San Mateo 26:41 - Bible in Tzotzil de Chenalhó with Deuterocanon

⁴¹ Ja' lec julovanic, c'opanic Dios, yu'un jech mu xalajic ta sujel ta mulil. Ta melel li avo'ntonique tsc'an tsc'opan Dios, pero li abec'talique mu'yuc stsatsal —x'utatic.

Tzotzil Zinacantan

⁴¹ Mu me xavayic, cꞌoponic Riox yoꞌ mu xapasic o li cꞌusitic chopole. Ta melel avoꞌonicuc acꞌoponic Riox, pero lapat axoconique mu xuꞌ yuꞌun ―xꞌutat la.

Bible in Tzotzil de Chamula

⁴¹ Mu xavayic, vic'o asatic, c'opojan ti'inanic yo' mu xastsaloxuc ti pucuje. Ta melel, oy yip ti avo'ntonique, ja' mu'yuc yip ti abec'talique.

LEQUIL ACH' C'OP

⁴¹ Viq'uiluc no'ox me asatic mu me xavayic, c'oponic Riox yo' mu xa p'ajic o ta mulile. Ta melel avo'onicuc ac'oponic Riox, pero lapat axoconique mu xu' yu'un ―x'utatic.

Tzotzil San Andres

⁴¹ Jaꞌ lec julavanic, taic ta naꞌel Dios yoꞌ jech mu xaspasic ta canal li pucuje. Ta melel chacꞌan chataic ta naꞌel Dios pero jaꞌ noꞌox chaschꞌayic la abecꞌtalique. Naca vayel chasmilic ―xꞌutatic.

Tzotzil de Huixtán

⁴¹ Mu me xavayic, c'oponic Dios, hech mu xasujat ti mulil. Ti avo'ntone oy yip. Ti abec'tale mu'yuc yip ―x'utatic yu'un ti Jesuse.

San Mateo 26:41 Iomraidhean Croise

Salmos 119:1

Xcuxet no'ox yo'ntonic li boch'otic tuc' c'usitic tspasique, ti ja' no'ox tspasilanic o c'usi chal li smantaltac Muc'ul Diose.

Salmos 119:115

Voc'o abaic ta jtojol, chopol cristianoetic, yu'un vu'un jch'unojbe smantal li Dios cu'une.

Salmos 119:117

Coltaun me, jech colem chicom, jech xu' j'ech'el ta jch'un o li amantaltaque.

Salmos 119:32

Ja' cac'ojbe yipal xch'unel li amantaltaque, yu'un ja' la sjambun jol co'nton.

San Mateo 24:42

“Viq'uiluc me asatic cha'e, yu'un mu xana'ic c'usi ora chital, vu'un li Avajvalicune.

San Mateo 25:13

“Ja' yu'un li vo'oxuque, tsc'an ti viq'uiluc asatique, yu'un mu xana'ic c'usi ora, c'usi c'ac'alil chital, vu'un ti Xnich'on cristiano lic'ote.

San Mateo 26:38

Jech laj yalbe: —Toj loq'uel ta xcat co'nton, chicham xa o ya'yel. Comanic li'i; co'ol me viq'uiluc jsatic —x'utatic.

San Mateo 6:13

Mu me xavac' stsaluncutic li sujel ta mulile. Coltauncutic loq'uel ta sc'ob li pucuje’, xachiic ti c'alal chac'opanic Diose.

Marcos 14:38

Mu me xavayic; c'opanic Dios, yu'un jech mu xach'unic sujel ta mulil. Li avo'ntonique tsc'an tsc'opan Dios, pero li abec'talique mu'yuc stsatsal —xut.

San Lucas 11:4

Pasbuncutic perdón yu'un jmulcutic, jech chac c'u cha'al ta jpasbecutic perdón li boch'otic oy smul cu'uncutique. Mu me xavac' stsaluncutic li sujel ta mulile. [Coltauncutic loq'uel ta sc'ob li pucuje]’, xachiic ti c'alal chac'opanic Diose —xi.

San Lucas 21:36

Viq'uiluc me asatic cha'e; c'anbeic vocol Dios scotol c'ac'al ti ac'o cuchuc avu'unic scotol c'alal chc'ot ta pasel jech chac le'e. Jech lec va'al chacomic ta jtojol vu'un ti Xnich'on cristiano lic'ote”, xi li Jesuse.

