San Mateo 5:12 - Bible in Tzotzil de Chenalhó with Deuterocanon

¹² Cuxetuc no'ox avo'ntonic yu'un. Yu'un chc'ot ata ep amotonic te ta vinajel. Yu'un jech ono'ox laj yich'ic uts'intael ec li yaj'alc'optac Dios ti ba'yuc ijelov avu'unique.

Bible in Tzotzil de Chamula

¹² Muyubajanic, junuc avo'ntonic, yu'un ta xavich'ic ti muc' ta matanal oy ta vinajele. Yu'un jech ono'ox laj yich'ic ilbajinel ti j'alc'opetic c'alal mu'yucoxuc to oxe.

LEQUIL ACH' C'OP

¹² Junuc no'ox avo'onic yu'un lec ti c'usi chc'ot ataic ta vinajele. Yu'un ja' yech i'ilbajinatic ti yaj'alc'optac Riox ti ta vo'ne uque.

Tzotzil San Andres

¹² Muybajanic noꞌox me, patetuc me avoꞌonic yuꞌun toj lec li cꞌusi chcꞌot avichꞌic li te ta vinajele. Jech onoꞌox laj yichꞌic ilbajinel eꞌuc li buchꞌutic iyalic scꞌop Dios ta voꞌonee.

Tzotzil de Huixtán

¹² Nichimuc me avo'ntonic yu'un. Mu me xavich'ic mul yu'un. Yu'un chc'o avich'ic ep amotonic te ti vinajel. Hech ono'ox laj yich'ic ilbajinel ti j'alc'opetic yu'un ti Diose, ja' ti much'u i'ayic ti balumil ti vo'onee.

San Mateo 5:12 Iomraidhean Croise

Génesis 15:1

Ts'acal to, li Muc'ul Diose la sc'opan ta xvayech li Abrame, jech laj yalbe: —Mu xaxi' Abram. Vu'un jchabivanejun avu'un. Li amotone toj ep chata —xut.

1 Reyes 18:13

¿Me mu'yuc ava'yoj c'usi la jpas ti c'alal lic sjapu smilel scotol yaj'alc'optac Muc'ul Dios li Jezabele? Yu'un la jnac' vo'vinic (100) yaj'alc'optac Muc'ul Dios; ja' ta lajlajuneb yoxvinic (50) la jnac' ta jujun nailch'en. Vu'un laj cac'be sve'elic xchi'uc vo' yuch'ic.

1 Reyes 18:4

Yu'un c'alal ta ox smilan scotol yaj'alc'optac Muc'ul Dios li Jezabele, li Abdiase lic stsob li j'alc'opetique. Vo'vinic (100) la sta; la snac' ta chib nailch'en. Lajuneb yoxvinic (50) laj yac' ta jujun nailch'en. Ja' bat yac'be sve'elic, xchi'uc laj yac'be vo' yuch'ic.

1 Reyes 19:2

Li Jezabele la stac batel jun j'almantal ta stojol li Eliase, jech laj yalbe batel: “¡Oc'om jech ora chac li'i, me mu'yuc chamenot cu'un jech chac c'u cha'al laj amil li j'alc'opetique, tsots ac'o yac'bun jtoj li diosetique!”, xut batel.

1 Reyes 21:20

C'alal laj yil Acab te ic'ot li Eliase, jech laj yalbe: —¿Me tal ataun, cajcontra? —xut. Itac'ov li Eliase: —Ta sventa ti tal jtaot ta c'opanele, yu'un solel avac'oj aba o ta spasel c'usi chopol ta stojol li Muc'ul Diose.

1 Reyes 22:8

Itac'ov li ajvalil ta Israele: —Oy to jun; xu' ta jac'betic c'usi tsc'an li Muc'ul Diose. Ja' Micaías, xnich'on Imla. Pero li vu'une stsoq'uet co'nton yu'un, yu'un mu'yuc ono'ox baq'uin xalbun c'usi lec chc'ot ta pasel. Puru chopolic c'usi chiyalbun —xi. Itac'ov li Josafate: —Ajvalil, mu xaval jech —xut.

2 Reyes 1:9

Li ajvalile ta ora la stac batel jun banquilal soldado xchi'uc li lajuneb yoxvinic (50) soldadoetic sventainoje. Te chotol ta jolvits c'ot staic li Eliase. Li banquilal soldadoe jech laj yalbe: —¡Yaj'alc'op Dios, Yalan la tal ta ora, xi li ajvalile! —xut.

2 Crónicas 16:10

Li Asae bats'i tsots i'ilin ta stojol li j'alc'ope, jech la stic' ta chuquel. Ja' jech ora lic socuc o sjol li Asae, lic yuts'intaan jayibuc xchi'iltac te ta slumal.

