San Mateo 22:3 - Bible in Tzotzil de Chenalhó with Deuterocanon

³ La stac batel yaj'abteltac yu'un ac'o bat yiq'uic tal li boch'otic yic'anoj ta q'uel q'uin nupinele. Pero muc sc'an xtalic.

Tzotzil Zinacantan

³ Istac echꞌel smozotac, ba yiqꞌuic tal ti muchꞌutic yalojbe xa onox ti chtal ta nupunele. Pero muc xtalic.

Bible in Tzotzil de Chamula

³ Ti ajvalile laj stac batel yaj'abteltac ta stojolic ti buch'utic ic'bilic yu'une. Ti buch'utic ic'bilic une, mu sc'an xtalic.

LEQUIL ACH' C'OP

³ Istac ech'el smozotac, ba yiq'uic tal ti much'utic yalojbe xa onox ti chtal ta nupunele. Pero muc' xtalic.

Tzotzil San Andres

³ La stac batel yajtuneltac, ba yicꞌanic talel li buchꞌutic yalojbe xa onoꞌox ti acꞌo xtal sqꞌuelic li qꞌuin nupunele. Pero mu scꞌan xtalic.

Tzotzil de Huixtán

³ Laj stac batel yabat yu'un chba yiq'uic tal ti much'utic ch'amumbil xa yu'une yu'un chtal sq'uelic ti nupunele. Muc sc'an xtalic.

San Mateo 22:3 Iomraidhean Croise

Salmos 68:11

Li Cajvaltique oy c'usi laj yal; ep boch'otic la spuquic batel li c'usi laj yale.

Isaías 30:15

Li Cajvaltique, ja' li Ch'ul Dios yu'un Israele, jech chal: “Sutanic tal, paso ta jun avo'ntonic, jech chacolic; me jun avo'ntonic, me ja' chapat avo'ntonic ta jtojole, ja' atsatsalic chc'ot”, xayutoxuc. Pero muc xach'unic.

Jeremías 25:4

Li Muc'ul Diose la staquilanboxuc tal yajtuneltac, ja' li j'alc'opetic yu'une. Mu'yuc ono'ox la xquechan staquilanel tal, pero li vo'oxuque muc xach'unic, me jutuc muc xavich'ic ta muc' li c'usi laj yalique.

Jeremías 35:15

Scotol ora ta jtaquilanboxuc tal ta atojolic li cajtuneltaque, ja' li j'alc'opetic cu'une, jech chayalboxuc: Comtsanic li chopol be atamojic jujunoxuque, tuq'uibtaso abaic; mu xabatic ta stojol li yantic diosetique, mu me ja'uc xatunic yu'un. Me jech chapasique, jun avo'nton te nacaloxuc o ta banamil ti bu laj cac'boxuc achi'uc li amoltotic ta vo'onee, xayutoxuc. Pero muc xach'unic, muc xavich'ic ta muc'.

Oseas 11:2

C'alal te chquiq'uilanic oe, yantic to inamajic loq'uel ta jtojol. Ja' bat smilbeic smoton li baaletique; ja' bat xchiq'uic pom ta stojol li c'usi cuybil ta diosetique.

Oseas 11:7

Li jteclumale ja' no'ox oy ta yo'ntonic o ti chisva'lupatinicun comele. Ac'o me ch-avanic to batel ta jtojol vu'un ti te oyun ta toyole, pero mu'yuc ta jtotsic liquel.

Sofonías 1:7

Ch'anchanic, mu me xabaq'uic ta stojol li Muc'ul Diose, ja' li Cajvaltique yu'un nopol xa sc'ac'alil li Muc'ul Diose. Li Muc'ul Diose chapal xa yu'un li milbil matanaletique; t'ujbil xa yu'un li boch'otic yic'anoj ta ve'ele.

