San Mateo 5:3 - Bible in Tzotzil de Chenalhó with Deuterocanon

³ “Xcuxet no'ox yo'nton li boch'o abul sba cha'yique, yu'un ja' chventainatic yu'un Dios.

Tzotzil Zinacantan

³ ―Ti muchꞌutic snaꞌojic ti muc bu lec yoꞌonique, chilic to ta tsꞌacal ti jun yoꞌonique yuꞌun chlic pasaticuc ta mantal yuꞌun ti Rioxe.

Bible in Tzotzil de Chamula

³ —Yan yutsil ti buch'utic ta xa'iic ti ch'abal yutsil slequil yo'ntonique, ta staic ventainel yu'un ti Dios ti oy ta vinajele.

LEQUIL ACH' C'OP

³ «Jun no'ox yo'onic ti much'utic abol sba cha'iique, yu'un ta xcuentainatic yu'un ti Rioxe.

Tzotzil San Andres

³ ―Li buchꞌutic tscꞌanic coltaele yuꞌun snaꞌic ti muꞌyuc onoꞌox slequil yoꞌonic li stuquic noꞌoxe, chilic ti xmuybajic noꞌoxe yuꞌun chventainatic yuꞌun li Diose.

Tzotzil de Huixtán

³ ―Chich'ic bendición ti much'utic tsna'ic ti mu'yuc yutsil ti yo'ntonique. Ja' chventaimbat yo'ntonic yu'un ti Diose.

San Mateo 5:3 Iomraidhean Croise

2 Crónicas 33:12

C'alal ja'o chich' tsots vocole, ja' to te lic sc'anbe vocol li Muc'ul Dios yu'une. Solel la sbic'tajes sba ta stojol li Dios yu'un smoltot syame' ta vo'onee.

2 Crónicas 33:19

Ti c'u x'elan la sc'opan Dios xchi'uc c'u x'elan itac'bat sc'op, xchi'uc c'u x'elan smul xchi'uc ti mu junuc yo'ntone, xchi'uc ti butic la spasbe toyol sc'opanbil yan diosetique, xchi'uc ti butic la sva'ananbe sloc'obal li Asera xchi'uc li sloc'obal sdiosic ti c'alal mu'yuc to'ox tsbic'tajes sbae, te ts'ibabil ta svun li j'alc'opetic ti icoltaat yu'une.

2 Crónicas 33:23

Me jutuc mu'yuc la sbic'tajes sba ta stojol Muc'ul Dios jech chac c'u cha'al la sbic'tajes sba li stote. Jech i'epaj o smul ta stojol li Diose.

2 Crónicas 34:27

xchi'uc ta sventa ti ic'ot ta avo'ntone, ti laj abic'tajes aba ta jtojole, ti laj ali' ac'u' c'alal laj ava'ye, xchi'uc ti laj avoc'ta aba ta jtojole, jech ec li vu'une laj ca'ibot li ac'ope.

2 Crónicas 7:14

pero me chlic sbic'tajes sbaic ta jtojol li jteclumal ti xcuchojbicun jbie, me chisc'opanicun, me tsc'anbicun vocol ta jtojole, me tscomtsanic li c'usi chopol tspasique, vu'un ta xca'ibe sc'opic c'alal ta vinajel. Ta jpasbe perdón yu'un li smulique; ta xcac' lecubuc yan velta li yosilique.

Job 42:6

Ja' yu'un ta jsutes co'nton ta atojol; li' ta xcac' jba ta pucuctic, ta tantic —xi li Jobe.

Salmos 1:1

Xcuxet no'ox yo'nton li boch'o mu xch'un c'usi ch-albat yu'un boch'otic chopolique, ti mu xanov ta sbe li jpasmuliletique, ti mu co'oluc c'usi tsnop xchi'uc li boch'otic tslabanic Diose,

Salmos 112:1

Ich'biluc ta muc' li Diose. Xcuxet no'ox yo'nton li boch'o chich' ta muc' Muc'ul Diose, ti ja' muiben o xa'ay snopbel li smantaltaque.

Salmos 128:1

Xcuxet no'ox yo'nton li boch'o lec yich'oj ta muc' Muc'ul Diose, ti ja' te chanov o ta lequil be yu'une.

Salmos 146:5

Xcuxet no'ox yo'nton li boch'o ja' jcoltavanej yu'un li Dios yu'un Jacobe, ti ja' spatoj o yo'nton yu'un li Muc'ul Dios yu'une.

Salmos 2:12

Yu'un jech mu x'ilin ta atojolic, naca me chamanic ta be yu'un; yu'un mu vocoluc xu' tstsan li sc'ac'al yo'ntone. Xcuxet no'ox yo'nton li boch'otic ja' spatoj yo'ntonic yu'une.

Salmos 34:18

Li Muc'ul Diose nopol oy ta stojol li boch'o oy svocol yo'ntonique; tscolta li boch'o lajem stsatsal yo'ntonique.

