San Mateo 6:2 - Bible in Tzotzil de Chenalhó with Deuterocanon

² “C'alal me oy boch'o chacoltaique, mu me xavaq'uic ta a'yel, jech chac c'u cha'al tspasic li jlo'lavanejetic te ta nail tsobobbailetique xchi'uc ta xoraltique. Yu'un ja' no'ox tsc'anic ti lec sc'oplalic yu'un li cristianoetique. Melel li c'usi chacalboxuque, le'e yich'oj xa o smotonic ti jech tspasique.

Tzotzil Zinacantan

² Ti cꞌalal chavacꞌ alimoxnaique, mu me xaꞌiꞌonicuc to chac cꞌu chaꞌal ti muchꞌutic yichꞌojic ta mucꞌ Riox ti yalojique. Ti cꞌalal chacꞌ slimoxnaic ta bicꞌtal temploetique, mi ta cayatic, chalic to aꞌyuc yoꞌ xꞌichꞌeic o ta mucꞌ yuꞌun li crixchanoetique. Ta melel chacalbeic, ti muchꞌutic yech tspasique jaꞌ noꞌox lec ch-ileic yuꞌun li crixchanoetique; mu cꞌu stu ch-ileic yuꞌun ti Rioxe.

Bible in Tzotzil de Chamula

² “C'alal ta xacolta ti buch'u abol sbaique, mu xavinajes ta stojol yan jech c'u cha'al ta spasic ta ch'ulna, mi ta bebetic ti jpac'taejbailetique, yo' jech ta xlequil-c'oplaltaatic yu'un ti yane. Ta xcalboxuc ava'iic, ja' no'ox jech yepal laj sta ti smotonique.

LEQUIL ACH' C'OP

² »Yech'o un ti c'alal chacoltaic ti much'utic abol sbaique, mu me xa'i'onicuc to chac c'u cha'al tspasic ti much'utic lec yo'onic yilele. Ti c'alal chac' slimoxnaic ta bic'tal temploetique, o mi ta cayeetique, chalic to a'yuc yo' x'ich'eic o ta muc' yu'un li crixchanoetique. Ta melel chacalbeic, ti much'u ja' no'ox tsc'anic o ich'el tamuq'ue, ja' xa smotonic ic'ot.

Tzotzil San Andres

² Cꞌalal mi oy buchꞌu chavacꞌbe slequil avoꞌone, maꞌuc me xaloꞌet xa o jech chac cꞌu chaꞌal li buchꞌutic spꞌisoj sbaic ti chichꞌic ta mucꞌ li Diose. Yuꞌun mu xichꞌ smelolic. Te xloꞌetic ta schꞌulnaic, mi ta chꞌivit cꞌuxi, li cꞌalal ta xacꞌ slequil yoꞌonique. Yuꞌun jaꞌ tscꞌanic ti lec ta xꞌileic yuꞌun li schiꞌilique. Melel li cꞌusi chacalbeique, altic ti jech tspasique yuꞌun jaꞌ noꞌox lec scꞌoplalic li ta schiꞌilique, mu cꞌu chtun o chil li Diose.

Tzotzil de Huixtán

² Hech yu'un ti c'alal chavaq'uic ti motonil ataq'uin, mu me xavalbe yan ti hech chapase hech chaj c'u che'el tspasic ti jlo'lavanetique te ti temploetic xchi'uc ti plazaetic. Hech tspasic yu'un tsc'an tspasatic ti muc' yu'un ti crixchanoetique. Melel ti c'usi chacalbeique, mu'yuc stu chil ti Diose ti hech tspasique.

San Mateo 6:2 Iomraidhean Croise

Salmos 112:9

Tspuc c'usitic oy yu'un, chac'be me'onetic; mu sna' xlaj o li slequil yo'ntone, jech lec sc'oplal, lec ich'bil ta muc'.

Salmos 37:21

Li boch'o chopolique oy c'usi chch'aman, pero mu sc'an sutesic; pero li boch'o tuc' yo'ntone oy slequil yo'nton, chc'uxubinvan.

Proverbios 19:17

Li boch'o chac'be xq'uex me'on c'usi oy yu'une ja' laj yac'be o chc'ot li Diose; jech noxtoc ja' stuc Muc'ul Dios chac'be stojol li c'usi lec tspase.

Proverbios 20:6

Ep boch'otic chalic ti lec yo'ntonique, pero ¿me oy bu ta jtatic ti bats'i tuc' ta melele?

Eclesiastés 11:2

Voq'uilano batel ta vucvoc', o ta vaxacvoc' li c'usi oy avu'une, yu'un mu xana' c'usi ora chtal c'usi chopol li' ta banamil.

