San Mateo 4:10 - Bible in Tzotzil de Chenalhó with Deuterocanon

¹⁰ Ja' yu'un li Jesuse jech laj yalbe: —Batan, Satanás. Yu'un jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

Tzotzil Zinacantan

¹⁰ ―Batan, Satanás. Mu jchꞌun li cꞌusi chavalbone. Tsꞌibabil ta scꞌop Riox ti stuc noꞌox chquichꞌticotic ta mucꞌ ti Rioxe, ti jaꞌ ta jpasticotic ti cꞌusi tscꞌane ―xꞌutat yuꞌun Jesús ti pucuje.

Bible in Tzotzil de Chamula

¹⁰ Ti Jesuse xi laj stac'bee: —Batan, Pucuj, ti sc'op Diose xi ta xale: ‘Ich'o ta muc' ti Ajvalil Dios avu'une, ac'o aba ta tunel yu'un.’

LEQUIL ACH' C'OP

¹⁰ Itac'av ti Jesuse: —Batan, Satanás. Ts'ibabil ta sc'op Riox: “Stuc no'ox xavich'ic ta muc' ti Riox avu'unique, ja' no'ox xapasic li c'usi tsc'ane.” Xi.

Tzotzil San Andres

¹⁰ Itacꞌav li Jesuse: ―Batan, Satanás, mu jchꞌun li cꞌusi chavalbune. Yuꞌun jech tsꞌibabil ta scꞌop li Diose: “Jaꞌ noꞌox xavichꞌic ta mucꞌ stuc li Cajvaltic Diose. Jaꞌ noꞌox xapasic li cꞌusi tscꞌane”, xi tsꞌibabil ―xut.

Tzotzil de Huixtán

¹⁰ Hech itac'av ti Jesuse: ―Batan, Satanás, mu stac' ti jch'un amantal. Yu'un hech ts'ibabil: “Ja' chapasic ti muc' stuc ti Cajvaltic Diose, ja' ti Dios cu'untique. Ja' chach'umbeic smantal stuc”, ti xchie. Hech ts'ibabil ―xchi ti Jesuse.

San Mateo 4:10 Iomraidhean Croise

1 Crónicas 21:1

Pero li Satanase lic scontrain li israeletique, lic yac'be sna' David ti ac'o spas tsactsacvun ta stojol li xchi'iltaque.

Job 1:12

Li Muc'ul Diose jech laj yalbe li banquilal pucuje: —Lec oy, scotol li c'usi oy yu'une oy ta ac'ob; ja' no'ox mu xavac' ac'ob ta sbec'tal stuc li Jobe —xut. Li banquilal pucuje iloc' batel ta stojol li Muc'ul Diose.

Job 1:6

Ta sc'ac'alil c'alal ibat sva'an sbaic ta stojol Dios li yajtuneltac te ta vinajele, te nabal ibat ec li banquilal pucuje.,

Job 2:1

Ta yan c'ac'al ibat sva'an sbaic ta stojol Muc'ul Dios yan velta li yajtuneltac Diose. Te nabal ibat noxtoc li banquilal pucuje.

Salmos 109:6

Ac'o ta chapanel ta stojol li boch'o chopol yo'ntone; ja' ac'o tic'batuc smul yu'un li jpojvanej yu'une.

Éxodo 23:25

Vu'un no'ox xavich'icun ta muc'; vu'un li Muc'ul Diosun avu'unique, jech ta xcac'be bendición li apanique xchi'uc li ava'alique. “Mu'yuc ta xcac' taluc chamel ta atojolic.

Isaías 30:22

Jech chlic abajic o li sloc'obal adiosic apasojic ta saquil taq'uine xchi'uc li bic'tal loc'ometic apasojic ta c'anal taq'uine; chajipic o batel jech chac c'u cha'al li c'usi toj i'lal sbae.

San Mateo 16:23

Ijoyij li Jesuse, jech laj yalbe: —Loc'an ta jtojol Satanás. Chac'an chavac' jbosi cacan ta atojol. Ma'uc chanop c'usi ta sc'an Dios. Ja' no'ox chanop c'usi tsc'an cristiano —xut.

Marcos 1:13

Cha'vinic (40) c'ac'al te oy ta xocol banamil, te xchi'uc te'tical chonbolometic. Te iq'uelbat yo'nton yu'un li banquilal pucuje; pero icoltaat yu'un yaj'almantaltac Dios.

San Lucas 10:18

Li Jesuse jech laj yal: —Ta melel laj quil sjislej yalel tal ta banamil jech chac c'u cha'al sacsevul li banquilal pucuje.

San Lucas 11:18

Ja' no'ox jech ec li banquilal pucuje, me ta scontrain sba stuquique, ¿c'u x'elan xu' yu'un ta spasic mantal ti jechuque? Ti jech ta xcalboxuque, yu'un chavalic ti ta svu'el banquilal pucuj ta jloq'ues li pucujetique.

San Lucas 13:16

Li ants li'i ti ja' smomnich'on Abrahame, xvaxaclajunebal (18) xa jabil tsacbil ta chamel yu'un li pucuje, ¿me mu stac' ta jcolta ta sc'ac'alil ta jcux co'ntontic? —x'utatic yu'un li Jesuse.

