San Mateo 26:13 - Bible in Tzotzil de Chenalhó with Deuterocanon

¹³ Melel li c'usi chacalboxuque, buyuc no'ox ta xich' cholel ta sbejel banamil li Lequil A'yej ta jventae, te ta xvinaj batel sc'oplal noxtoc c'usi la spasbun li antse. Jech ta sna'ic o scotol cristianoetic —xut.

Tzotzil Zinacantan

¹³ Ta melel chacalbeic, chvinaj onox ta sjunlej balamil ti voꞌon chcacꞌ acuxlejalic ta sbatel osile. Chvinaj noxtoc ti liscoconbe yaꞌlel muil nichim li antse ―xiyutoticotic ti Jesuse.

Bible in Tzotzil de Chamula

¹³ Ta xcalboxuc ava'iic ta melel, buyuc no'ox ta xich' alel ti lequil c'op ta sjoylej banomil sc'oplal ti colele, ta svinajesbat sc'oplal ti ants ti jech laj spas ta jtojole yo' jech mu xch'ay sc'oplal.

LEQUIL ACH' C'OP

¹³ Ta melel chacalbeic, ti c'alal chich' alel ta sjunlej balamil li lequil ach' c'op ta scuenta cuxlejale, ta to xvinaj sc'oplal ti c'usi ispas li ants li'uque ―x'utatic yu'un ti Jesuse.

Tzotzil San Andres

¹³ Melel li cꞌusi chacalbeique, ti buyuc noꞌox chichꞌ alel ta spꞌejel balumil ti jaꞌ noꞌox chcolic ta jventae, te chalic nojtoc li cꞌusi laj yacꞌbun li antse. Jech ta snaꞌic o scotol crixchanoetic ―xijyutcutic li Jesuse.

Tzotzil de Huixtán

¹³ Melel ti c'usi chacalbeique, ti scotol balumil buc no'ox chich' cholel ti lequil ach' c'op avi to, chcholbat sc'opilal uc ti hech laj xa spasbun ti antse. Hech ch-a'ibat sc'opilal o ―xiyutuntutic ti Jesuse.

San Mateo 26:13 Iomraidhean Croise

Salmos 112:6

Ja' yu'un me jutuc mu xyal o ta lum. Li boch'o tuc' yo'ntone te oy o sc'oplal.

Isaías 52:9

Jerusalén, vo'ot ti jinesbilote, avanan; cuxetuc no'ox avo'nton ec. Yu'un li Muc'ul Diose chac'be spatubil yo'nton li steclumale; tscoltaot xa loq'uel ta uts'intael vo'ot li lum Jerusalenote.

San Mateo 24:14

Persa ba'yuc ta xich' cholel ta sbejel banamil li Lequil A'yej ta jventae; ja' to ta xtal li slajebal c'ac'ale”, xi li Jesuse.

San Mateo 28:19

Ja' yu'un batanic me; bat pasic ta jch'unolajel cu'un li cristianoetic ta jujun banamile. Ac'bo yich'ic vo' ta sventa li Jtote xchi'uc ta jventa vu'un li Nich'onilune xchi'uc ta sventa li Ch'ul Espiritue.

Marcos 13:10

Yu'un persa ba'yuc ta xcholbatic scotol cristianoetic ta sbejel banamil li Lequil A'yeje.

Marcos 14:9

Melel li c'usi chacalboxuque, buyuc no'ox ta xich' cholel ta sbejel banamil li Lequil A'yeje, te ta xvinaj batel sc'oplal noxtoc c'usi la spasbun li antse, yu'un jech ac'o sna'ic scotol cristianoetic —xi li Jesuse.

Marcos 16:15

Jech i'albatic yu'un li Jesuse: “Batanic ta sbejel banamil. Bat cholbo ya'yic scotol cristianoetic li Lequil A'yeje.

