San Mateo 3:5 - Bible in Tzotzil de Chenalhó with Deuterocanon

⁵ Ibat ya'ibeic sc'op Juan scotol li boch'otic nacajtic ta Jerusalene, xchi'uc scotol li jnaclumetic ta Judeae, xchi'uc li boch'otic te nacajtic ta jujun lum ta uc'um Jordane.

Tzotzil Zinacantan

⁵ Ti jchiꞌiltactic ta israelale ti liꞌ nacajtic ta Jerusalene, xchiꞌuc ti muchꞌutic liꞌ nacajtic ta sjunlej estado Judeae, xchiꞌuc ti muchꞌutic tey nacajtic ta tiꞌ ucꞌum Jordane, ba yaꞌiic cꞌusi chal ti Juane.

Bible in Tzotzil de Chamula

⁵ Ti jnaclejetic ta Jerusalene, ta sjoylej ti Judea banomile, xchi'uc ti nopol ta uc'um Jordane, ta xtalic ya'ibeic sc'op ti Juane.

LEQUIL ACH' C'OP

⁵ Ti much'utic tey nacalic ta Jerusalene xchi'uc ti much'utic nacajtic ta sjunlej yosilal li Judeae xchi'uc ti much'utic tey nopol nacajtic ta uc'um Jordane tal ya'iic scotolic c'usi chal ti Juane.

Tzotzil San Andres

⁵ Scotol li jchiꞌiltactic ta israelal li te nacalic ta Jerusalene ba yaꞌibeic scꞌop li Juane, schiꞌuc li buchꞌutic te nacalic ta spꞌejel li Judea balumile, schiꞌuc li buchꞌutic te nacalic ta nopol tiꞌ ucꞌum Jordane.

Tzotzil de Huixtán

⁵ Hech ba ya'ibeic sc'op ti Juane ti jchi'iltique ti te nacajtic ti Jerusalén xchi'uc ti te nacajtic ti scotol yan jteclumetic te ti estado Judea xchi'uc ti te nopol nacajtic ti ti'uc'um Jordán.

San Mateo 3:5 Iomraidhean Croise

San Mateo 2:1

C'alal ivoc' Jesús te ta lum Belén ta Judea banamile, ja'o ochem ta ajvalilal jun vinic, Herodes sbi. Te ic'otic ta Jerusalén jayibuc bijil viniquetic sna'ic sq'uelel c'analetic liquemic tal ta sloq'ueb c'ac'al.

San Mateo 4:25

Bats'i ep cristianoetic la xchi'inic batel li Jesuse, ja' li boch'otic te nacajtic ta Galilea banamil, ta Decapolis, ta lum Jerusalén, ta Judea banamil, xchi'uc ta jot uc'um Jordane.

Marcos 1:5

Ibatic ta stojol Juan scotol li jnaclumetic ta Judeae xchi'uc li jnaclumetic ta Jerusalene. Te i'ac'bat yich'ic vo' yu'un Juan ta uc'um Jordán ti c'alal laj yalic ta jamal smulique.

San Lucas 16:16

“Li smantaltac Diose xchi'uc li c'usitic laj yalic j'alc'opetique ja' laj ava'yic o c'alal to ital li Juan j'ac'vanej ta vo'e. Ja'o te lic yich' cholel tal noxtoc li ventainel yu'un Diose. Jech scotolic chaq'uic persa tsc'an ch-ochic ta scotol yo'ntonic.

San Lucas 3:3

Li Juane ixanov batel ta jujun banamil ta ti'ti' uc'um Jordán. Laj yalbe cristianoetic ti ac'o sutes yo'nton yu'un smulique, ti ac'o yich'ic vo'e, yu'un jech ta spasbatic perdón yu'un smulic.

San Lucas 3:7

Li Juane jech laj yalbe li epal cristianoetic tal sc'anic ich'vo' ta stojole: “Li vo'oxuque ja' jechoxuc jech c'u cha'al orachon. ¿Boch'o laj yalboxuc ti ac'o jatovanic ta anil ta sventa li sc'ac'al yo'nton Dios ti po'ot xa chtale?

San Juan 3:23

Jech ec li Juane te ta xac' ich' vo' ta Enón ta nopol Salim, yu'un ja' oy ep vo' te. Li cristianoetique ibatic ta stojol li Juane, te i'ac'batic yich'ic vo'.

San Juan 5:35

Li Juane ja' toj ic'ot avu'unic, jech lec sacjaman laj avilic yu'un. Pero jliquel no'ox lec laj ava'yic li c'usi laj yalboxuque; jliquel no'ox xcuxet avo'ntonic yu'un.