San Mateo 5:5 - Bible in Tzotzil de Chenalhó with Deuterocanon

⁵ “Xcuxet no'ox yo'nton li boch'o muc' no'ox yo'ntonique, yu'un ja' ch-ac'bat sventainic li banamil ti albil sc'oplale.

Tzotzil Zinacantan

⁵ ’Ti muchutic mu snaꞌ stoy sbaique, chilic to ta tsꞌacal ti jun yoꞌonique yuꞌun ta slumalinic ti achꞌ balamile.

Bible in Tzotzil de Chamula

⁵ “Yan yutsil ti buch'utic ta sbic'tajes sbaique, ta x'ac'bat sventainic ti banomil ti yaloj ono'ox ti Dios ta xaq'ue.

LEQUIL ACH' C'OP

⁵ »Jun no'ox yo'onic ti much'utic manxoique, yu'un ja ch-ac'bat slumalinic ti ach' balamile.

Tzotzil San Andres

⁵ ’Li buchꞌutic mu snaꞌ stoy sbaique, chilic ti xmuybajic noꞌoxe yuꞌun jaꞌ ta schiꞌinic ta pasmantal li Diose.

Tzotzil de Huixtán

⁵ ’Chich'ic bendición ti much'utic mu sna' stoy sbaique. Ja' ch-ac'bat slumalinic ti ach' balumile.

San Mateo 5:5 Iomraidhean Croise

Salmos 147:6

Li Muc'ul Diose tstoy liquel li boch'o toj biq'uit ch-ilatique; tsbic'tajes o ta j'ech'el li boch'otic chopolique.

Salmos 149:4

Yu'un li Muc'ul Diose toj xcuxet yo'nton ta stojol li steclumale; li boch'otic biq'uit ch-ilatique chac' ta ich'el ta muc' yu'un chac'be stsal li yajcontrae.

Salmos 22:26

Jun yo'nton chlic ve'icuc li boch'otic oy svocolique, lec chnoj xch'utic. Jech chlic yalbeic slequilal Muc'ul Dios li boch'otic ta ono'ox sa'ic li Muc'ul Diose, jech chcuxiic ep jabil.

Salmos 25:13

Ch-ac'bat scotol li slequilale; li smomnich'nabe ch-ac'bat yu'uninic li banamile.

Salmos 25:9

Ja' tsbeiltas batel ta tuq'uil be li boch'o mu sna' bu chbatique; ja' chchanubtas ta spasel c'usi tuc' li boch'o mu c'usi sna'ique.

Salmos 37:11

Yan li boch'otic biq'uit chac' sbaique ja' chu'uninic o li yosilalique; jun no'ox yo'nton te oyic o.

Salmos 37:22

Li boch'o lec sc'oplalic yu'un Muc'ul Diose ta x'ac'bat yu'uninic li banamile; yan li boch'o chopol sc'oplalic yu'une ja' chich'ic ulesel.

Salmos 37:29

Li boch'o tuc' yo'ntonique ja' chu'uninic o li yosilique, jech jun yo'nton te chnaquiic o.

Salmos 37:34

Ja' no'ox naban aba o ta stojol li Muc'ul Diose; ch'unbo li c'usitic chayalbote. Ja' chayac'ot ta ich'el ta muc'; ja' chayac'bot avu'unin o li avosilale, xchi'uc chavil lec ta asat chich'ic ulesel scotol li jpasmuliletique.

Salmos 37:9

Yu'un li boch'o chopolique, j'ech'el chlajic o; yan li boch'o ja' nabalic o ta stojol Muc'ul Diose ja' chu'uninic o li yosilalique.

Salmos 69:32

C'alal jech chilic li boch'otic oy svocole, toj xcuxet no'ox yo'ntonic; ta stsatsub o yo'ntonic li boch'otic tsa'ic Diose.

Isaías 11:4

Tuc' ta xchapan li boch'otic mu sna' spoj sbaique; ja' chal c'u x'elan lec chcom li boch'otic abul sbaique. Ta stsatsal sc'op no'ox chac'be stoj smul li cristianoetic ta banamile; ta yic'al ye no'ox tsmil li boch'o chopolique.

Isaías 29:19

Li boch'o toj biq'uit ch-ilatique chlic staic xcuxetel yo'ntonic ta sventa li Muc'ul Diose. Li boch'otic toj me'onic ta scotol xchi'iltaquique, chlic tse'inicuc ta sventa li Ch'ul Dios yu'un Israele.

Isaías 60:21

“Li jnaclumetic avu'une tuc' yo'nton chc'otic o; sbatel osil chu'uninic o li yosilalique. Yu'un ja' sq'uelum li te' ti vu'un la jts'une; yu'un ja' yabtel coc jc'ob jtuc, ja' sventa ac'o vinajuc li jmuc'ul jtsatsale.

