San Mateo 3:7 - Bible in Tzotzil de Chenalhó with Deuterocanon

⁷ C'alal laj yil Juan ti ep fariseoetic xchi'uc saduceoetic bat sc'anic ich' vo'e, jech laj yalbe: “Li vo'oxuque ja' achi'ilic orachon. ¿Me chac'an chajatovic ta anil ta sventa li stojol mulil ta xtale?

Tzotzil Zinacantan

⁷ Ti Juane iyil ti tey chcꞌot ep ti muchꞌutic ochemic ta fariseoale xchiꞌuc ti muchꞌutic ochemic ta saduceoale. Cꞌot scꞌanic ichꞌvoꞌ uc. ―Li voꞌoxuque jaꞌ achiꞌilic li quiletel chone. Ti cꞌalal chaꞌi ti chtal cꞌocꞌ li chone, chjatav. Jaꞌ yechoxuc uc. ¿Miꞌn avaꞌiic xa yaꞌel ti chavichꞌic castico ti tal acꞌanic ta ora li ichꞌvoꞌe?

Bible in Tzotzil de Chamula

⁷ C'alal laj yil ti Juan ti ep ta xtalic ta yich'el vo' ti fariseoetique xchi'uc ti saduceoetique, xi laj yalbee: —Xnich'nab jti'oval chon, ¿buch'u laj yalboxuc ava'iic ti ta xapoj abaic yu'un ti tsots tsitsel ti ta xa xtale?

LEQUIL ACH' C'OP

⁷ C'alal iyil ti Juane ti tey c'ot sc'anic ich'vo' epal jfariseoetic xchi'uc jsaduceoetique, yech iyalbe chac li'i: «¡Li vo'oxuque ja' achi'ilic li quiletel chonetique! ¿Much'u yalbeic ti chacolic ta tsatsal castico ti ta xtale?

Tzotzil San Andres

⁷ Iyil li Juane ti te ta xtalic ep li buchꞌutic ochemic ta fariseoale schiꞌuc li buchꞌutic ochemic ta saduceoale. Tal scꞌanic yichꞌic joꞌ eꞌuc. Li Juane jech laj yalbe: ―Li joꞌoxuque jun chac stsꞌunbaloxuc li orachone. Li orachone ta xjatav loqꞌuel ta anil li cꞌalal mi iyaꞌi ti ta xa xtal cꞌoqꞌue. Jaꞌ jechoxuc li joꞌoxuque. ¿Mi yuꞌun avaꞌiic ti ta onoꞌox xavichꞌic vocol yuꞌun Dios ti latalic ta anile, yoꞌ tal acꞌanic avichꞌic joꞌe?

Tzotzil de Huixtán

⁷ Laj yil ti Juane ti ep chtal uc ti fariseoetique xchi'uc ti saduceoetique, ja' ti jchi'iltique. (Ti fariseoetique ja' tsots sc'opilal c'otem yu'unic tscuyic ti smantal ti Diose. Ja'uc ti saduceoetique ja' chch'unic ti mu'yuc much'u chcha'cuxie.) Italic yu'un tsc'an chich'ic ho' uc. Hech yu'un hech i'albatic yu'un ti Juane: ―Ti ho'oxuque hech chaj c'u che'el ti orachone mi chtal c'oc' cha'i, chjatav. Hech un ja' no'ox hech ti ho'oxuque, ¿mi yu'un chava'yic ti ta ono'ox xavich'ic vocol yu'un ti Diose yu'un ti natalic ti anil yu'un tal ac'anic ich'ho' ti jtojol ti ho'oxuque?

San Mateo 3:7 Iomraidhean Croise

Génesis 3:15

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

Proverbios 28:4

Li boch'o ta sbajic mantaletique chalic ti ja' lequic li boch'o chopolique; ja' xa chopol chlic yilic li boch'o chch'unic mantale.

Isaías 59:5

Xco'laj xchi'uc puru ston jti'val chon sluts'ojic; xco'laj xchi'uc puru na om yochelic sjalel noxtoc. Li boch'o chac'beic slo' li ston sluts'ojique chcham o yu'unic. Me oy boch'o tst'usbe li stonique, puru orachon te chloc'.