San Lucas 24:47

Ts'ibabil noxtoc ti ja' ta sbi ta xcholbat ya'yic cristianoetic ta scotol banamil ti ac'o sutes yo'ntonique, xchi'uc ti ja' ba'yuc ta xcholbat li boch'otic li' nacajtic ta Jerusalene, yu'un jech xu' tspasbat perdón yu'un smulic.

Hechos 10:4

Li Cornelioe la sq'uel li j'almantale, toj xi'el ic'ot, jech la stac'be: “¿C'usi chaval, Cajval?”, xut. Jech i'albat yu'un li j'almantale: “Li sc'opanel Dios chapase xchi'uc li c'usi chaq'uelane, ic'ot c'alal ta stojol Dios sventa mu xch'ay o ta yo'nton.

Romanos 10:18

Jech ta jac' li vu'une: ¿Me yu'un mu'yuc ya'yojbeic sc'op li Cristoe? Ya'yojic xa. Yu'un jech ono'ox ts'ibabil ta sc'op Dios: “Li sc'opique puquem batel ta sbejel banamil; c'otem c'alal to ta sti'iltac banamil li c'usi chalique”, xi ts'ibabil.

Romanos 15:19

xchi'uc ta sventa li senyailtac, li sq'uelubiltac ivinaj ta sventa stsatsale, xchi'uc ta sventa svu'el li Espíritu yu'un Diose. Ja' jech ipuc batel cu'un li Lequil A'yej yu'un Cristoe. Ba'yuc la jliques ta Jerusalén; ts'acal lic jchol batel ta buyuc no'ox c'alal to lic'ot ta Ilírico banamil.

2 Corintios 10:18

Yu'un li boch'o lec chal sc'oplal stuque muc vu'emuc yu'un; ja' vu'em yu'un li boch'o lec sc'oplal ta sventa Cajvaltique.

Colosenses 1:23

Ta melel ja' jech chac'otic me staoj yav lec nacal o li avo'ntonique, me jun avo'nton ach'unojic oe, me mu x'ech' avo'ntonic o ta smalael li c'usi sc'oplal chataic ta sventa ti Lequil A'yej laj ava'yique, ja' li Lequil A'yej ti laj xa yich' cholbel scotol cristianoetic li' ta banamile. Ja' cabtel o xcholel vu'un li Pabloune.

Colosenses 1:6

Li Lequil A'yej ic'ot ta atojolique, ipuc xa batel ta sbejel banamil. Yochel xa satinel, yochel xa ta ch'iel batel jech chac c'u cha'al ich'i te ta atojolic c'alal lic ava'yic, lic avilic c'u x'elan li c'uxubinel yu'un Dios ta melele.

1 Timoteo 2:6

Yu'un ja' laj yac' sba ta milel cu'untic, ja' la smanutic jcotoltic. Yu'un ic'ot sc'ac'alil laj yac' ta ilel ti c'uxutic ta yo'ntone.

Hebreos 6:10

Yu'un li Diose tuc' c'usi tspas. Mu xch'ay ta yo'nton ti lec avabtelique, ti chac'uxubinvanique, yu'un laj xa acoltaic li boch'otic voc'bilic yu'une, xchi'uc ti jech avo'nton chapasic o batele.

Apocalipsis 14:6

Ts'acal laj quil yan j'almantal te xvilet ta toyol ta vinajel. Ja' te yich'oj li Lequil A'yej sventa sbatel osil, yu'un ja' chcholbe scotol jnaclumetic ta jujun banamil, ta jujuchop sts'unubalic, ta jujuchop c'op, xchi'uc ta jujun lum.

1 Samuel 2:30

Ja' yu'un li Muc'ul Dios yu'un Israele jech chal: ‘Li vu'une caloj ono'ox ti j'ech'el chatunic o cu'un achi'uc avalab anich'nabe. Pero tana chcal ta jamal ti j'ech'el ta jtuch'boxuc o li avabtelique. Ja' chquich' ta muc' ec li boch'o chiyich'un ta muq'ue. Yan li boch'o chisbajune, mu'yuc stu chquil ec.