San Mateo 3:2 - Bible in Tzotzil de Chenalhó with Deuterocanon

² jech laj yal: “Suteso avo'ntonic, yu'un nopol xa yorail chlic ventainvanuc li Diose”, xi.

Tzotzil Zinacantan

² ―Ictaic xa spasel li cꞌusitic chopole yuꞌun chlic xa pasvanuc ta mantal ti Rioxe ―xi.

Bible in Tzotzil de Chamula

² ti xi ta xale: —Na'o aba ava'iic, sutanic talel ta stojol ti Diose, yu'un nopol xa yorail ti ta xventainvan ti Diose.

LEQUIL ACH' C'OP

² Ja yech iyal chac li'i: «¡Ictaic xa spasel li c'usitic chopole yu'un chlic xa cuentainvanuc ti Rioxe!» ―Xi.

Tzotzil San Andres

² Jech lic yal li Juane: ―Ictaic scotol li cꞌustic chopol chapasique yuꞌun ista xa scꞌacꞌalil chasventainic li Diose ―xi.

Tzotzil de Huixtán

² Hech laj yal ti Juane: ―Suteso me avo'ntonic yu'un amulic, yu'un po'ot xa chtal sventaimbucutic co'ntontic ti Diose ―xchi.

San Mateo 3:2 Iomraidhean Croise

1 Reyes 8:47

pero me te chlic sc'anbicot vocol c'alal te xa oyic ta yan banamil ti bu chucbilic batele, me chlic sutes yo'ntonic ta atojole, me chlic yotquin li c'usi chopol spasojique, a'ibo me li sc'opique.

Job 39:12

¿Me chanop ti xu' chascoltaot ta xcuchel li c'usi chloc' avu'une, xchi'uc ti tscoltaot ta sloq'uesel sbec' li atrigoe?

Job 42:6

Ja' yu'un ta jsutes co'nton ta atojol; li' ta xcac' jba ta pucuctic, ta tantic —xi li Jobe.

Ezequiel 33:11

Pero vu'un li Muc'ul Diosun ti avajvalicune, jech chcal ta jamal ta jbi: Mu jc'an ti te xcuchoj smul chcham li jpasmulile; ja' ta jc'an ti ac'o scomtsan li chopol be stamoje yu'un jech xu' chcuxi. Sutanic tal, sutanic tal ti bu chopol be atamojique. ¿C'u yu'un ti te no'ox avabinoj abaic chachamique, israeletic?’, uto.

Daniel 2:44

C'alal ja'o ochemic ta ajvalilal li ajvaliletic le'e, li Dios te oy ta vinajele ta sliques jun ajvalil; mu'yuc boch'o xu' chtuch'bat yabtel, mu junuc lum chtal tsalatuc yu'un. Ja' ta stsal, ja' ta slajesbe sc'oplal scotol li yantic ajvaliletique; yan li stuque j'ech'el te chcom o sbatel osil.

San Mateo 10:7

Bat albeic ti yorail xa chventainatic yu'un Diose.

San Mateo 11:20

Li Jesuse tsots lic sc'opan li lumetic ti bu la spas ep sq'uelubiltac stsatsale, yu'un muc scomtsanic li c'usitic chopol tspasique. Jech laj yalbe:

San Mateo 12:41

C'alal tsta yorail chapanele, ta xliquic li cristianoetic ta Ninivee, ja' chc'otic jech chac c'u cha'al jchapanvanej yu'unic li cristianoetic li'i, ja' ta xalic c'u x'elan chcomic. Yu'un li niniveetique la sutes yo'ntonic ti c'alal icholbatic sc'op Dios yu'un li Jonase. A'yo ava'yic, ja' li' oy ta atojolic li boch'o xjelov yabtel jech chac c'u cha'al li Jonase.

San Mateo 13:11

Itac'ov li Jesuse: —Yu'un li vo'oxuque ac'biloxuc xa ana'ic c'u x'elan chventainvan li Diose, ja' ti mu'yuc to'ox boch'o sna'e, pero li yantique mu x'ac'bat sna'ic.