Isaías 10:6

Ja' te ta jtac batel ta jun banamil ti bu mu xiyich'icun ta muq'ue; ta jtac batel ta jun lum ti liquem sc'ac'al co'nton yu'une, yu'un ac'o bat spojbe c'usitic oy yu'unic; ac'o bat stsaquic, ac'o bat xmich'ic. Laj xa caq'uic sventa ac'o yich'ic pech'ilanel ta teq'uel ta xoraltic jech chac c'u cha'al ach'el.

Isaías 58:7

xchi'uc ti ac'o axut'beic jlec'uc avotic ec li boch'o chvi'naje, ti ac'o avic' ochel ta anaic li boch'o abul sba ti mu'yuc snae, ti ac'o avac'beic sc'u' li boch'o mu'yuc sc'u'e, xchi'uc ti mu xajalan abaic ta scoltael li achi'ilique.

Isaías 9:17

Ja' yu'un li Muc'ul Diose muc xc'uxubin li queremetic yu'unique; mu'yuc abul sba laj yil li me'on ololetic xchi'uc li me'on antsetique. Yu'un scotolic toj chopolic, bolibenic ta jyalel; scotolic puru chopol c'usi chloc' ta yeic. Pero li Muc'ul Diose muc ono'ox x'ech' o li sc'ac'al yo'ntone; te to staoj yav sye'oj o sc'ob.

Oseas 8:1

Jech chal li Diose: “Jupano li oq'uese, yu'un ac'o yaluc tal stojol mulil ta stojol li cu'untaque; ja' jech chyal tal jech chac c'u cha'al xic. Yu'un muc xich'ic ta muc' li c'usi jchapanoje; la stacchiquintaic li mantaletic cu'une.

San Mateo 15:7

Jlo'lavanejoxuc. Ja' ac'oplalic ti jech laj yal li j'alc'op Isaías ta vo'onee:

San Mateo 16:3

Ta sobe jech chavalic noxtoc: ‘Ta xtal vo' tana, yu'un tsoj vinajel xchi'uc oy ep ic'al toc’, xachiic. Jlo'lavanejoxuc. Xana'ic sq'uelel sq'uelubil ta vinajel; ¿c'u yu'un mu xana'ic sq'uelel sq'uelubil li c'usi chc'ot ta pasel li' ta orae?

San Mateo 22:18

Li Jesuse laj yotquin li c'usi chopol oy ta yo'ntonique, jech laj yalbe: —Jlo'lavanejoxuc. ¿C'u yu'un chac'an chasa'bicun jmul?

San Mateo 23:5

Scotol li c'usi tspasique ja' no'ox tsc'anic ti ac'o yil li cristianoetique. Smuq'uibtasojbeic xcaxail li smantal Dios ta snaban ta sc'obic o me ta sti'baique, xchi'uc snatubtasojbeic stsitsumal li snatilc'u' slapojique.

San Mateo 23:6

Ja' lec cha'yic ti chchotiic ta sliqueb chotlebal c'alal yorail jujun q'uine, xchi'uc ja' tsmaquic li chotlebaletic ti bu ich'bilic ta muc' ta yut nail tsobobbailetique.

San Mateo 24:51

Jech chvul yich'be lec stojol. Ja' chbat xchi'in li jlo'lavanejetique. Te chc'ot yoc'ta sba; te xc'uxet o ye —xi li Jesuse.

San Mateo 5:18

Melel chacalboxuc, c'alal to tsta yorail chlaj li vinajel banamile, me jbeluc mu'yuc ta xlaj sc'oplal li c'usitic yaloj Diose; persa chc'ot ta pasel scotol.

San Mateo 6:16

“C'alal chavictaic ixime, mu me jechuc xapasic jech chac c'u cha'al tspasic li jlo'lavanejetic ti tsyanijes satique yu'un chaq'uic ta ilel ta stojol cristianoetic ti yictaojic ixime. Melel li c'usi chacalboxuque, le'e yich'oj xa o smotonic ti jech tspasique.

San Mateo 6:3

C'alal chacoltavanic li vo'oxuque, mu me boch'o xavac'beic sna',

San Mateo 6:5

“C'alal chac'opanic Diose, mu me jechuc xapasic jech chac c'u cha'al tspasic li jlo'lavanejetique. Yu'un li stuquique ja' lec cha'yic ti va'ajtic ta nail tsobobbail xchi'uc ta chiquin xoraltic c'alal tsc'opanic Diose yu'un jech ac'o ilaticuc yu'un li cristianoetique. Melel chacalboxuc, le'e yich'oj xa o smotonic ti jech tspasique.

