San Mateo 21:12 - Bible in Tzotzil de Chenalhó with Deuterocanon

¹² Li Jesuse i'och ta ch'ulna ta Jerusalén. Te lic sloq'ues scotol li boch'otic ta xchonolajic, ta xmanulajic ta ch'ulnae. La sbutq'uinbe xmexaic li jeltaq'uinetique. La sbutq'uinbe xilaic li jchonpalomaetique.

Tzotzil Zinacantan

¹² Ti Jesuse ibat ta stemplo Riox. Isnuts loqꞌuel scotol ti jchonolajeletic tey ta tiꞌ mucꞌta temploe. Isbutqꞌuinbe smexaic ti jeltaqꞌuinetique. Isbutqꞌuinbe xilaic ti jchonpalomaetique.

Bible in Tzotzil de Chamula

¹² Ts'acal to ti Jesuse bat ta ch'ulna, laj snuts loq'uel scotol ti buch'utic ta xchonilajique xchi'uc ti ta xmanolajique. Laj svalc'unanbe xmexaic ti jel-taq'uinetique xchi'uc xilaic ti jchon-palomaetique.

LEQUIL ACH' C'OP

¹² Ti Jesuse i'och ech'el yo' bu li temploe, isnuts loq'uel scotol ti much'utic tey ch-chonolajique xchi'uc ti much'utic tey ch-manolajique; isbutq'uinbe smexaic li jeltaq'uinetique xchi'uc xchonolajebic li jchonpalomaetique;

Tzotzil San Andres

¹² Li Jesuse te icꞌot ta yamaqꞌuil li mucꞌta chꞌulna ta Jerusalene. Te jchiꞌucutic cꞌotel, joꞌoncutic li yajchanbalajeltacuncutique. La snutsan loqꞌuel scotol li jpꞌolmaletic schiꞌuc li jmanolajeletic li te ta yamaqꞌuil li mucꞌta chꞌulnae. La svalcꞌunbe smexaic li jeltaqꞌuinetique. La sbutqꞌuinbe xilaic li jchon jculajteꞌetique.

Tzotzil de Huixtán

¹² Te ti Jerusalén co'ol ni'ochtutic ti yamaq'uil templo yu'un ti Diose xchi'uc ti Jesuse. Ti Jesuse laj sten loq'uel ti yamaq'uil templo scotol ti much'utic ti te chchonilajique chmanilajique. Laj sbut'q'uimbe smesa ti jeltaq'uinetique. Laj sbut'q'uimbe snacleb ti much'utic chchonic culajteetique.

San Mateo 21:12 Iomraidhean Croise

Éxodo 30:13

Scotol li boch'otic tsacbil xa ta vun sbiique, ac'o yac'bicun vo'ob gramo saquil taq'uin sventa spatanic. Ja' o'lol tspas ti c'u yalal chapanbil te ta ch'ulnae.

Levítico 1:14

“Yan me mutetic chich'ic tal sventa chachic'bicun jmotonin, vu'un li Muc'ul Diosune, ja' ac'o yich'ic tal jcotuc puruvoc stsu, o me stsumut.

Levítico 12:6

“C'alal me its'aqui ti c'u yepal c'ac'al albil chac' sba ta lecubtasele, me querem me tseb ivoc' yu'une, ac'o yic' batel jcotuc ch'ium chij te ta sti' scoralil ch'ulna pasbil ta nucul. Li chij chic' batele, ja' ti bu jun to jabil svoq'uele, yu'un ja' sventa chich' chiq'uel ta jmoton. Xchi'uc ac'o yic' batel jcotuc stsumut, o me jcot puruvoc stsu sventa chich' milel ta sventa smul; ja' ac'o yac'be li palee.

Levítico 12:8

Yan me mu'yuc yu'un li chije, ac'o yic' tal cha'cotuc puruvoc stsu o me cha'cotuc stsumut. Jcot ac'o yich' chiq'uel ta sventa jmoton; jcot ac'o yich' milel ta sventa xch'ayubil smul. Jech li palee ac'o yac' ta ch'aybel smul li antse, jech lecubtasbil chcom o.

Levítico 14:22

xchi'uc cha'cot puruvoc stsu, o me cha'cot stsumut, ja' ti c'u x'elan xu' yu'une. Li jcote ja' milbil matanal ta sventa smul; yan li jcote ja' chic'bil matanal chc'ot.

Levítico 14:30

Li palee ac'o yac' ta jtojol jcotuc li puruvoc stsue, o me ja' li stsumute, ja' li c'usi xu' yu'un chich' tal li boch'o chich' lecubtasele.

Levítico 15:14

Ta xvaxquibal c'ac'al ac'o yich' tal cha'cotuc puruvoc stsu, o me cha'cot stsumut te ta sti' ch'ulna pasbil ta nucul. Ac'o tal yac'be pale te ta jtojol, vu'un li Muc'ul Diosune.

Levítico 15:29

Ta xvaxquibal c'ac'al ac'o yic' tal cha'cotuc puruvoc stsu, o me cha'cot stsumut. Ac'o c'ot yac'be li pale te ta ti'ch'ulna pasbil ta nucule.

Levítico 5:11

“Pero me mu xtoj yu'un noxtoc li cha'cot puruvoc stsu, o li cha'cot stsumute, xu' ja' no'ox ac'o yich' tal chibuc kilo arina ti bu ven leque. Ja' matanal sventa smul chc'ot. Mu me xac'be aceite xchi'uc pom, yu'un ja' matanal ta sventa mulil.

Levítico 5:7

“Ti me mu'yuc yu'un jcot chije, ac'o yac' cha'cotuc puruvoc stsu, o me cha'cot stsumut ta sventa li smul staoje. Li jcote ja' sventa xch'ayubil smul; li yan jcote ja' sventa chic'bil matanal chc'ot.

Marcos 11:11

I'och batel ta Jerusalén li Jesuse. Te ibat ta ch'ulna. La sq'uel comel ta jujujot, jech iloc' batel. Ibat ta Betania xchi'uc li lajchab yajchanc'optaque, yu'un bat xa'ox c'ac'al.

San Lucas 2:24

Laj yac'beic smoton Dios noxtoc jech chac c'u cha'al chal ta smantal Diose: “Ac'o yic' tal cha'cot puruvoc stsu, o me cha'cot stsumut”, xi ono'ox.

San Juan 2:13

C'alal jutuc xa'ox sc'an sta sc'ac'alil q'uin Coltael cu'uncutic, vu'uncutic li judiouncutique, ibat ta Jerusalén li Jesuse.