San Mateo 13:24

Li Jesuse laj yal yan lo'il noxtoc. Jech laj yal: “Ti c'u x'elan chventainvan li Diose, ja' jech chac c'u cha'al jun vinic bat sts'un lequil bec' trigo ta yosil.

San Mateo 13:31

Laj yal yan lo'il noxtoc li Jesuse, jech laj yal: “Ti c'u x'elan chlic ventainvanuc li Diose, ja' jech chac c'u cha'al bec' mostaza ti tsts'un ta yosil jun vinique.

San Mateo 13:33

Laj yal yan lo'il noxtoc li Jesuse, jech laj yal: “Ti c'u x'elan chventainvan li Diose, ja' jech chac c'u cha'al svolesubil xch'ut pan. C'alal tscap ta vucub cuartiya arina li antse, lec chvol o xch'ut scotol”, xi li Jesuse.

San Mateo 13:47

Jech laj yal noxtoc li Jesuse: “Ti c'u x'elan chventainvan li Dios te oy ta vinajele, ja' jech chac c'u cha'al nuti' stsacubil choy ti chich' tiq'uel ochel ta yut nabe, te ta stsac tal ep ta chop choyetic.

San Mateo 13:52

Jech laj yal noxtoc: —Lec oy, scotol li jchanubtasvanejetic ta smantal Diose, ti chchan lec c'u x'elan li ventainel yu'un Diose, ja' jech chc'otic jech chac c'u cha'al totil ta jbej na ti xu' yu'un tsloq'ues c'usi ach' xchi'uc c'usi poco' ta sc'ulejale —xi li Jesuse.

San Mateo 18:23

“Yu'un ti c'u x'elan ta spas mantal li Diose, ja' jech chac c'u cha'al jun ajvalil ti tsc'an chich' ta venta c'u yepal yil yu'un li xchi'iltac ta abtele.

San Mateo 20:1

“Yu'un ti c'u x'elan chventainvan li Diose ja' jech chac c'u cha'al yajval ts'usubtic. Sob iloc' batel, bat sa' tal svinictac ta abtel.

San Mateo 22:2

“Ti c'u x'elan chventainvan li Diose ja' jech chac c'u cha'al jun ajvalil la spas q'uin nupinel ta sventa squerem.

San Mateo 23:13

“¡Toj abul abaic, vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un chamaquic ta be li ventainel yu'un Diose. Yu'un li vo'oxuque mu xac'anic ventainel yu'un Dios, ja' yu'un chamaquic li boch'otic tsc'anique.

San Mateo 25:1

“Ja' yu'un ti c'u x'elan chventainvan li Diose ja' jech chac c'u cha'al lajuneb tojol tsebetic ti laj yich'ic batel scandilic, yu'un bat snupic ta be li jnupinele.

San Mateo 25:14

“Yu'un ti c'u x'elan chventainvan li Diose, ja' jech chac c'u cha'al jun vinic ti c'alal chloc' batel ta nome. C'alal mu'yuc to'ox chbate, laj yic' tal li yaj'abteltaque, yu'un chac'be comel sventain li c'usitic oy yu'une.

San Mateo 4:17

Ja'o yorail te lic spuc sc'op Dios li Jesuse, jech laj yalbe li cristianoetique: “Suteso avo'ntonic, yu'un jutuc xa sc'an xlic ventainvanuc li Diose”, xi.

San Mateo 4:23

Li Jesuse ixanov ta scotol Galilea banamil; te ichanubtasvan ta jujun nail tsobobbailetic yu'unic. Te la xcholbe ya'yic li Lequil A'yeje, ja' ti chlic xa ventainvanuc li Diose. La scolta ep jchameletic xchi'uc boch'otic c'usiuc no'ox c'ux cha'yic.

San Mateo 5:10

“Xcuxet no'ox yo'nton li boch'o ta xich'ic uts'intael ta sventa ti tuc' c'usi tspasique, yu'un ja' chventainatic yu'un Dios.

San Mateo 5:3

“Xcuxet no'ox yo'nton li boch'o abul sba cha'yique, yu'un ja' chventainatic yu'un Dios.