San Mateo 21:34

C'alal po'ot xa yorail ch-ic'ub sat li sts'usube, la stac tal yaj'abteltac, yu'un tal sc'anbeic batel sat sts'usub li boch'o sventainojique.

San Mateo 23:37

“¡Jerusalén, Jerusalén, vo'ot ti atalel o chamil li yaj'alc'optac Diose, ti chavac'be ton li boch'otic tacbilic tal yu'un Dios li' ta atojole! Pero ep xa velta ta jc'an ta jtsob jnaclumetic avu'un jech chac c'u cha'al ta stsob yol ta yolon xic' jcot me'caxan, pero muc xac'anic.

San Mateo 3:2

jech laj yal: “Suteso avo'ntonic, yu'un nopol xa yorail chlic ventainvanuc li Diose”, xi.

San Mateo 9:15

Itac'ov li Jesuse: —C'alal yorail nupinele, ¿me smelol ta xictaic ixim li yuts' yalaltac malalil ti c'alal te to xchi'uquic li malalile? Ta melel ta ono'ox sta yorail ta xpojbatic loq'uel li malalile, ja' to xu' ta xictaic ixim.

San Lucas 13:34

“¡Jerusalén, Jerusalén, atalel o ti chamil li j'alc'opetique, ti chavac'be ton li boch'otic tacbilic tal ta atojole! Ep xa ta velta la jc'an ta jtsob avalab jech chac c'u cha'al tstsob yol ta yolon xic' jcot me' caxan, pero muc xac'an.

San Lucas 15:28

C'alal laj ya'ye, i'ilin. Muc sc'an x'och ta sna. C'alal laj ya'ay li stote, iloc' svocolta ti ac'o ochuque.

San Lucas 19:27

Jech noxtoc li boch'otic ta scontrainicun ti mu sc'anic vu'un chiventainvane, iq'uic tal scotol li'i. Li' ta jsat xamilic’, xi li ajvalile”, xi li Jesuse.

San Juan 5:40

Pero mu xac'an xatalic ta jtojol ti jech xu' chacuxiic o sbatel osile.

Hechos 13:45

Pero li yantic judioetique xti'et ic'ot yo'ntonic c'alal laj yilic li epal cristianoetic la stsob sbaique. Laj yalic ti mu meleluc c'usi ta xal li Pabloe; lic xchopolc'optaic.

Romanos 10:21

Ta sventa li Israele jech laj yal noxtoc: “Scotol c'ac'al te jbechoj o jc'ob chquic' li jbajmantal, li jtacchiquin cristianoetique”, xi.

Hebreos 12:25

Ja' yu'un q'uelo me abaic, mu me xabajic li c'opanel yu'un Diose. Yu'un li boch'otic la sbajic c'usi i'albatic yu'un li banquilal yu'unic li' ta banamile, muc xcolic. ¡Buuc xa me ta jbajtic comel li Dios ti chisc'opanutic tal c'alal ta vinajele, j'ech'el mu xijcol o!

Hebreos 9:15

Ja' yu'un ja' xa jc'opojel cu'untic ta sventa li c'usi ach' la xchapan Diose, yu'un ja' la xch'ay ta sventa icham li jmul jtaojtic ta sventa ti muc xch'un cu'untic li c'usi ba'yuc chapanbile. Li boch'otic ic'bilic xae, chich'ic li c'usi albil ono'ox sc'oplal ch-ac'batic sventa sbatel osile.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

1 Samuel 9:13

C'alal cha'ochic ta lume, sa'ic ta ora ti c'alal mu'yuc to chbat ve'uc ta ch'ulnae. Yu'un li boch'otic te oyique, mu'yuc to chve'ic ja' to c'alal me ic'ot li vinique. Yu'un ja' oy ta sventa chac'be bendición ba'yuc li smoton Diose; ja' to xu' tsve'ic li boch'otic ic'bilique. Ja' yu'un ac'beic yipal batel ta ora; ja' yorail xu' te chataic —xiic.