San Lucas 22:3

Li banquilal pucuje i'och ta yo'nton li Judase, ja' li Iscariote yan sbie. Ja' jun li lajchab yajchanc'op Jesuse.

San Lucas 22:31

Li Cajvaltique jech laj yalbe li Simone: —Simón, Simón, a'yo ava'ay. Li pucuje ay xa sc'an tal ta stojol Dios ti ac'o cuchatanic batel ta ic' jech chac c'u cha'al solil trigoe.

San Lucas 4:8

Itac'ov li Jesuse: —Jech ts'ibabil ta sc'op Dios: ‘Ja' no'ox xavich'ic ta muc' stuc li Cajvaltique, ja' li Dios avu'une, ja' no'ox xaquejan aba ta stojol’, xi ts'ibabil —xut.

San Juan 13:27

C'alal la stsac pan li Judase, iventainbat o yo'nton yu'un li banquilal pucuje. Li Jesuse jech laj yalbe: —Li c'usi anopoj chapase bat paso ta ora —xut.

Hechos 26:18

Vo'ot chc'ot avic'be satic, yu'un jech xu' chtalic ta sac osil, jech xu' tscomtsanic li ic' osile. Jech xu' ta xloq'uic ta sc'ob li Banquilal Pucuje; ja' chlic ochicuc ta sc'ob li Diose. Jech xu' ta xlic xch'unicun, jech ta spasbatic perdón yu'un smulic. Jech xu' chich'ic ec li c'usi sc'oplal chich'ic li boch'otic voc'bilic xa cu'une’, xiyutun li Cajvaltique.

Hechos 5:3

Li Pedroe jech laj yalbe li Ananiase: —Ananías, ¿c'u yu'un laj avac' ochuc ta avo'nton li Satanase, yu'un la'epalc'opoj ta stojol li Ch'ul Espiritue? Yu'un muc ts'acaluc laj avac' li stojol avosile.

1 Corintios 5:5

cac'tic ta sc'ob Satanás li boch'o jech spasoje, yu'un jech ac'o sta ep svocol, jech chlaj sc'oplal li c'usi tsc'an sbec'tale, jech ta to xcol c'alal tsta yorail chchapanvan li Cajvaltique.

1 Corintios 7:5

Jech tsc'an ti mu xajalan abaique. Ja' no'ox me co'ol chanop achibalic ti tsots sc'oplal chac'opanic Dios jayibuc c'ac'ale, xu' mu xachi'in abaic. Ts'acal xlic achi'in abaic yan velta, yu'un naca me spasboxuc preva avo'ntonic banquilal pucuj ta scoj ti mu xu' avu'un atuquique.

2 Corintios 11:14

Mu me xch'ay avo'ntonic yu'un. Yu'un li banquilal pucuje toj lec sna' sc'atajes sba ec; xco'laj xa xchi'uc yaj'almantal Dios tscuy sba.

2 Corintios 12:7

Pero ti c'u cha'al muc toj muc'uc chcac' jba ta sventa li c'usi toj jun yutsil li'ac'bat quile, jech li'ac'bat tsots vocol ta jbec'tal. Ja' yabtejeb li banquilal pucuje; ja' laj yilbajinun. Ti jech ic'ot ta pasele, yu'un jech mu ech'emuc muc' chic'ot.

2 Corintios 2:11

Yu'un jech mu xcac'betic spas canal ta jtojoltic li banquilal pucuje, yu'un jna'ojtic xa li c'usi oy ta yo'nton tspase.

Deuteronomio 10:20

“Ich'ic me ta muc' li Muc'ul Diose cu'untique. Ja' no'ox me xaquejan abaic ta stojol. Junuc me avo'ntonic ta stojol. C'alal me oy c'usi chac'an chavalic ti chava'anic testigoe, ja' me xava'anic ta testigo stuc li Muc'ul Diose.

Santiago 4:7

Ja' yu'un ac'o abaic ta sc'ob li Diose. Ja' contrainic li pucuje, jech chjatov loq'uel ta atojolic.

Josué 24:14

—Ja' yu'un ich'ic me ta muc' li Muc'ul Diose; scotoluc avo'nton tunanic yu'un. Comtsanic o yich'el ta muc' li yantic diosetic ti ja' itunic yu'un jmoltotactic ta vo'one c'alal te nacalic ta ti' uc'um Éufrates xchi'uc ta Egiptoe. Ja' tunanic o yu'un li Muc'ul Diose.

1 Pedro 5:9

Contrainic li pucuje, j'ech'el oyuc o xch'unojel avo'ntonic. Na'ic me ti ja' jech chich'ic vocol ec li jch'unolajeletic ti buyuc no'ox oyic ta sbejel banamile.

1 Samuel 7:3

Ja' yu'un li Samuele jech laj yalbe scotol li israeletique: “Me ta melel scotol avo'nton chasutic tal yan velta ta stojol li Muc'ul Diose, loq'uesic ta atojolic li yantic diosetic avu'unique xchi'uc li sloc'obaltac Astarote. Ja' no'ox ac'o avo'ntonic ta stojol li Muc'ul Diose; ja' no'ox stuc xavich'ic ta muc', jech chascoltaoxuc loq'uel ta sc'ob li filistaetique”, xut.