San Mateo 6:10

Ac'o sta yorail chapas mantal, ac'o pasuc c'usi tsc'an avo'nton li' ta banamil jech chac c'u cha'al te ta vinajele.

San Mateo 6:33

Ja' yu'un tsc'an ba'yuc chavac' abaic ta ventainel yu'un li Diose, xchi'uc ti chapasic c'usi tsc'ane, jech chayac'boxuc scotol li c'usitic ta xtun avu'unique.

Marcos 1:15

Jech laj yal: “Ista xa sc'ac'alil, yorail xa chlic sventainoxuc li Diose. Suteso avo'ntonic ta stojol Dios; ja' ch'unic li Lequil A'yeje”, xi.

Marcos 1:4

Jech ivinaj chac' ich'vo' te ta xocol banamil li Juane. Laj yal ti chac'be yich' vo' li boch'otic ta sutes yo'ntonique, jech ta spasbat perdón yu'un smulic.

Marcos 6:12

Jech iloq'uic batel. Laj yalic batel ti ac'o sutes yo'ntonic ta stojol Diose,

San Lucas 1:16

Ja' ta sventa ta xlic sutes yo'ntonic ta stojol Dios ep achi'iltac li' ta Israel.

San Lucas 11:20

Li vu'une ta stsatsal Dios ta jloq'ues li pucujetique, jech ta xvinaj o ti li' xa oy li ventainel yu'un Dios ta atojolique.

San Lucas 13:3

Chacalboxuc, mu jechuc. Me mu xasutes avo'ntonic ec li vo'oxuque, ja' jech ta xc'ot ta atojolic ec.

San Lucas 13:5

Chacalboxuc, mu jechuc. Me mu xasutes avo'ntonic ec li vo'oxuque, ja' jech ta xc'ot ta atojolic ec”, x'utatic yu'un li Jesuse.

San Lucas 15:10

Chacalboxuc, ja' no'ox jech ec li Diose, xcuxet no'ox yo'nton xchi'uc yaj'almantaltac c'alal me ta sutes yo'nton jun jpasmulile”, xi li Jesuse.

San Lucas 15:7

Chacalboxuc ava'yic, ja' no'ox jech toj xcuxet yo'ntonic te ta vinajel ec c'alal me tsutes yo'nton jun jpasmulile. Ja' mu sta jech xcuxet yo'ntonic yu'un li balunlajuneb yo'vinic (99) tuc' yo'ntonique, yu'un mu xa persauc ta sutes yo'ntonic.

San Lucas 16:30

Itac'ov li jc'ulej vinique: ‘Tati, le'e mu xch'unic. Pero ti oyuc boch'o ta xcha'cuxi ti te chbat c'opanaticuque, ja' to ta sutes yo'ntonic’, xi.

San Lucas 21:31

Ja' no'ox jech ec li vo'oxuque, c'alal chavilic ta xc'ot ta pasel scotol li c'usi calojboxuque, jech chana'ic o ti po'ot xa chlic sventainoxuc li Diose.

San Lucas 24:47

Ts'ibabil noxtoc ti ja' ta sbi ta xcholbat ya'yic cristianoetic ta scotol banamil ti ac'o sutes yo'ntonique, xchi'uc ti ja' ba'yuc ta xcholbat li boch'otic li' nacajtic ta Jerusalene, yu'un jech xu' tspasbat perdón yu'un smulic.

San Lucas 6:20

Li Jesuse la sq'uel li yajchanc'optaque, jech laj yalbe: “Cuxetuc no'ox avo'ntonic vo'oxuc ti mu'yuc c'usi oy avu'unique, yu'un ja' avu'unic li ventainel yu'un Diose.

San Lucas 9:2

La stac batel ta xcholel li ventainel yu'un Diose xchi'uc ta scoltael jchameletic.

Hechos 11:18

C'alal laj ya'yic c'usi laj yal li Pedroe te ipajic ta lo'il. Lic yalbeic slequilal Dios. Jech laj yalic: —Ta melel yu'un jech la sc'an Dios ti laj yac'be sutes yo'ntonic yu'un smulic ec li yanlum cristianoetic ti mu xotquinic Diose, yu'un jech xu' chcuxiic sbatel osil —xiic.