2 Crónicas 36:16

Pero ja' no'ox la stse'intaic c'usi i'albatic yu'un li boch'o tacbilic tal yu'un Diose. Mu'yuc stu laj ya'yic; la sna'leic li j'alc'opetic yu'unique. Ja' yu'un li Muc'ul Diose la sloq'ues sc'ac'al yo'nton ta stojol li steclumale; mu xa stac' poxtael o.

Nehemías 9:26

“Pero la sa'boxuc sc'ac'al avo'nton, la stoy sbaic ta atojol; la sva'lupatinic comel li amantaltaque. La smilic li avaj'alc'optac ti jamal i'albatic smulique, xchi'uc ti i'albatic ti ac'o suticuc tal ta atojole. Toj ven chopol li c'usi la spasique.

Salmos 19:11

Ja' sventa chibijub o vu'un li avajtunelune; toj lec chibat yu'un me ta jch'une.

Salmos 58:11

Jech chlic yalic: “Ta melel xloc' venta ti tuc' co'ntontique; ta melel oy jun Dios chchapanbe smul li cristianoetique”, xiic.

Proverbios 11:18

Li boch'o chopole chopol stojol chich'; yan li boch'o lec c'usi tsts'une toj lec smoton chich'.

Isaías 3:10

Xcuxet no'ox yo'nton li boch'o tuc' c'usi tspase; lec chbat, ta to sbalin li c'usitic chloc' ta yabtele.

Jeremías 2:30

Altic no'ox laj cac'be nucul li anich'nabique, yu'un muc xtuq'uibic o, muc xlecubic o. Vo'oxuc laj amilic ta espada j'alc'opetic avu'unic jech chac c'u cha'al chmilvan li leonetique.

Jeremías 26:8

C'alal ilaj yo'nton ta yalel c'usi i'albat yu'un Muc'ul Dios li Jeremiase, li paleetic, li j'alc'opetic, xchi'uc scotol li jteclume la stsaquic, jech laj yalbeic: “¡Ta jbel sc'oplal chacham!

Jeremías 37:14

Jech la stac' li Jeremiase: —¡Mo'oj, mu'yuc te chijelov batel! —xi. Pero li Iriase muc xch'un, jech te la xchuc li Jeremiase; laj yic' batel ta stojol banquilaletic.

San Mateo 16:27

Yu'un ta to sta sc'ac'alil chital xchi'uc xojobal Jtot, vu'un ti Xnich'on cristiano lic'ote. Ta jchi'in yalel tal li j'almantaletic cu'une, ja' ta xtal cac'be stojol jujun cristiano ti c'u x'elan la spasique.

San Mateo 6:16

“C'alal chavictaic ixime, mu me jechuc xapasic jech chac c'u cha'al tspasic li jlo'lavanejetic ti tsyanijes satique yu'un chaq'uic ta ilel ta stojol cristianoetic ti yictaojic ixime. Melel li c'usi chacalboxuque, le'e yich'oj xa o smotonic ti jech tspasique.

San Lucas 13:34

“¡Jerusalén, Jerusalén, atalel o ti chamil li j'alc'opetique, ti chavac'be ton li boch'otic tacbilic tal ta atojole! Ep xa ta velta la jc'an ta jtsob avalab jech chac c'u cha'al tstsob yol ta yolon xic' jcot me' caxan, pero muc xac'an.

San Lucas 6:23

Cuxetuc no'ox avo'ntonic ti c'alal jech ta xc'ot ta pasele, yu'un chavich'ic ep amotonic te ta vinajel. Yu'un jech ono'ox la spasic ec li smoltotaquic ta vo'onee; ep laj yuts'intaic li j'alc'opetique.

San Lucas 6:35

Li vo'oxuque tsc'an chac'anic li avajcontraique. Pasic c'usi lec. Ac'o ta q'uexel c'usi oy avu'unic, ac'o me mu'yuc c'usi chataic, jech cha'ac'bat ep amotonic ta vinajel. Jech chvinaj ti vo'oxuc xnich'naboxuc Diose. Yu'un li Diose ja' jech slequil yo'nton ta stojol li boch'otic mu sna' stojic ta vocole, ti chopol yo'ntonique.

Hechos 16:25

Ta o'lol ac'ubal la sc'opanic Dios li Pablo xchi'uc Silase, xchi'uc iq'uejinic ta sq'ueoj Dios. Te laj ya'yic li yan jchuqueletique.

Hechos 5:41

Iloq'uic batel ta stojol li jchapanvanejetic ta ch'ulnae. Xcuxet no'ox yo'ntonic ti oy sc'oplalic yu'un Dios xu' chich'ic vocol ta sventa li Jesuse.

