San Mateo 5:6 - Bible in Tzotzil de Chenalhó with Deuterocanon

⁶ “Xcuxet no'ox yo'nton li boch'o jun ta vi'nal, jun ta taqui-o'nal cha'yic ti ac'o c'otuc ta pasel c'usi tsc'an yo'nton Diose, yu'un ja' ta snojesbat o xch'utic yu'un li Diose.

Tzotzil Zinacantan

⁶ ’Ti muchꞌutic sjunul yoꞌon tscꞌanic lecubtasbel yoꞌonique, chilic to ta tsꞌacal ti jun yoꞌonique yuꞌun ta xlecubtasbat yoꞌonic yuꞌun ti Rioxe.

Bible in Tzotzil de Chamula

⁶ “Yan yutsil ti buch'utic co'ol s'elan vi'nal taqui ti'il ta xa'i ta spasel ti c'usi ta sc'an ti Diose, ja' ta xcoltaatic yu'un.

LEQUIL ACH' C'OP

⁶ »Jun no'ox yo'onic ti much'utic co'ol xchi'uc vi'nal taquiti'il cha'iic ti tsc'an tspasic li c'usitic leque, yu'un ta xlecubtasbat yo'onic yu'un ti Rioxe.

Tzotzil San Andres

⁶ ’Li buchꞌutic ta sloqꞌuel yoꞌonic tscꞌanic ti acꞌo tuqꞌuibuc yoꞌonique, chilic ti xmuybajic noꞌoxe yuꞌun chtuqꞌuib yoꞌonic yuꞌun li Diose.

Tzotzil de Huixtán

⁶ ’Chich'ic bendición ti much'utic toyol yo'ntonic tsc'an ti toj yo'ntonique. Ja' ch-ac'batic yu'un ti Diose.

San Mateo 5:6 Iomraidhean Croise

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

Salmos 107:9

Yu'un ja' chac'be ya'al li boch'otic taquin yo'ntonique; ja' chac'be lec sve'elic li boch'otic chvi'najique.

San Juan 6:27

Mu me ja'uc no'ox xavabtelinic sa'el li ave'elic ti sna' xlaje. Ja' tsc'an chavabtelinic sa'bel sve'el ec li avo'ntonic ti mu sna' xlaj sbatel osile. Vu'un ta xcac'boxuc, vu'un ti Xnich'on cristiano lic'ote. Ja' yu'un li Diose, ja' li Jtote, laj xa yac' ta ilel ti vu'un yac'ojbun cabtele —xi li Jesuse.

Salmos 145:19

Ta xac'be c'usi tsc'anic li boch'otic chich'ic ta muq'ue; cha'ibe li sc'opic c'alal xvocoletique, jech ta scolta.

San Juan 7:37

Ta slajeb c'op, ta mero sc'ac'alil q'uin lic va'luc li Jesuse, tsots ic'opoj, jech laj yal: —Li boch'o oy taqui-o'nal cha'ye, ac'o taluc ta jtojol; ac'o tal yuch' li vo' ta xcaq'ue.

Apocalipsis 7:16

Mu xa xvi'najic, mu xa xtaquij yo'ntonic o; mu'yuc xa c'ux c'ac'al cha'yic, mu'yuc xa chiq'uil cha'yic.

San Lucas 6:21

“Cuxetuc no'ox avo'ntonic vo'oxuc ti chavi'najic li' ta orae, yu'un ta to sta yorail chnoj ach'utic. “Cuxetuc no'ox avo'ntonic vo'oxuc ti cha'oq'uic li' ta orae, yu'un ta to xatse'inic.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

San Lucas 1:53

Li boch'otic chvi'najique laj yac'be ep c'usitic chtun yu'unic; yan li jc'ulejetique jeche' smeyoj sc'obic ibat yu'un.

Isaías 65:13

Ja' yu'un jech chayalboxuc li Cajvaltic Diose: “Li cajtuneltaque ta sta lec sve'elic; yan li vo'oxuque chavich' avocolic ta vi'nal. Li stuquique oy c'usi lec chuch'ic; yan li vo'oxuque chtaquij avo'ntonic. Li stuquique xcuxet no'ox yo'ntonic; yan li vo'oxuque chayalic o ta q'uexlal.

Salmos 65:4

Toj xcuxet no'ox yo'ntonic li boch'o chat'uj, ti chavic' ta atojole, yu'un jech xu' te chtal nacluc ta yamaq'uil ana. Lec noj jch'utcutic o ta sventa li c'usitic lec te oy ta anae, ja' li ch'ulna avu'une.

Isaías 25:6

Li Muc'ul Dios ti ech'em svu'ele te ta vits Sión chchapan lequil ve'lil ta sventa li jujun banamile, xchi'uc chchapan pasem ya'lel ts'usub ti vo'one xa lec pasbile; toj lec muic li ve'lile xchi'uc toj lequic li pasem ya'lel ts'usube.

Salmos 84:2

Toj juteb co'nton chac te oyucun ca'ay ta ch'ulna avu'un; li co'nton xchi'uc jbec'tale chq'uejin no'ox ta atojol, cuxul Dios.

San Lucas 6:25

“Vo'oxuc ti noj ach'utic li' ta orae toj abul abaic, yu'un ta to xavi'najic. “Vo'oxuc ti xatse'inic no'ox li' ta orae toj abul abaic, yu'un ta to xa'oc' xa'avanic yu'un li vocole.

Isaías 41:17

“Li boch'otic abul sbaique xchi'uc li me'onetique ta sa'ic vo' yuch'ic, pero mu staic, jech te tsbal sba o stubic ta taqui-o'nal. Pero vu'un li Muc'ul Diose ta xca'ibe sc'opic; vu'un li Diosun yu'un Israele mu'yuc ta jcomtsanic o.

Salmos 63:5

Jech toj jun no'ox co'nton chicom jech chac c'u cha'al boch'o cha'ibe smuil ve'lil ta jun q'uin ti toj mue; toj xcuxet no'ox co'nton chaquich'ot ta muc' jchi'uc li quee.

Salmos 17:15

Pero li vu'une, ta melel ta to jta ti bats'i lec noj jch'ut chicom oe, yu'un ta to jq'uelbot asat; ta to xital te ta atojol.

Cantares 5:1

Cunin ixlal, cunin elub, li' xa oyun ta ts'unubaltic cu'une. I'och xa ta jc'ob li mirra xchi'uc muil poxiletic cu'une; laj xa jlo' li spom muc'ta pom cu'une; laj xa cuch' li ya'lel ts'usub xchi'uc li ya'lel xchu' vacaxe. Vo'oxuc ti lec jc'anojoxuque, ve'an uch'anic vo'; loq'ueso avo'ntonic ti c'u yepal chac'anique.

Isaías 66:11

Yu'un li stuque ja' jech chc'ot jech chac c'u cha'al jun me'il ti chac'be xchu' yole, ti jun yo'nton chcom c'alal lec noj xch'ut yu'une.

Proverbios 10:24

Li boch'o chopole ja' chtal ta stojol li c'usi chi' yu'une; yan li boch'o tuc' yo'ntone ja' tsta li c'usi tsc'ane.

Proverbios 21:21

Li boch'o tspasilan o c'usi lec xchi'uc chc'uxubinvan oe lec chbat, tsta xcuxetel yo'nton, xchi'uc tsta ich'el ta muc'.

Jeremías 31:25

Ta xcac'be ep sve'elic li boch'otic lubenique; ta jnojesbe lec xch'utic li boch'otic ch-alubic xae”, xi li Muc'ul Diose.