San Mateo 3:11 - Bible in Tzotzil de Chenalhó with Deuterocanon

¹¹ Li vu'une ja' no'ox chacac'boxuc avich'ic vo' ta sventa ti sutem avo'ntonique. Yan li boch'o ts'acal ta xtal cu'une, ja' ech'em svu'el. Li vu'une mu'yuc c'usi xu' cu'un; ac'o me yich'bel batel xonob, mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

Tzotzil Zinacantan

¹¹ Li voꞌone jaꞌ noꞌox chcacꞌbe yichꞌic voꞌ ti muchꞌutic chictaic spasel li cꞌusitic chopole. Pero oy muchꞌu tsꞌacal to ta xtal, más oy syuꞌel. Li voꞌone mi jaꞌuc slicbel xonob, mu xlic cuꞌun yuꞌun mu cꞌu xitun o. Jaꞌ chayacꞌbe achiꞌinic ti Chꞌul Espíritue ti coꞌol xchiꞌuc cꞌoqꞌue yuꞌun jaꞌ tsloqꞌues o li cꞌusitic chopol ta avoꞌonique.

Bible in Tzotzil de Chamula

¹¹ Ta melel, vo' no'ox ta xcac' avich'ic ta yiq'ueloxuc ti sutanic talel ta stojol ti Diose. Ja'uc ti Buch'u ta ts'acal to ta xtale, ta xac'boxuc avich'ic ti Ch'ul Espíritu ti co'ol s'elan c'oq'ue. Ti Buch'u ta ts'acal ta xtale, jelavem ti smuc'ule. Ti vu'une ch'abal c'usi xu' cu'un, mi ja'uc ta yich'bel batel ti xonobe, mu'yuc jlequilal ta stojol.

LEQUIL ACH' C'OP

¹¹ Li vo'one ja' no'ox chacac'be avich'ic vo' scuenta cha sutes o avo'onic. Yan li much'u ts'acal to ta xtale, más oy syu'el. Li vo'one mi ja'uc slicbel xonob, mu xitun o. Li stuque ja' chayac'be achi'inic ti Ch'ul Espiritue ti co'ol xchi'uc c'oq'ue.

Tzotzil San Andres

¹¹ Li joꞌone jaꞌ noꞌox cabtel ta xcacꞌbe yichꞌic joꞌ li buchꞌutic ta xictaic li cꞌustic chopol ta spasique. Pero oy to buchꞌu tsꞌacal ta xtal, jaꞌ más tsots yabtel yichꞌoj. Li joꞌone muc bu tsots cabtel quichꞌoj. Mu cꞌusi xuꞌ cuꞌun ta jcolta o. Acꞌo mi yetꞌesbeel xonob, mu xuꞌ chcaꞌi yuꞌun mu cꞌusi xitun o. Yan li buchꞌu tsꞌacal chtale, jaꞌ chayacꞌbeic avichꞌic li Chꞌul Espíritu ti coꞌol schiꞌuc cꞌoqꞌue yuꞌun ta sloqꞌues scotol li cꞌustic chopol ta avoꞌonique.

Tzotzil de Huixtán

¹¹ ’Ho'oni ja' no'ox cabtel chcac'be yich' ho' ti much'u sutemic xa yo'ntonic yu'un smulic. Ti much'u patil chtale ja' tsots yabtel yich'oj. Ho'oni mu tsotsuc cabtel quich'oj. Ma mi sjitumbeluc yaq'uil sempat, mu'yuc c'usi xu' ti jcolta mi jutuc. Ja' chayac'boxuc avich'ic ti Ch'ul Espíritue xchi'uc c'oc' yu'un hech chloc' scotol ti sbolil avo'ntonique.

San Mateo 3:11 Iomraidhean Croise

Isaías 4:4

Yu'un chlic mesbaticuc loq'uel yu'un Muc'ul Dios xchopolilic li antsetic ta Sione; chpocbatic loq'uel li ch'ich' ti sbonoj sbaic oe; tsmes loq'uel scotol ta yic'al ye, ta svu'el stsatsal li Muc'ul Diose.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

Zacarías 13:9

Li boch'o cuxul to chcomique ta jtic' ta c'oc'. Ta xcunijes jech chac c'u cha'al saquil taq'uin; ta jchic'be loq'uel yic'ubal ta c'oc' jech chac c'u cha'al chich' lecubtasel c'anal taq'uin. Ta xlic sc'anbicun vocol ta jtojol, jech ta xca'ibe sc'opic ec. Jech chcalbeic: ‘Vo'oxuc jteclumaloxuc’, xcut. Jech chiyalbicun ec: ‘Vo'ot Muc'ul Diosot cu'uncutic’, xiic”, xi li Diose.

