San Mateo 24:10 - Bible in Tzotzil de Chenalhó with Deuterocanon

¹⁰ Ta sc'ac'alil le'e oy ep boch'otic ta xchibaj yo'ntonic. Li boch'o ta xchibaj yo'ntonique chopol chlic ilvanicuc; chlic ac'vanicuc ta c'abal ec.

Tzotzil Zinacantan

¹⁰ Cꞌalal chlic ilbajinele, ep muchꞌutic chicta o sbaic. Ti muchꞌutic chicta o sbaique chopol chilic ti muchꞌutic mu xicta sbaique. Jaꞌ xa tstiqꞌuic cꞌop ti acꞌu tsacaticuc ti muchꞌutic mu xicta sbaique.

Bible in Tzotzil de Chamula

¹⁰ Ti jech taj une, yepal ta xch'ay ta yo'ntonic ta yich'el ta muc' ti Diose. Ja' jech xtoc ta scontrain sbaic. Ta xac'an sbaic ta milel.

LEQUIL ACH' C'OP

¹⁰ C'alal ch-c'ot yorail chac taje, ep much'utic chicta sbaic ta yich'el ta muc' ti cajvaltique. Ti much'utic chicta sbaique, chopol xa chilic ti much'utic mu xicta sbaique. Ja' xa ch-ac'vanic entrucal.

Tzotzil San Andres

¹⁰ Oy ep buchꞌutic ta xchibaj o yoꞌonic. Li buchꞌutic ta xchibaj yoꞌonique chopol chilic li buchꞌutic mu xchibaj yoꞌonique. Jamal chalic ti bu nacalique yoꞌ acꞌo tsaqueicuc.

Tzotzil de Huixtán

¹⁰ Ep ti much'utic chchibaj yo'ntonic hech yu'un chlic stic'be sbaic smulic, chlic yilinta sbaic.

San Mateo 24:10 Iomraidhean Croise

San Mateo 10:21

“Oy xchi'il no'ox sbaic ta voq'uel ta xac' sbaic ta milel. Oy totil no'ox chac' ta milel xnich'on. Oy nich'naletic no'ox chlic tscontrain stot sme', chaq'uic ta milel noxtoc.

San Mateo 11:6

Xcuxet no'ox yo'nton li boch'o mu xlo'ilaj yo'nton cu'une, utic c'otel li Juane —x'utatic yu'un li Jesuse.

San Mateo 13:21

pero mu'yuc lec yisim ta yo'ntonic, jech jayibuc no'ox c'ac'al te oy. C'alal ta xich'ic vocol, chich'ic uts'intael ta sventa li sc'op Diose, toj chibajel chc'ot yo'ntonic.

San Mateo 13:57

Jech te la sbajic o li Jesuse. Pero li Jesuse jech laj yalbe: —Li j'alc'opetique buyuc no'ox ta xbatic ich'bilic ta muc', ja' no'ox te ta slumal, xchi'uc ta sna stuquic ti mu x'ich'atic ta muq'ue —xut.

San Mateo 24:11

Ta xlic ep jlo'lavanej j'alc'opetic. Ep boch'otic ta xlajic ta lo'lael.

Marcos 13:12

Oy boch'o chac' ta milel xchi'il ta voq'uel. Oy boch'o chac' ta milel xnich'on. Oy boch'o chlic scontrain stot sme', chac' ta milel noxtoc.

Marcos 4:17

Pero mu'yuc chac' yibel ta yo'ntonic, jech mu jaluc xu' yu'unic. C'alal me ital tsots vocole, xchi'uc me ital nutsel ta sventa li sc'op Diose, toj chibajel chc'ot yo'ntonic.

San Lucas 21:16

Oy ta xlic yac'oxuc ta c'abal atot ame'ic, achi'ilic ta voq'uel, avuts' avalalic, xchi'uc li boch'o lec xac'opan aba achi'uquique. Oy te ta smiloxuc o.

2 Timoteo 1:15

Ana'oj ti la scomtsanicun scotol li boch'o xch'unojic li' ta Asia banamile. Te nabal ibatic ec li Figelo xchi'uc Hermogenese.

2 Timoteo 4:10

Yu'un li Demase laj xa scomtsanun. Yu'un ja' la sc'upin li c'usi sventa banamile, jech ibat ta lum Tesalónica. Li Cresentee ibat ta Galacia banamil. Li Titoe ibat ta Dalmacia banamil.

2 Timoteo 4:16

C'alal sba velta laj quich' chapanele, mu'yuc boch'o la scoltaun. La scomtsanicun scotolic. Ac'o pasbaticuc perdón yu'un Dios ta sventa ti jech la spasbicune.