San Mateo 7:11 - Bible in Tzotzil de Chenalhó with Deuterocanon

¹¹ Li vo'oxuque chopoloxuc, pero xana'ic c'usi lec chavac'beic li anich'nabique. ¡Buuc xa li Jtotic te oy ta vinajele, lec c'usi chac'be li boch'otic ta sc'ane!

Tzotzil Zinacantan

¹¹ Li voꞌoxuque chopol ajolic pero xanaꞌic cꞌusi lec chavacꞌbeic lachꞌamalique. Ti Jtotic Riox ta vinajele más lec cꞌusi chayacꞌbeic mi chacꞌanbeique.

Bible in Tzotzil de Chamula

¹¹ Manchuc mi toj chopoloxuc un, xana'ic lec st'ujel c'usi ta xavac'beic ti anich'onique. ¡Ti Jtotic ti oy ta vinajele, x'ech' to ta xac'boxuc ti c'usi leque!

LEQUIL ACH' C'OP

¹¹ Li vo'oxuque chopol ajolic pero xana'ic c'usi lec chavac'beic lach'amalique. Ti Jtotic Riox ta vinajele, ¡más to lec c'usitic chac'be ti much'utic ta sc'anique!

Tzotzil San Andres

¹¹ Li joꞌoxuque chopoloxuc onoꞌox pero xanaꞌic li cꞌusi lec chavacꞌbeic la anichꞌnabique. Li Jtotic Dios ta vinajele jaꞌ snaꞌoj lec li cꞌusi chacꞌbe li buchꞌutic ta xcꞌanbate.

Tzotzil de Huixtán

¹¹ Ho'oxuque ti mu xtun ti avo'ntonique chana'ic c'usi lec motonil chavac'beic ti anich'nabique. Ja'uc ti Jtotique ti te oy ti vinajele jelaven tsna' c'usi lec motonil chaq'uilambe ti much'u chc'anilambat ti stojole.

San Mateo 7:11 Iomraidhean Croise

Génesis 6:5

Li Muc'ul Diose laj yil ti i'epaj smulic li cristianoetic ta banamile, xchi'uc ti ja' no'ox batem ta yo'ntonic o snopel li c'usitic chopole.

Génesis 8:21

C'alal ic'ot ta stojol Muc'ul Dios li smuil yic' smotone, jech laj yal: “Mu'yuc xa ta jsoques yan velta banamil ta scoj smul li cristianoetique. Yu'un li cristianoetique ta sbic'talic ono'ox ti ja' no'ox oy ta yo'nton tspasic li c'usi chopole. Jech noxtoc mu'yuc xa ta jtu'pbe sts'unubal yan velta li chonbolometic jech c'u cha'al la jpas li jun velta li'i.

2 Samuel 7:19

Pero mu'yuc to muc' chava'ay li c'usi apasojbune, ja' yu'un laj avalbun noxtoc ti ta to xtal jmomnich'nabtac, vu'un li avajtunelune. Cajval, Muc'ul Dios, me junuc vinic mu'yuc boch'o yan jech tspas jech chac c'u cha'al li vo'ote.

Job 15:16

Jech ¡buuc xa li cristiano ti bats'i chopol, ti boliben o stalele, ti ja' yuch'um o c'otem li c'usi chopol jech chac c'u cha'al chuch' vo'e!

Salmos 84:11

Yu'un li Muc'ul Diose ja' xa te xojoban o ta jtojol, ja' jmacubbail c'otem; puru utsilal, puru c'uxubinel xa chiyac'bun. Li boch'otic tuc' yo'ntonique mu'yuc chjalanbatic o li c'usitic leque.

Salmos 85:12

Li Muc'ul Diose ja' ta xac' tal li vo'e, jech lec ta xac' li c'usi ta jts'untic ta cosiltique.

Salmos 86:15

Pero li vo'ote Cajval, Dios cu'un, atalel jc'uxubinvanejot, toj lec avo'nton, toj c'unc'un chlic sc'ac'al avo'nton; ja' toj muc' li c'uxubinel avu'une, xchi'uc puru melelic li ac'ope.

Salmos 86:5

Yu'un li vo'ote, Cajval, toj lec avo'nton, ep ts'icumal avu'un; toj ep c'ux ta avo'nton li boch'otic tsc'anic vocol ta atojole.

Isaías 49:15

Pero li jun antse ¿me xu' chicta comel li mero yole? ¿Me xu' chch'ay o ta yo'nton ti c'alal ja' mero xch'ich'al sbec'tale? Ac'o me oy jech chc'ot ta pasel, pero li vu'une mu'yuc bu jch'ayojot o ta co'nton.

Isaías 63:7

Ta jc'an ta xcalilan c'u x'elan slequil yo'nton li Muc'ul Diose; ta xcalilanbe ep slequilal, yu'un toj ep li c'usitic la spas ta jtojoltique, xchi'uc toj ep slequil yo'nton ta jtojoltic vu'utic li israelutique. Toj lec c'usi la spas ta sventa slequil yo'nton, xchi'uc ta sventa ti toj c'uxutic ta yo'ntone.