San Mateo 3:6

Scotol li boch'otic jamal laj yal smulique, i'ac'bat yich'ic vo' yu'un Juan te ta uc'um Jordán.

Marcos 1:4

Jech ivinaj chac' ich'vo' te ta xocol banamil li Juane. Laj yal ti chac'be yich' vo' li boch'otic ta sutes yo'ntonique, jech ta spasbat perdón yu'un smulic.

San Lucas 1:17

Li Juane ja' ba'yuc ta xtal yu'un li Cajvaltique. Ja' co'ol stsatsal svu'elic xchi'uc li j'alc'op Eliase. Ja' chtal yac' co'lajuc yo'ntonic xchi'uc yalab xnich'nab li totil me'iletique, xchi'uc ja' ta sventa ta xchanic xch'unel mantal li jbajmantaletique. Jech lec chapal li steclumal Cajvaltic c'alal chtale —xi li j'almantale.

San Lucas 3:16

Li Juane jech laj yalbe scotol li cristianoetique: “Li vu'une ja' no'ox chacac'boxuc avich'ic vo', pero ta to xtal jun boch'o ech'em xu' yu'un jech chac c'u cha'al vu'un. Li vu'une me stitunbeluc yaq'uil xonob mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

San Lucas 3:3

Li Juane ixanov batel ta jujun banamil ta ti'ti' uc'um Jordán. Laj yalbe cristianoetic ti ac'o sutes yo'nton yu'un smulique, ti ac'o yich'ic vo'e, yu'un jech ta spasbatic perdón yu'un smulic.

San Juan 1:15

Li Juane laj yalbe sc'oplal, jech laj yal: “Le'e ja' li boch'o laj ono'ox calboxuc ava'yic sc'oplale, jech laj cal: Li boch'o ts'acal ta xtal cu'une, ja' ba'yucbe ta xc'ot cu'un, yu'un li stuque te ono'ox oy ti c'alal mu'yucun to'oxe, xacutoxuc ono'ox”, xi li Juane.

San Juan 1:30

Le'e ja' li boch'o jech ono'ox laj calboxuc sc'oplale: ‘Oy boch'o ts'acal ta xtal cu'un, pero ja' chjelov ta ba'yucbe. Yu'un li stuque te ono'ox oy o ti c'alal mu'yucun to'oxe’, ti xacutoxuc ono'oxe.

Hechos 1:5

Yu'un li Juane ja' no'ox laj yac'boxuc avich'ic vo'. Pero ta jayibuc xa no'ox c'ac'al ta xyal tal ta atojolic li Ch'ul Espiritue —xi li Jesuse.

Hechos 19:4

Li Pabloe jech laj yalbe: —Li Juane laj yac' ich' vo' ta sventa ti sutem xa yo'ntonique. Laj yalbe ti ac'o xch'unic li boch'o ts'acal chtale, ja' li Jesuse —xi li Pabloe.

Hechos 8:36

Ixanovic batel ta be, te la staic vo'. Jech laj yal li vinique: —Q'uelavil, oy vo' li'i. ¿Me oy c'usi tspas ti c'alal chavac'bun quich' vo'e? —xut.

Hechos 8:38

Li vinique la spas mantal ti ac'o cotiuc li scaretae. Jech iyalic, ibatic ta vo' xchibalic. Jech li Felipee laj yac'be yich' vo' li vinique.

1 Corintios 12:13

Yu'un c'alal laj quich'tic vo' jcotoltic ta sventa li Ch'ul Espíritu ti jun no'ox oye, jech jun no'ox jbec'taltic lic'ot jcotoltic, ac'o me judío, me yanlum, me ochem ta mozoil, me mu ochemuc ta mozoil. Jech noxtoc jun no'ox li Ch'ul Espíritu laj quich'tic jcotoltique.

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

SUN TITO 3:5

jech la scoltautic. Pero mu ja'uc ta sventa tuc' c'usi la jpastic ti jech la scoltautique; ja' ta sventa xc'uxul yo'nton stuc. Ja' ta sventa ti la spocutic, ti la sjelbutic co'ntontic, ti laj yac' cha'voc'cutic ta ach' ta sventa li Ch'ul Espiritue.

1 Pedro 5:5

Jech ec li vo'oxuque queremetic, ich'ic me ta muc' li jcholc'opetique. Acotolic tsc'an talbat chavich' abaic ta muc'; biq'uit xavac' abaic, yu'un jech ts'ibabil: “Li Diose chopol chil li jtoybaetique; yan li boch'o biq'uit chac' sbaique ja' chc'uxubin”, xi ts'ibabil.