Salmos 41:1

Xcuxet no'ox yo'nton li boch'o oy ta yo'nton me'onetique, yu'un ja' chcoltaat yu'un Muc'ul Dios ti c'alal yorail oy svocole.

Salmos 51:17

Dios cu'un, ja' lec chavil, ja' amoton chc'ot chavil me ta jsutes co'ntoncutic ta atojole, me ta xcat co'ntoncutic yu'un li jmulcutique, xchi'uc me ta jbic'tajes jbacutic ta atojole.

Salmos 84:12

Muc'ul Dios, vo'ot ti chapas ta mantal scotol te ta vinajele, toj jun no'ox yutsil li boch'otic snabanoj sbaic o ta atojole.

Proverbios 16:19

Ja' lec me biq'uit chcac' jba jchi'uctic li boch'o abul no'ox sbaique; ja' chopol me ta jtsob jc'ulejal jchi'uctic li boch'o muc' yac'oj sbaique.

Proverbios 29:23

Li jtoybae ta syalesat yu'un li stoyobbaile; yan li boch'o biq'uit chac' sbae ta x'ich'at ta muc'.

Proverbios 8:32

“A'yo ava'yic, jnich'nab, toj xcuxet no'ox yo'nton li boch'otic chtalic ta be cu'une.

Isaías 30:18

Pero li Muc'ul Diose chasmalaoxuc, yu'un tsc'an chaxc'uxubinoxuc. Li stuque oy ta yo'nton chac' avilic ti sc'anojoxuque, yu'un li Muc'ul Diose ja' Dios ti tuc' yo'ntone. Xcuxet no'ox yo'ntonic li boch'otic ja' no'ox tspat yo'ntonic o ta stojole.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

Isaías 61:1

Li espíritu yu'un Cajvaltic Diose li' oy ta jtojol; laj yac'bun svu'el yu'un jech voc'bil licom ta sventa yabtel. Ja' yu'un la stacun tal sventa tal calbe ya'yic lequil a'yej li boch'otic abul sbaique; la stacun tal sventa tal jcolta li boch'otic oy svocolique, sventa tal calbe ti xu' chcolic li boch'otic mozoinbilique, xchi'uc ti xu' chloq'uic ta chuquel li boch'otic ochemic ta chuquele.

Isaías 66:2

Yu'un vu'un cabtel scotol li c'usitic oye; vu'un la jpas scotol. “Li boch'o oy ta co'ntone ja' li boch'o biq'uit chac sbaique, ti chat yo'nton yu'un smulique, xchi'uc ti chich'ic ta muc' li jc'ope.

Miqueas 6:8

A'yo ava'ay, cristiano, li Muc'ul Diose yalojbot xa li c'usi lec xu' chapase, xchi'uc sc'anoj xa ta atojol li c'usi ac'o apase: ja' no'ox tsc'an ac'o apas li c'usitic tuq'ue, ti oyuc yutsil slequil avo'ntone, xchi'uc ti biq'uit ac'o avac' aba ta stojol Dios avu'un ta sventa li c'usitic chapase.

San Mateo 11:25

Lic sc'opan Dios li Jesuse, jech laj yal: “Tati, vo'ot yajvalot li vinajel banamile. Colaval ti muc xavac'be ya'yic smelol c'usi laj cal xchi'uc c'usi la jpas li boch'otic bijique xchi'uc li boch'otic lec sna' yalojique. Ja' no'ox laj avac'be ya'yic smelol li boch'otic ja' jechic jech chac c'u cha'al ololetique.

San Mateo 11:6

Xcuxet no'ox yo'nton li boch'o mu xlo'ilaj yo'nton cu'une, utic c'otel li Juane —x'utatic yu'un li Jesuse.

San Mateo 13:16

“Yan li vo'oxuque xcuxet no'ox avo'ntonic, yu'un toj lec li asatique jech laj avilic, yu'un toj lec li achiquinique jech laj ava'yic.

San Mateo 19:14

Ja' yu'un li Jesuse jech laj yalbe: —Ac'o talicuc ta jtojol li ololetique, mu me xapajesic. Yu'un li boch'otic ja' jechic jech chac c'u cha'al ololetique ja' ch-ochic yo' bu tspas mantal Dios —xut.

San Mateo 24:46

Xcuxet no'ox yo'nton li jun j'abtel ti c'alal jech jun yo'nton sbats'il spasel chvul taatuc yu'un yajvale.

San Mateo 25:34

Vu'un li muc'ta Ajvalilune jech chlic calbe li boch'otic te oyic ta jbats'ic'obe: ‘La'ic, yu'un c'uxubinbiloxuc yu'un li Jtote. Ochanic ta pasmantal, yu'un jech ono'ox chapanbil ac'oplalic ta vo'one ti c'alal ilic li banamile.

San Mateo 3:2

jech laj yal: “Suteso avo'ntonic, yu'un nopol xa yorail chlic ventainvanuc li Diose”, xi.