Jeremías 51:6

“¡Jatovanic loq'uel ta stojol li Babiloniae, pojo abaic ta milel, yu'un jech mu teuc capal xalajic ta milel ta scoj smulic! Yu'un ja' yorail ta xcac'be spacol, vu'un li Muc'ul Diosune; ja' xa yorail ta xcac'be stojolic ti c'u x'elan stojol tsc'ane.

Jeremías 6:10

Li vu'une jech la jtac': “¿Me oy boch'o tsc'an cha'ay c'alal me ta jc'opane, me chcalbe jech chac le'e? Q'uelavil, pasemic o ta coc, mu xa'yic o c'opanel; ja' no'ox tsna'leic li ac'ope, mu sc'an xa'yic o.

San Mateo 12:24

Pero c'alal laj ya'yic li fariseoetique, jech laj yalic: “Li vinic li'i, ta svu'el banquilal pucuj ta sloq'ues pucujetic ta yo'nton li cristianoetique”, xiic.

San Mateo 12:34

¡Ja' achi'ilic orachon! ¿C'u x'elan xu' lec chac'opojic ti chopoloxuc ono'oxe? Yu'un li c'usi oy ta avo'ntonique ja' jech chloc' ta aveic.

San Mateo 15:12

Jech te inoch'ajic batel ta stojol Jesús li yajchanc'optaque, jech laj yalbeic: —¿Me xana' ti toj chopol laj ya'ay fariseoetic li c'usi laj avale? —xutic.

San Mateo 16:1

Italic jayibuc fariseoetic xchi'uc saduceoetic yu'un tsc'an ta sq'uelic c'uxi ta xtac'ov li Jesuse. Jech vul yalbeic: —Ac'bun quilcutic sq'uelubil atsatsal ta vinajel —xutic.

San Mateo 16:6

Jech i'albatic yu'un li Jesuse: —Q'uelo me abaic ta sventa svolesubil xch'ut pan yu'un li fariseoetic xchi'uc li saduceoetique —xut.

San Mateo 22:15

Li fariseoetique bat stsob sbaic ta snopel c'usi xu' ta sjac'beic li Jesuse, yu'un tsc'an tsa'beic smul.

San Mateo 22:23

Ta sc'ac'alil le'e, ja'o te italic noxtoc li saduceoetique, ja' ti chalic mu'yuc cha'cuxesele. Jech vul sjac'beic li Jesuse:

San Mateo 22:34

C'alal laj ya'ay fariseoetic ti muc sna'ic staq'uel ic'ot li saduceoetique, jech la stsob sbaic tal ta stojol li Jesuse.

San Mateo 23:33

“¡Jti'valchonetic, sts'unubal orachonetic! ¿Me chanopic ti mu'yuc ono'ox chbat atoj amulic ta tojob mulile?

San Mateo 5:20

Chacalboxuc ava'yic, me ja' no'ox jech chapasic jech chac c'u cha'al li jchanubtasvanejetic xchi'uc li fariseoetique, mu xu' chavich'ic ventainel yu'un Dios.

Marcos 12:13

La staquic tal ta stojol Jesús jayibuc fariseoetic xchi'uc svinictac Herodes, yu'un oy c'usi ta sjac'beic, yu'un tsq'uelic me xu' te ta stabeic o smul.

Marcos 12:18

Italic ta stojol Jesús jayibuc saduceoetic, ja' ti xch'unojic mu'yuc cha'cuxesele. Jech vul sjac'beic li Jesuse:

Marcos 8:15

Li Jesuse jech laj yalbe li yajchanc'optaque: —Q'uelo me abaic ta sventa svolesubil xch'ut pan yu'un li fariseoetique xchi'uc svolesubil xch'ut pan yu'un li Herodese —xut.

San Lucas 16:14

C'alal jech laj ya'yic li fariseoetique, la slabanic li Jesuse, yu'un stalelic ti xpich'et no'ox yo'ntonic yu'un taq'uine.

