Bible in Tzotzil de Chenalhó with Deuterocanon

¹² “Ja' yu'un, ti c'u x'elan chac'an chaspasboxuc li cristianoetique, ja' jech xapasbeic ec. Yu'un ja' jech smelol li smantaltac Dios ts'ibabile xchi'uc li c'usitic la sts'ibaic li yaj'alc'optac Dios ta vo'onee.

Tzotzil Zinacantan

¹² ’Ti mi chacꞌan ti lec chayil li crixchanoetique, jaꞌ tscꞌan ti lec chavil uque. Jaꞌ yech chal li scꞌop Rioxe ti stsꞌibaojic ti Moisese xchiꞌuc ti yan yajꞌalcꞌoptac Riox ti ta más voꞌnee.

Bible in Tzotzil de Chamula

¹² “Ja' yu'un un, mi ta xac'an ti lec ta xaspasboxuc ti achi'ilique, lec me xapas abaic ta stojolic. Taje, jech ta xchanubtasvan smantal ti Moisese xchi'uc ti c'u s'elan laj sts'ibaic comel ti j'alc'opetique.

LEQUIL ACH' C'OP

¹² »Ti mi chac'an ti lec c'usi cha spasbe li crixchanoetique, ja' tsc'an ti lec c'usi chapasbe uque. Yu'un ja' yech smelol li smantaltac Riox sts'ibaoj ti Moisese xchi'uc li yantic yaj'alc'optaque.

Tzotzil San Andres

¹² ’Mi chacꞌan ti lec li cꞌusi chaspasbeic li crixchanoetique, scꞌan ti jaꞌ noꞌox jechoxuc eꞌuque. Yuꞌun jaꞌ jech chal li scꞌop Dios ti stsꞌibaojic comel Moisés schiꞌuc li buchꞌutic yan iyalic scꞌop Dios ta voꞌonee.

Tzotzil de Huixtán

¹² ’Hech yu'un mi chac'an ti lec chaspasboxuc ti yan crixchanoetique, lec chapasbeic uc. Hech chal ti smantal ti Diose ti laj yal ti Moisese. Hech chal uc ti sun ti j'alc'opetic yu'un ti Diose ti vo'one.

San Mateo 7:12 Iomraidhean Croise

Ezequiel 18:21

“Pero me chlic scomtsan scotol smul li boch'o chopole, me ja' chlic xch'un li mantaletic cu'une, me ja' chlic spas li c'usitic lec, li c'usitic tuq'ue, ta jbel sc'oplal ta xcuxi; mu'yuc ta xcham.

Levítico 19:18

“Mu me tojtoj paqueluc avu'unic li c'usi chapasbatique; mu me tojtoj ilineloxuc no'ox ta stojol li achi'iltaquic ta israelale. C'ano achi'il jech chac c'u cha'al c'ux ta avo'nton abec'tal atuc, yu'un vu'un Muc'ul Diosun.

Miqueas 6:8

A'yo ava'ay, cristiano, li Muc'ul Diose yalojbot xa li c'usi lec xu' chapase, xchi'uc sc'anoj xa ta atojol li c'usi ac'o apase: ja' no'ox tsc'an ac'o apas li c'usitic tuq'ue, ti oyuc yutsil slequil avo'ntone, xchi'uc ti biq'uit ac'o avac' aba ta stojol Dios avu'un ta sventa li c'usitic chapase.

Malaquías 3:5

Li Muc'ul Dios ti tspas ta mantal scotol te ta vinajele jech chal: “Vu'un chtal jchapanoxuc. Vu'un ta jva'an jba ta testigo ta scontrainel li j'ac'chameletique, li jmulaviletique, li boch'otic tst'abbeic sbi Dios c'alal ch-epalc'opojique, xchi'uc li boch'otic tslo'laic j'abtel yu'unique, xchi'uc li boch'otic abul sba yu'unic me'on antsetic, xchi'uc me'on ololetique, xchi'uc li boch'o mu'yuc tuc' c'usi tspasbeic yanlumetique, ti solel mu'yuc jxi'elal cha'yic oe”, xi li Muc'ul Diose.

San Mateo 5:17

“Mu me xanopic ti yu'un tal jlajesbe sc'oplal li smantaltac Diose xchi'uc li c'usitic laj yal j'alc'opetique. Mu yu'unuc tal jlajesbe sc'oplal; ja' tal cac' c'otuc ta pasel.

San Lucas 6:31

Ti c'u x'elan chac'an chaspasboxuc li cristianoetique, ja' tsc'an jech chapasbeic ec.

1 Timoteo 1:5

Ti jech chacalbote, ja' sventa ac'o jc'anan jbatic, yu'un jech chvinaj ti lecuben xa co'ntontic ta melele, xchi'uc ti tuc' c'usi oy ta jol ta co'ntontique, ti muc nacauc no'ox ta jcuy jbatic ti jch'unojtique.

Santiago 2:8

Me ta melel chach'unbeic li smantaltac Dios ti ts'ibabil jech chac li'i: “C'ano me achi'il jech chac c'u cha'al c'ux ta avo'nton abec'tal atuc”, xie, ta melel lec c'usi chapasic.