San Mateo 8:11

Chacalboxuc ava'yic, ta yan c'ac'al ta xtalic ep cristianoetic ta sloq'ueb c'ac'al ta smaleb c'ac'al ti mu ja'uc jchi'iltic ta israelale. Te chc'ot xchi'inic ta chotlej yo' bu tspas mantal Dios li jmoltotactic ta vo'onee, ja' li Abrahame, li Isaaque, xchi'uc li Jacobe.

Marcos 10:14

C'alal laj yil Jesús ti ta spajesvanic li yajchanc'optaque, chopol laj ya'ay. Jech laj yalbe: —Ac'o talicuc ta jtojol li ololetique; mu me xapajesic. Yu'un li boch'otic ja' jechic jech chac c'u cha'al ololetique ja' chventainatic yu'un Dios.

San Lucas 11:28

Itac'ov li Jesuse: —Ja' toj xcuxet yo'ntonic ta melel li boch'otic cha'yic li sc'op Diose, ti ta xch'unique —xut.

San Lucas 18:14

Chacalboxuc ava'yic, li jtsobpatane mu'yuc xa smul ch-ilat yu'un Dios ti c'alal isut batel ta snae. Yan li fariseoe mu jechuc. Yu'un li boch'otic tstoy sbaique ja' ta sbic'tajesatic. Yan li boch'otic biq'uit ta xac' sbaique ja' ta x'ac'atic ta ich'el ta muc' yu'un li Diose”, xi li Jesuse.

San Lucas 22:29

ja' yu'un li vu'un eq'ue ta xcac' apasic mantal jech chac c'u cha'al laj yac'bun jpas mantal li Jtote.

San Lucas 22:30

Yu'un jech te chave'ic, chavuch'ic vo' ta jmexa ti bu ta jpas mantale. Jech noxtoc te chachotiic ta chotlebaletic sventa chachapanic li lajcha'chop israeletique”, xi li Jesuse.

San Lucas 4:18

“Li Espíritu yu'un Diose li' oy ta jtojol. Ja' yu'un la st'ujun, jech voc'bil licom ta sventa yabtel. Jech tal calbe ya'yic Lequil A'yej li boch'otic abul sbaique. Tacbilun tal ta yalel ti xu' chcolic li boch'otic ochemic ta chuquele, xchi'uc tal jambe satic li ma'satetique, xchi'uc tal jcolta li boch'otic uts'intabilique.

San Juan 20:29

Li Jesuse jech laj yalbe: —Tomás, ja' to laj ach'un ti c'alal laj avilune. Ja' toj jun yutsil li boch'otic mu'yuc chiyilicun, ti chixch'unicune —x'utat.

Deuteronomio 8:2

Vuleso me ta avo'ntonic scotol c'u x'elan li be bu laj yic'oxuc tal cha'vinic (40) jabil ta xocol banamil li Muc'ul Dios cu'untique. Le'e ja' sventa la sbic'tajesoxuc, xchi'uc la sq'uelboxuc avo'ntonic, yu'un tsc'an tsna' me chac'an chach'unbeic, o me mu xac'an xach'unbeic li smantaltaque.

Santiago 1:10

Li jc'uleje biq'uit ac'o yac' sba, yu'un li sc'ulejale ja' jech chac c'u cha'al xnich ts'i'lal ti mu xjalije.

Santiago 1:12

Xcuxet no'ox yo'nton li boch'o ta xcuch yu'un li preva chtal ta stojole, yu'un me lec iloc' yu'une, ta xich' scorona sventa chcuxi; yu'un yaloj ono'ox Dios ta xac'be li boch'o sc'anojic Diose.

Santiago 2:5

Quermanotac, vo'oxuc ti lec jc'anojoxuque, a'yo lec ava'yic. Li Diose ja' la st'uj li boch'otic me'on li' ta banamile, yu'un jech jc'ulej chc'otic ta sventa xch'unojel yo'ntonic, xchi'uc jech chich'ic c'usi yaloj Dios chac'be li boch'otic sc'anojic Diose.

Apocalipsis 19:9

Li j'almantale jech laj yalbun: “Jech xats'iba ta vun: ‘Xcuxet no'ox yo'nton li boch'otic ic'bilic ta ve'el ta q'uin c'alal chnupin li Ch'ium Chije’, xi xats'iba”, xiyutun. Jech laj yalbun noxtoc: “Li'i ja' li c'usi yaloj Dios ti ja' melele”, xiyutun.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.

Apocalipsis 3:17

Yu'un jech chavalic: Vu'une lec jc'ulejun, jtaoj xa scotol, mu'yuc c'usi yan sc'an cu'un, xachiic. Mu xavil abaic ti solel me'onoxuc, ti abul abaic, ti xataq'uic oc'tael, ti ma'satoxuc, xchi'uc ti bats'i cuxul t'anal chaquiloxuque.