Hechos 17:30

Ta vo'onee muc to'ox xac' ta venta c'u x'elan sbol talelic li cristianoetique. Pero li' ta orae oy mantal yu'un Dios ta sventa scotol cristianoetic buyuc no'ox oyic ti ac'o sutes yo'ntonic ta stojol Diose.

Hechos 2:38

Li Pedroe jech laj yalbe: —Suteso avo'ntonic, ich'ic vo' ta jujunoxuc ta sbi Jesucristo, jech chaspasboxuc perdón yu'un amulic. Jech chavich'ic li amotonique, ja' li Ch'ul Espiritue.

Hechos 20:21

Laj calbe ya'yic judioetic xchi'uc yanlum cristianoetic ti ac'o sutes yo'ntonic ta stojol Diose, xchi'uc ti ac'o xch'unic li Jesucristoe.

Hechos 26:20

Ba'yuc laj calbe ya'yic li boch'otic te nacajtic ta Damascoe. Ts'acal bat calbe ya'yic li boch'otic te nacajtic ta Jerusalén xchi'uc ta scotol Judea banamile. Ts'acal bat calbe ya'yic li yanlum cristianoetic ti mu xotquinic Diose, yu'un jech ac'o sutes yo'ntonic, ac'o suticuc tal ta stojol li Diose, jech xu' chlic spasic c'usi lec ta sventa ti sutem xa yo'ntonique.

Hechos 3:19

Ja' yu'un jchi'iltac, suteso avo'ntonic, sutanic tal ta stojol Dios, yu'un jech xu' chavich'ic ch'aybel li amulique, jech chc'ot yorail ta xac' xcuxetel avo'ntonic li Cajvaltique.

2 Corintios 7:10

Yu'un li boch'o ch-ac'bat yat yo'nton yu'un Diose ja' sventa tsutes yo'nton, yu'un jech chcol. Yan li at-o'nton sventa no'ox banamile ja' no'ox sventa ch'ayel.

Colosenses 1:13

Yu'un ja' la sloq'uesutic tal ta sc'ob li yajval ic' osile; laj yac'utic ta sc'ob li Xnich'on ti lec sc'anoje, yu'un ja' ac'o sventainutic.

2 Timoteo 2:25

Xchi'uc tsc'an tsts'ic yu'un, tsc'an ta slequil yo'nton tstuq'uibtas li jtoybaetique. Oy yic'al ta xtijbat yo'ntonic yu'un Dios, jech xu' ta sutes yo'ntonic, jech xu' chlic yotquinic li c'usi melele.

Hebreos 6:1

Jech tsc'an ti mu ja'uc no'ox chcalilanbe jbatic ti c'u x'elan lij'albat sc'op Cristo ta sliquebe. Cac'tic persa ti ac'o ch'icutic lec batele. Mu me ja'uc no'ox xcalilanbe jbatic ti ac'o jsutes co'ntontic ta sventa li c'usi ch-ac'van ta ch'ayele, xchi'uc ti ac'o jch'untic Diose,

2 Pedro 3:9

Mu yu'unuc mu xc'ot ta pasel c'usi yaloj li Cajvaltique, jech chac c'u cha'al oy boch'o chalic ti mu xc'ot ta pasele. Yu'un toj ep smuc'ul yo'nton ta atojolic, mu sc'an ti oy boch'o ch'ayel chbat junuque. Ja' tsc'an scotol ac'o sutes yo'nton yu'un smulic ta stojol li Diose.

Apocalipsis 2:21

Laj xa jmala jal ti ac'o sutes yo'ntone, pero mu sc'an sutes yo'nton ta sventa li mulivajele.

Apocalipsis 2:5

Vuleso ta avo'ntonic ti bu lic chibajanic tale. Suteso avo'ntonic. Taic ti c'u ono'ox xa'elanic ta sliquebale. Me mu xapasic jeche, chital ta ora, chtal jloq'ues li candelero ta atojolique. Jech ta jpas ti me mu xasutes avo'ntonique.