Romanos 5:3

Pero ma'uc no'ox le'e, xcuxet co'ntontic noxtoc ti c'alal chquich'tic vocole, yu'un ta jna'tic ti ja' chac'butic stsatsal co'ntontic li vocole.

1 Corintios 3:8

Li boch'o ta sts'un xchi'uc li boch'o chat'ese co'ol oy stu, ac'o me ta jujuntal chc'ot yich' stojolic ti c'u x'elan la spasic jujunique.

2 Corintios 4:17

Yu'un li vocol li' chquich'cutic ti jliquel no'oxe ja' chich' tal li jlequilalcutic ti mu'yuc slajebe, ti toj ech'em yutsile.

Filipenses 1:29

Yu'un li vo'oxuque laq'uelanbatic xa li coltael ta sventa Cristoe. Ma'uc no'ox tsc'an ac'o ach'unic li Cristoe, ja' tsc'an noxtoc ti ac'o avich'ic vocol ta sventae.

Filipenses 2:17

Pero me tsc'an noxtoc ti chich' malel jch'ich'al sventa chich' ts'acubtasel li matanal chavaq'uic ta stojol Diose ja' li xch'unojel avo'ntonique, xcuxet no'ox co'nton. Me jech chc'ot ta pasele, tsc'an xcuxet no'ox avo'ntonic ec li vo'oxuque.

Colosenses 1:24

Li' ta orae toj xcuxet no'ox co'nton ti chquich' vocol ta acojique, yu'un jech ta jts'acubtas ta jbec'tal ti c'u to yepal sc'an sts'aqui svocol Cristo ta sventa li steclumale, ja' li sbec'tale.

Colosenses 3:24

Na'ic me ti chayac'boxuc amotonic li Cajvaltique, ja' li c'usi sc'oplal ono'ox chayac'boxuque. Yu'un li mero Avajvalic cha'abtejic yu'une ja' li Cristoe.

1 Tesalonicenses 2:15

Ja'ic noxtoc ti la smilic Cajvaltic Jesuse, xchi'uc ti la smilbeic li j'alc'opetic yu'une, xchi'uc ti la snutsuncutic loq'uel ec li vu'uncutique. Tsa'beic sc'ac'al yo'nton li Diose, xchi'uc chopol chilic scotol cristianoetic noxtoc.

Hebreos 10:34

Yu'un laj ac'uxubinic li boch'otic ochemic ta chuquele, xcuxet no'ox avo'ntonic ti c'alal lapojbat c'usitic oy avu'unique, yu'un xana'ic ti ja' toj lec li c'usi chc'ot avich'ic te ta vinajele, ti ja' mu'yuc slajebal oe.

Hebreos 11:26

Yu'un la sna' ti ja' epal c'ulejalil chc'ot yu'un li vocol chich' ta sventa Cristoe, ti ja' mu sta jech yepal chc'ot li sc'ulejal egiptoetique. Yu'un ja' te batem sat yo' bu oy li smoton chc'ot yich'e.

Hebreos 11:33

Le'e ta sventa xch'unojel yo'ntonic la stsalic yantic ajvaliletic, lec tuc' la spasic mantal, laj yilic ti icoltaatic yu'un Dios jech chac c'u cha'al albilique, oy imacbat ye jti'vanej bolometic jech muc xti'atic.

Hebreos 11:6

Yu'un me mu'yuc xch'unojel co'ntontique, mu xu' lec chijyilutic li Diose. Yu'un li boch'o chtal ta stojol Diose persa chch'un ti oy li Diose, xchi'uc ti ch-ac'bat smoton li boch'o ta sa'e.

Santiago 1:2

Quermanotac, cuxetuc no'ox avo'ntonic c'alal me chtal ep ta chop preva ta atojolique,

Santiago 5:10

Quermanotac, chanic me jech chac c'u cha'al laj yich'ic vocol, xchi'uc jech chac c'u cha'al its'ic yu'unic vocol li j'alc'opetic ti ic'opojic ta sventa Cajvaltique.

1 Pedro 4:13

Ja' tsc'an cuxetuc no'ox avo'ntonic, yu'un co'ol chavich'ic vocol jech chac c'u cha'al laj yich' vocol li Cristoe. Jech xcuxet no'ox avo'ntonic noxtoc ti c'alal tsta yorail chtal xchi'uc slequilal yutsilale.

Rut 2:12

Muc'ul Dios chayac'bot atojol ti jech laj apase. Li Muc'ul Diose, ja' li Dios yu'un Israel ti laj asa' sventa chascoltaote, ja' chayac'bot amoton ta sventa scotol li c'usitic laj apase —xut.