San Lucas 22:40

C'alal ic'otique, li Jesuse jech laj yalbe li yajchanc'optaque: —C'opanic Dios, yu'un jech mu xach'unic sujel ta mulil —xut.

San Lucas 22:46

Jech laj yalbe: —¿C'u yu'un chavayic? Licanic, c'opanic Dios, yu'un jech mu xach'unic sujel ta mulil —xut.

San Lucas 8:13

Li bec' trigo ic'ot ta tontique, ja' li boch'otic ja' to cha'yic sc'op Diose. Xcuxet no'ox yo'ntonic ta xch'unic. Pero mu xac' lec yisim ta yo'ntonic, jayibuc no'ox c'ac'al ta xch'unic. C'alal ta xtal vocol ta stojolique, toj chibajel chc'ot yo'ntonic.

Romanos 8:3

Yu'un oy c'usi muc xvu' ta sventa li mantaletic ta scoj ti mu'yuc stsatsal li jbec'taltique, ja' yu'un la stac tal Xnich'on li Diose. Laj yac'be yich' sbec'tal jech chac c'u cha'al li jbec'taltic ti snainoj mulile, yu'un jech ac'o scontrain li mulile. Jech ta sventa sbec'tal ivu' yu'un laj yac' batel ta lajel li mulile.

1 Corintios 10:13

Li vo'oxuque mu'yuc to bu chtal ta atojolic tsots preva ti mu'yuc boch'o c'otem ta stojol jeche. Yu'un li Diose mu sna' sjel yo'nton o, jech mu xac' taluc ta atojolic tsots preva ti me mu xa sts'ic avu'unic chile. Jech noxtoc c'alal oyoxuc ta prevae, ja' chac' avilic c'u x'elan xu' chacolic loq'uel, yu'un jech chcuch avu'unic.

1 Corintios 16:13

Q'uelo me abaic, j'ech'el me oyuc o xch'unojel avo'ntonic. Lec me tsots xapas abaic ta sventa li Cajvaltique; aq'uic me persa.

1 Corintios 9:27

Tsots chcac'be mantal li jbec'tale, vu'un ta jmozoin. Yu'un naca me ja' no'ox vu'un la jbijubtas li yantique, ti ts'acal vu'un muc xu' cu'un jtuque.

Gálatas 5:24

Yu'un li boch'otic oyic xa ta stojol Cristo Jesuse, laj xa yaq'uic ta milel ta cruz li stalel sbec'talique, li c'usitic tsc'ane, xchi'uc li c'usitic nopen xa'ay spasele.

Efesios 6:18

Ta sventa ti chac'opanic Dios scotol orae, c'anbeic Dios ta sventa Ch'ul Espíritu li c'usi chac'anique. Viq'uiluc me lec asatic ta sventa li c'usi chavalic ta stojol Diose. C'anbeic vocol ta stojol ec li yantic yu'untac Diose.

1 Pedro 4:7

Po'ot xa chlaj scotol li c'usitic oye. Ja' yu'un bijanic me ta sventa li c'usi chapasique; teuc me avo'ntonic ta sc'opanel li Diose.

1 Pedro 5:8

Bijanic me, viq'uiluc me asatic yu'un li avajcontraique, ja' li pucuje, yu'un xjoyet no'ox jech chac c'u cha'al león ti x'avet no'ox ta sa'el li boch'o tsc'an tsti'e.

2 Pedro 2:9

Li Cajvaltique sna' c'uxi chut tscolta ta svocol li boch'o ta x'ich'at ta muc' yu'une, xchi'uc sna' bu chac' batel li boch'otic toj chopolique yu'un jech te oyic o c'alal to tsta yorail ta xich'ic chapanel.

Apocalipsis 16:15

Pero li Cajvaltique jech chal: “A'yo ava'yic, li vu'une ja' jech chital jech chac c'u cha'al j'elec'. Xcuxet no'ox yo'nton li boch'o viq'uil sate, ti sq'ueloj, ti stuc'ulanoj lec li sc'u'e, ti muc t'analuc chanove, ti mu xac' sba ta q'uexlale”, xi.

Apocalipsis 3:10

Ta sventa ti laj achabi ta avo'ntonic ti laj calboxuc tsc'an chcuch avu'unic vocole, ja' no'ox jech ec li vu'une chajchabioxuc ti c'alal tsta yorail chcac'be svocol scotol li cristianoetic ta sbejel banamile ti c'alal chich' q'uelbel c'u x'elan yo'ntonique.