San Mateo 7:5

Jlo'lavanejot. Loq'ueso ba'yuc li jtel ta ts'amte' te oy ta asate, jech xu' chavil lec c'u x'elan xu' chaloq'uesbe ec li juteb sc'a'epal sat achi'ile.

Marcos 12:39

Xchi'uc lec cha'yic noxtoc ta xchotiic ta sliqueb chotlebaletic ta nail tsobobbailetic, ja' jech tspasic noxtoc c'alal oy muc'tic ve'el ta jujun q'uin.

Marcos 7:6

Itac'ov li Jesuse: —Jlo'lavanejoxuc. Ja' ac'oplalic ti jech ts'ibabil yu'un j'alc'op Isaiase: ‘Li cristianoetic li'i chiyich'icun ta muc' ta yeic no'ox, pero li yo'ntonique bats'i nom oy ta jtojol.

San Lucas 11:41

Ja' lec c'uxubinvananic; q'uelanic c'usitic oy avu'unic, jech lec sac chcom li yute.

San Lucas 11:43

“Toj abul abaic, vo'oxuc li fariseooxuque. Yu'un ja' chac'anic ti chachotiic ta sliqueb chotlebal ta nail tsobobbailetique. Xchi'uc lec chava'yic ti nupbil ac'obic ta ch'ivite.

San Lucas 12:33

Chonic li c'usi oy avu'unique, ac'beic me'onetic. Ja' tsobo ac'ulejalic te ta vinajel ti bu mu sna' xlaj oe. Yu'un te ta vinajele mu x'och j'elec', mu c'usi xjoch'in.

San Lucas 12:56

Jlo'lavanejoxuc. Xana'ic sq'uelel sq'uelubil ta vinajel xchi'uc ta banamil. ¿C'u yu'un mu xana'ic sq'uelel li c'usi c'otem ta pasel li' ta orae?

San Lucas 13:15

Li Cajvaltique jech la stac'be: —Jlo'lavanejoxuc. Li jujunoxuque ¿me mu'yuc chatitun batel avacaxic, o me aca'ic ta sc'ac'alil ta jcux co'ntontic sventa chbat avac'beic yoxo' yuch'?

San Lucas 20:46

“¿Q'uelo me abaic yu'un li boch'otic lec xchanojic smantal Diose? Yu'un ja' no'ox lec cha'yic ti nat sc'u' tslapic c'alal chloq'uic ta xanubale, xchi'uc ti nupbil sc'obic ta jujun cuxub o'ntonal ta yut lume, xchi'uc ti ja' ta st'ujic sliqueb chotlebal ta nail tsobobbailetique xchi'uc ti c'alal yorail oy lec ve'ele.

San Lucas 6:24

“Yan li vo'oxuque jc'ulejetic, toj abul abaic, yu'un ataoj xa li xcuxetel avo'ntonique.

San Lucas 6:42

¿C'u x'elan xu' avu'un jech chavalbe li achi'ile: ‘La' jloq'uestic li sc'a'epal asate’, xavut? ¿Me mu xavil ti vo'ot jtel ta ts'amte' te oy ta asate? Jlo'lavanejot. Loq'ueso ba'yuc li jtel ta ts'amte' te xtelet ta asate, jech xu' chavil lec ta loq'uesbel ec li juteb sc'a'epal sat achi'ile.

San Juan 13:29

Yu'un ja' xchabioj yavil taq'uin li Judase, jech oy boch'o la snop me yu'un albil ti ac'o bat sman tal c'usi ta xtun yu'unic ta sventa q'uine, o me yu'un oy c'usi ac'o bat yac'be li me'onetique.

San Juan 5:41

“Li vu'une mu ja'uc tal jsa' ich'el ta muc' yu'un li cristianoetique.

San Juan 5:44

Mu xu' avu'un chach'unic, yu'un ja' no'ox chac'anic ti lec ac'oplalic yu'un li cristianoetique. Mu ja'uc chac'anic ti lecuc ac'oplalic yu'un li Dios ti jun no'oxe.

San Juan 7:18

Li boch'o ja' no'ox chal c'usi oy ta yo'nton stuque, yu'un ja' no'ox tsa' ich'el ta muc' stuc. Yan li boch'o ja' chac' ta ich'el ta muc' li boch'o itacat tal yu'une, ja' melel li c'usitic chale; mu'yuc ta yo'nton ch-epalc'opoj.

Hechos 10:2

Li Cornelioe lec yich'ojic ta muc' Dios scotolic te ta sjunul sna. Ep ic'uxubinvan te ta lum, xchi'uc scotol c'ac'al ta sc'opan Dios.