San Lucas 18:11

Li fariseoe te c'ot sva'an sba ti c'alal la sc'opan Diose, jech laj yal: ‘Dios, colavalbun ti mu jechuc co'nton jech chac c'u cha'al li yan cristianoetique. Yu'un li stuquique ta x'elc'ajic, mu'yuc tuc' yo'ntonic, ta xmulivajic. Mu jechuc co'nton noxtoc jech chac c'u cha'al li jtsobpatan li'i.

San Lucas 7:30

Yan li fariseoetic xchi'uc li boch'otic lec xchanojic smantal Dios ti muc sc'anic ich'vo' yu'un li Juane, muc sc'anic noxtoc li coltael yu'un Dios vulem ta stojolique.

San Juan 1:24

Li boch'otic itacatic tale ja' fariseoetic.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

San Juan 9:40

C'alal laj ya'yic li jayib fariseoetic te xchi'inojic Jesuse, jech laj yalbeic: —¿Me yu'un ma'satuncutic acuyoj ec li vu'uncutique? —xutic.

Hechos 15:5

Te oy jayibuc jch'unolajeletic ti xch'unojic to fariseoe, la sva'an sbaic, jech laj yalic: —Ta persa ta xich'ic circuncisión li jch'unolajeletic le'e, xchi'uc persa chavalbeic noxtoc ti ac'o xch'unic li smantaltac Dios laj yal Moisese —xiic.

Hechos 20:31

Ja' yu'un viq'uiluc me asatic. Mu me xch'ay ta avo'ntonic ti oxib jabil ta c'ac'al ta ac'ubal laj calboxuc ava'yic c'usi lec ta pasel li jujunoxuque; ep la coc'taoxuc.

Hechos 26:5

Lec xotquinicun c'u xi'elan; xu' ta xalic li c'usi jch'unoj tal ta vo'onee. Sna'ojic ti biq'uitun lic jch'un fariseoe, ja' ti toj tsots sc'oplal cu'untic li mantaletic jch'unojtique.

Hechos 5:17

Lic sva'an sba li mero banquilal palee xchi'uc li xchi'iltac ta saduceoal te xchi'uque, yu'un bats'i xti'et yo'ntonic.

Romanos 1:18

Yu'un lec xvinaj ti ch-ilin tal Dios ta vinajel ta scoj smulic, ta scoj xchopolilic li cristianoetic ti tsc'an tsmaquic ta be c'usi melel ta scoj li xchopolilique.

Romanos 5:9

Ja' yu'un c'u to x'elan lec chijyilutic ta sventa xch'ich'al li Cristoe, yu'un ja' ta sventa ti mu'yuc xa chbat jtoj jmultique.

1 Tesalonicenses 1:10

Xchi'uc chalic noxtoc ti jun avo'nton chamalaic tsut tal ta vinajel li Xnich'on Dios ti la xcha'cuxes loq'uel ta smuquinale, ja' li Jesuse. Ja' li boch'o la scoltautic ti c'u cha'al mu xijbat ta tojob mulil ti li' to jmacojtic batele.

Hebreos 11:7

Ta sventa xch'unojel yo'nton li Noee, jech c'alal i'albat yu'un Dios ti chtal li c'usi mu'yuc to yiloje, ta scotol yo'nton la spas jun barco yo' bu xu' chcolic sjunulic ta nae, yu'un laj yich' ta muc' li Diose. Ta sventa xch'unojel yo'nton laj yac' ta ilel ti oy smulic li cristianoetique. Ja' yu'un li Noee la sta li coltael ti sc'oplal ta jtatic ta sventa xch'unojel co'ntontique.

Hebreos 6:18

Jech oy chib c'usi mu xlaj sc'oplal laj yal li Diose, ja' svinajeb ti persa chc'ot ta pasel, ti mu ja'uc no'ox ch-epalc'opoje. Jech chpat lec co'ntontic, tstsatsub lec co'ntontic yu'un, vu'utic ti jch'unojtic, ti jpatoj xa co'ntontic ta jtatic li c'usi ta jmalatique.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.