San Mateo 4:16 - Bible in Tzotzil de Chenalhó with Deuterocanon

¹⁶ ja' li cristianoetic ti nacalic to'ox ta ic' osile laj xa yilic sac osil. Li boch'o oyic xa'ox ta sventa lajele xojoban xa luz ta stojolic”, xi ono'ox li j'alc'op Isaiase.

Tzotzil Zinacantan

¹⁶ Ti jchiꞌiltactique ti tsꞌacal to chtal naclicuc teyoꞌe, abol sbaic. Tsꞌacal to jun yoꞌonic yuꞌun jaꞌ tey chul ta slumalic ti muchꞌu stꞌujoj Riox chistojbotic li jmultique, xi onox ti Isaíase.

Bible in Tzotzil de Chamula

¹⁶ scotol ti jnaclejetic taje, ti oyic ta ic'al osile, laj yilic saquilal osil un. Ti buch'utic oyic ta squeoval ti chamel lajebale, c'ot ta stojolic un ti saquilal osile.”

LEQUIL ACH' C'OP

¹⁶ Li crixchanoetic ti nacajtic to'ox ta ic' osile iyilic xa sac osil; li much'u albil xa'ox sc'oplal chchamique xojoban xa luz ta stojolic.» —Xi ono'ox ti j'alc'op Isaiase.

Tzotzil San Andres

¹⁶ Scotol li jchiꞌiltactic ta israelal ti ta tsꞌacal to chnaquiic teye, chichꞌic ep vocol. Tsꞌacal to chilic ti xmuybajique yuꞌun jaꞌ te chcꞌot ta stojolic li buchꞌu acꞌbil yabtel yuꞌun li Diose, xi onoꞌox li Isaíase.

Tzotzil de Huixtán

¹⁶ Scotol ti much'utic oyic ti vocol te o, ti oyic ti xi'el yu'un mu sna'ic mi chcolic, nichim no'ox yo'ntonic ti patil yu'un te chc'ot ti stojolic ti Jcoltavaneje, xchi ti Diose, xchi ti Isaíase.

San Mateo 4:16 Iomraidhean Croise

Job 10:22

ja' li banamil ti bats'i ic'al osil te oye, ti soquem o scotole, ti puru xyaxinal chamel lajel te oye, ti mu'yuc xa smelol oe, ti bu ic'uben xa o li sac osile —xi ta stojol Dios li Jobe.

Job 3:5

Ja' lec ti lajuc yich' pixel o ta pimil ic'al osile; ja' lec ti lajuc yich' maquel ta pimil ic'al toque; ja' lec ti imacuc li c'ac'al ti chac' ep xi'ele.

Job 34:22

Mu'yuc bu ta tael bats'i ic' osil ti mu xa xvinaj, ti xu' te tsnac' sbaic li boch'otic chopol c'usi tspasique.

Salmos 44:19

Pero laj anet'uncutic batel ta chuculaltic ti bu oy ep vocole; laj amacuncutic ta xyaxinal li lajele.

Isaías 9:1

Ta ba'yuque Dios la sbic'tajes li Galilea te ta yosilal Zabulone, xchi'uc li Neftalí ti nopol xil sbaic xchi'uc li yanlum cristianoetic ti mu'yuc yich'ojic ta muc' Diose, ti te xlic batel ta jot uc'um Jordán c'alal to ta ti'nabe. Pero ts'acal to laj yac' lec ta ich'el ta muc'.

Isaías 9:2

Li cristianoetic ti chanovic to'ox ta ic' osile laj xa yilic saquil osil; li boch'otic nacajtic to'ox ta ic'al osile xojoban xa luz ta stojolic.

Jeremías 13:16

Ich'ic ta muc' li Muc'ul Diose, ja' li Dios avu'unique, yu'un yo'to mu'yuc chac' taluc ic' osil ta atojolic, yo'to mu'yuc chabosi avacanic ta ic'al osil te ta vitsetic, xchi'uc yo'to mu'yuc ta sc'atajes ta ven ic'al osil li sac osil amalaojic chtale.

Amós 5:8

Ja' sa'ic li Boch'o spasoj Xonob c'analetique xchi'uc li Orión c'analetique, xchi'uc ti ja' xu' yu'un tsc'atajes ta sac osil li ic' osile, ti ja' xu' yu'un tsc'atajes ta ac'ubaltic li c'ac'altique, ti xu' yu'un chic' muyel li vo'etic ta nab sventa tsmal yalel tal li' ta banamile.

Miqueas 7:8

Vo'ote, jcontrainvanej cu'uncutic, mu me xcuxetuc avo'nton ti oy jvocolcutic chavile. Ac'o me liyalcutic ta lum, pero ta jtam jbacutic totsel; ac'o me oyuncutic ta ic' osil, pero ja' saquil osil chc'ot cu'uncutic li Muc'ul Diose.

San Lucas 2:32

Ja' sac osil chc'ot yu'unic ec li yanlum cristianoetique; ja' slequilalic chc'ot li ateclumal Israele”, xi li Simeone.