Isaías 61:1

Li espíritu yu'un Cajvaltic Diose li' oy ta jtojol; laj yac'bun svu'el yu'un jech voc'bil licom ta sventa yabtel. Ja' yu'un la stacun tal sventa tal calbe ya'yic lequil a'yej li boch'otic abul sbaique; la stacun tal sventa tal jcolta li boch'otic oy svocolique, sventa tal calbe ti xu' chcolic li boch'otic mozoinbilique, xchi'uc ti xu' chloq'uic ta chuquel li boch'otic ochemic ta chuquele.

Sofonías 2:3

Vo'oxuc ti toj biq'uit cha'ilatic li' ta banamile ja' sa'ic li Muc'ul Diose. Vo'oxuc ti ja' chapasic c'usi tsc'an Diose, ja' pasic li c'usitic tuq'ue, muc'uc no'ox avo'ntonic, naca me jech colem chac'otic c'alal tsta sc'ac'alil ch-ilin li Muc'ul Diose.

Números 12:3

Ta melel, li Moisese ja' jun vinic ti toj biq'uit yac'oj sba li' ta banamile.

San Mateo 11:29

Ja' cuchic li icatsil cu'une, ja' chanic c'u x'elan co'nton yu'un toj lec co'nton, biq'uit cac'oj jba. Me jech chapasique, jech cux xi avo'ntonic.

San Mateo 21:5

“Albo li jnaclumetic ta Sione: ‘Q'uelavil, ta xa xtal ta atojolic li Ajvalil avu'unique. Ja' toj manso. Cajal ta buro chtal, ja' yol j'icatsnom me' buro, uto’, xiyutun li Diose”, xi ono'ox li j'alc'ope.

Romanos 4:13

Li Abrahame ma'uc ta sventa la xch'unbe smantal Dios ti i'albat ti ch-ac'bat sventain sbejel banamil xchi'uc smomnich'nabtaque. Ja' ta sventa ti tuc' yo'nton i'ilat ta sventa xch'unojel yo'ntone.

Gálatas 5:23

mu jtoybauticuc, jna'tic spajesel jbatic. Li boch'o jech tspase mu'yuc smul ta sventa li mantaletique.

Efesios 4:2

Biq'uit xavac' abaic, manso no'ox xapas abaic; oyuc smuc'ul avo'ntonic, talbat xats'icbe abaic c'usi chc'ot ta pasel avu'unic ta sventa ti ac'anoj abaique.

Colosenses 3:12

Ja' me lapic o li slequil avo'ntonique, li c'uxubinvaneje, ti biq'uit chavac' abaique, ti mansooxuc no'oxe, li yutsil avo'ntonique, xchi'uc li smuc'ul avo'ntonique. Yu'un t'ujbiloxuc xa yu'un li Diose, yu'unoxuc xa, lec sc'anojoxuc.

1 Timoteo 6:11

Pero vo'ot li yajtunelot Diose, voc'o me aba ta sventa scotol le'e. Ja' sa'o batel li c'usi tuc' ta pasele, li yich'el ta muc' Cajvaltique, li xch'unojel avo'ntone, li c'uxubinvaneje, ti ac'o oyuc lec stsatsal avo'ntone, ti ac'o cuchuc avu'un scotole, xchi'uc ti biq'uit chavac' abae.

2 Timoteo 2:25

Xchi'uc tsc'an tsts'ic yu'un, tsc'an ta slequil yo'nton tstuq'uibtas li jtoybaetique. Oy yic'al ta xtijbat yo'ntonic yu'un Dios, jech xu' ta sutes yo'ntonic, jech xu' chlic yotquinic li c'usi melele.

SUN TITO 3:2

Mu me boch'o xchopolc'optaic; mu me sliquesic c'op; ac'o oyuc slequil yo'ntonic. Ac'o yaq'uic ta ilel ta stojol scotol cristianoetic ti oy smuc'ul yo'ntonique.

Santiago 1:21

Ja' yu'un li vo'oxuque, comtsanic scotol li c'usitic mu xtune xchi'uc li c'usitic chopol ti epajem xae. Biq'uit xavac' abaic c'alal chava'yic li sc'op Dios ti ts'unbil xa ta avo'ntonique, yu'un ja' oy stsatsal xu' chacolic yu'un.

Santiago 3:13

Me oy boch'o avu'unic ti lec bij, ti oy lec c'usi sna' cha'ye, ac'o yac' ta ilel ta sventa stalel xchi'uc ta sventa c'usi lec tspas. Biq'uit ac'o yac' sba ta sventa li c'usi xu' yu'un ta sventa sbijile.

1 Pedro 3:15

Ich'ic no'ox ta muc' Cajvaltic Cristo ta avo'ntonic. Chapalucoxuc me scotol c'ac'al c'usi chatac'beic me oy boch'o chasjac'boxuc ta sventa li c'usi apatoj avo'nton chamalaique.

1 Pedro 3:4

Ja'uc me ta sventa ti lecuben yut avo'ntonique, xchi'uc ti oy smuc'ul avo'ntonique, yu'un ja' mu xlaj sc'oplal. Le'e ja' toj lec chil li Diose.