Hechos 10:31

Jech laj yalbun: ‘Cornelio, li ac'op c'alal chac'opan Diose laj xa yich' a'yel; li c'uxubinel chavaq'ue laj xa sna' li Diose.

Hechos 10:4

Li Cornelioe la sq'uel li j'almantale, toj xi'el ic'ot, jech la stac'be: “¿C'usi chaval, Cajval?”, xut. Jech i'albat yu'un li j'almantale: “Li sc'opanel Dios chapase xchi'uc li c'usi chaq'uelane, ic'ot c'alal ta stojol Dios sventa mu xch'ay o ta yo'nton.

Hechos 11:29

Ja' yu'un li jch'unolajeletic ta Antioquiae la snopic ti ta stacbeic batel coltael li jch'unolajeletic ta Judea banamile, ja' ti c'u yepal xu' yu'unic jujunique.

Hechos 24:17

“I'ech' jayibuc jabil, ts'acal lisut batel ta jlumalcutic ta Jerusalén, yu'un bat cac' matanal ta sventa jchi'iltac, xchi'uc bat cac' smoton Dios.

Hechos 9:36

Ta yorail le'e oy jun jch'unolajel ants ta lum Jope, Tabita sbi. Dorcas sbi chc'ot ta griego c'op. Li ants le'e lec c'usitic la spas xchi'uc ep icoltavan.

Romanos 12:8

Me ja' amoton yu'un Dios chatsatsubtasbe yo'nton yane, paso me. Me ja' amoton yu'un Dios chaq'uelan c'usi oy avu'une, yutsiluc me avo'nton xapas. Me ja' amoton yu'un Dios chaliques lo'ile, scotoluc me avo'nton xapas. Me ja' amoton yu'un Dios ti c'ux ta avo'nton achi'ile, cuxetuc no'ox me avo'nton xapas.

1 Corintios 13:3

Ac'o me xu' cu'un ta jq'uelan scotol c'usitic oy cu'un, ac'o me xu' cu'un ta jq'uelan jbec'tal sventa chich' chiq'uel ta c'oc', pero me mu xic'anvane, mu'yuc c'usi jtu o.

Gálatas 2:10

Ja' no'ox la st'abbuncutic ti mu me xch'ay ta co'ntoncutic li me'onetique. Lec laj ca'ay, yu'un jech ono'ox ta jpas.

Efesios 4:28

Li boch'o ch-elc'aje, mu xa me x'elc'aj. Ac'o abtejuc, ac'o stunes ta spasel lequil abtel li sc'obe, yu'un jech xu' chlic scolta li boch'otic abul sbaique.

1 Tesalonicenses 2:6

Muc ja'uc la jsa'cutic ich'el ta muc' yu'un cristianoetic, me ja'uc vo'oxuc, me ja'uc ta yantic.

1 Timoteo 6:18

Albo ya'yic ti ja' ac'o spasic c'usitic leque, ac'o ja'uc sc'ulejalic ti lec c'usitic tspasique. Mu me xlaj cha'ay chac', mu me chlaj cha'ay tsq'uelan li c'usitic oy yu'unique.

Filemón 1:7

Quermano, toj xcuxet co'nton, xchi'uc lec ipat co'nton avu'un ti lec chac'anvane, yu'un vo'ot ta aventa ti itsatsub xa yo'ntonic ta stojol Dios li jch'unolajeletic ti voc'bilic xa yu'un Diose.

Hebreos 13:16

Mu me xch'ay ta avo'ntonic spasel li c'usitic leque, xchi'uc ti tsc'an chacoltavanique. Yu'un ja' li matanal toj lec chil Diose.

1 Pedro 4:11

C'alal me oy boch'o chc'opoje, ja' ac'o yal jech chac c'u cha'al chal li sc'op Diose. Me oy boch'o tsc'an ta xtune, ac'o spas ti c'u x'elan stsatsal ac'bil yu'un Diose. Scotol li c'usitic chapasique, ac'o ja'uc sventa ch-ich'at ta muc' Dios avu'unic ta sventa li Jesucristoe, yu'un ja' no'ox ich'bil ta muc', ja' no'ox oy svu'el sbatel osil. Jechuc.

1 Samuel 15:30

Jech laj yal yan velta li Saule: —Laj xa jta jmul. Pero avocoluc ich'un to ta muc' jech chac c'u cha'al ajvalil ta stojol li moletique xchi'uc ta stojol scotol li jchi'iltactique. Chi'inun sutel sventa chbat quich' ta muc' li Muc'ul Dios cu'untique —xut.