Jeremías 17:9

“Li o'ntonale toj chopol, ja' no'ox ven jlo'lavanej ta scotol. ¿Me oy boch'o xa'ibe smelol le'e?

Jeremías 33:14

Jech chal noxtoc li Muc'ul Diose: “A'yo ava'yic, ta sta sc'ac'alil ta xcac' c'otuc ta pasel c'usi caloj ta sventa li smomnich'nab Israel xchi'uc smomnich'nab Judae.

Oseas 14:2

Sutanic tal ta stojol li Muc'ul Diose; c'anbeic vocol ta stojol, jech xavalic: “Pasbuncutic perdón scotol li jmulcutique; tsacbuncutic li c'usi lec chacac'botcutique. Li xq'uexol amoton chcac'cutique ja'uc li c'usi chloc' ta quecutique.

Miqueas 7:18

Mu'yuc yan Dios jech chac c'u cha'al vo'ot, ti chapasbe perdón, ti chach'aybe ta avo'nton smulic li scomelal ateclumale. Muc teuc no'ox stsoq'uet o avo'nton ta stojol, yu'un ja' oy ta avo'nton li c'uxubinvaneje.

Malaquías 1:6

Li Muc'ul Diose jech chalbe li paleetique: “Li nich'onile chich' ta muc' li stote; li mozoe chich' ta muc' li yajvale. Pero vu'un li Atoticune ¿bu ti chavich'icun ta muq'ue? Vu'un li Avajvalicune ¿bu oy li jxi'elal chava'yique? Li vo'oxuque mu'yuc xa tsots sc'oplal ta avo'ntonic ti ich'biluc ta muc' li jbie, pero jech to chajaq'uic noxtoc: ‘¿C'usi la jpascutic ti mu'yuc tsots ac'oplal ta co'ntoncutique?’, xachiic.

San Mateo 23:9

Mu me boch'o xacuy ta atotic li' ta banamile. Yu'un jun no'ox li Atotic te oy ta vinajele.

San Mateo 7:10

Me ta sc'anboxuc choye, muc chonuc chavac'beic.

San Juan 3:16

“Yu'un toj ep la xc'uxubin scotol cristianoetic ta banamil li Diose, jech laj yac' li jun no'ox Xnich'on oye, yu'un jech mu ch'ayeluc chbat li boch'otic ta xch'unic ti ja' Jcoltavanej yu'unique; ja' ta xcuxiic o sbatel osil.

Romanos 3:19

Scotol c'usi chal li smantaltac Diose ta jna'tic ti ja' sc'oplalic li boch'otic oy ta sc'obic li smantaltac Diose, yu'un jech macal ac'o c'otuc yeic scotolic, jech ac'o sna'ic ti scotol cristiano ta banamil chich'ic chapanbel smulic yu'un Diose.

Romanos 3:9

¿Ja' yu'un c'usi xu' chcaltic? ¿Me vu'utic xjelov jlequiltic jech chac c'u cha'al li yanlum cristianoetique? ¡Mu'yuc! Yu'un laj xa ca'itic ti co'ol oy smul scotole, me israel, o me yanlum cristiano.

Romanos 8:32

Yu'un c'alal ta mero Xnich'on mu'yuc la sjalanbutic; laj yac' ta milel ta jcojtic jcotoltic. Me jech laj yac'butic li Xnich'one, ¿me yu'un ja' xa mu xijyac'butic ta slequil yo'nton noxtoc scotol li c'usitic yane?

Gálatas 3:22

Pero ts'ibabil ta sc'op Dios ti scotol cristiano jpasmuliletique. Jech ta sventa xch'unojel yo'ntonic ta stojol Jesucristo xu' chich'ic c'usi yaloj ono'ox Dios li boch'o ta xch'unique.

Santiago 1:17

Scotol li c'usi leque xchi'uc li c'usitic lec tuc' chij'ac'bate ja' te ta xlic tal ta vinajel. Ja' chistacbutic tal li Jtotic Dios ti la spas li c'usitic chac' xojobale. Li Diose ja' jech oy o; mu sna' sjelilan c'usi chijyac'butic.

1 Juan 3:1

A'yo ava'yic, toj ep la sc'anutic li Jtotic Diose, jech “jnich'nabtac” xijyututic. Ta melel vu'utic xnich'nabutic. Ja' yu'un li boch'otic ja' batem yo'ntonic ta sventa banamile mu xijyotquinutic, yu'un mu'yuc yotquinojic li Diose.

1 Juan 4:10

Ja' jech laj quiltic c'u x'elan li c'anvaneje. Yu'un muc vu'uticuc ba'yuc la jc'antic li Diose; ja' ba'yuc la sc'anutic. Jech la stac tal li Xnich'one; ja' milbil matanal ic'ot ta sventa jmultic.