San Mateo 2:16 - Bible in Tzotzil de Chenalhó with Deuterocanon

¹⁶ C'alal la sna' Herodes ti ilaj xa ta lo'lael yu'un li bijil viniquetic ti sna'ic sq'uelel c'analetique, solel tsots i'ilin. Jech laj yal mantal ti ac'o milaticuc scotol li bic'tal queremetic ti bu chib to jabil yich'ojique, xchi'uc ti bu ach' to svoq'uelic ti te oyic ta lum Belén xchi'uc ti c'u smuc'ul yosilale. Yu'un li Herodese la sna' c'usi ora lic yilic tal c'anal li bijil viniquetic ti sna'ic sq'uelel c'analetique.

Tzotzil Zinacantan

¹⁶ Ti Erodese, cꞌalal iyul ta sjol ti iloꞌloat yuꞌun ti pꞌijil viniquetique, icap tajmec. Isloqꞌues mantal ti acꞌu yichꞌ milel scotol cꞌox crem ta Belene. Jaꞌ ti bu chib to sjabilalique xchiꞌuc ti más cꞌoxetique. Ti Erodese snaꞌoj cꞌusi ora iyilic cꞌanal ti pꞌijil viniquetique, yechꞌo ti jaꞌ iyacꞌ ta milel ti cꞌoxetic chib sjabilale yuꞌun isnop ti tey capal chlaj ti unene.

Bible in Tzotzil de Chamula

¹⁶ C'alal laj yil ti Herodes ti laj ta lo'lael yu'un ti bijil viniquetique, icap sjol, laj yal mantal ti yich'uc milel scotol ti uni queremetic ti mu to ta sta chib jabile xchi'uc ti yich'ojic xa chib jabil ti oyic ta jteclum Belene xchi'uc ti c'u yepal joyol ta spat xocone. Ja' ba sco'oltas talel ti ajvalil Herodese ti c'usi ora laj yalic ti bijil viniquetique.

LEQUIL ACH' C'OP

¹⁶ Ti Herodese, c'alal iyul ta sjol ti ilo'loat yu'un ti p'ijil viniquetique, icap tajmec. Isloq'ues mantal ti ac'u yich' milel scotol c'ox cremotic ti tey nacajtic ta Belene xchi'uc ti tey nacajtic ta sjoyobe. Ja' ti bu chib to sjabilalique xchi'uc ti más c'oxetique. Yu'un ti Herodese sna'oj c'usi ora iyilic c'anal ti p'ijil viniquetique.

Tzotzil San Andres

¹⁶ Cꞌalal iyaꞌi li Herodes ti iloꞌloat yuꞌun li pꞌijil viniquetique, toj echꞌem iꞌilin. Laj yal mantal ti acꞌo mileuc scotol li bicꞌtal queremutic li bu chib to jabil yichꞌojique, schiꞌuc li bu neneꞌic toe, li te oyic li cꞌu smucꞌul yosilal li Belene. Yuꞌun snaꞌoj Herodes li cꞌu ora laj yilic li cꞌanal li pꞌijil viniquetique, jaꞌ yuꞌun te capal laj yacꞌ ta milel li bu yichꞌojic xa chib jabile.

Tzotzil de Huixtán

¹⁶ C'alal laj sna' ti Herodese ti ilabanat yu'un ti p'ijil viniquetique, xtec'tun no'ox i'ilin. Laj spas mantal yu'un ac'o smilic scotol biq'uit queremotic te ti Belén xchi'uc ti sjoylejal Belén. Tsmil ti much'u mu to bu tsts'aqui oxib habil yu'un sna' ti Herodese ti c'usi ora laj yil ti c'anale ti p'ijil viniquetique.

San Mateo 2:16 Iomraidhean Croise

Génesis 39:14

laj yic'an ta ora li smozotac te oyic ta snae, jech laj yalbe: —Q'uelavilic, li jmalale laj yic'butic tal jun Hebreo vinic yu'un tal yixtanutic ta c'op. Te i'och sq'uelun yu'un tsc'an chiyuts'intaun, pero li vu'une tsots li'avan.

Génesis 39:17

C'alal ivul li smalale, lic xcholbe ya'ay jech chac c'u cha'al laj yal ono'oxe. Jech laj yalbe: —Li hebreo vinic, ja' li amozo laj avic' tale, i'och yo' bu oyune yu'un tsc'an ox chiyuts'intaun.

Génesis 49:7

Ta xavich'beic stojol; ta melel ta xavich'beic stojol ta scoj ti bats'i tsots la'ilinique. Nomtic ta xc'ot naclanic ta cosilal; apucoj aba chac'otic ta cosilal, vu'un li Israelune.

2 Reyes 8:12

Li Hazaele jech la sjac': —¿C'u yu'un cha'oc'? —xi. Itac'ov li Eliseoe: —Yu'un jna'oj ti ta to xavac'be ep svocol li israeletique. Ta to xavac'be sc'ac'al li tsatsal coralton yu'unique; ta to xamil ta espada li querem tsebetique, xchi'uc li ololetique, xchi'uc li antsetic ti oy xch'utique. Ta to xajatbe loq'uel ta yut xch'ut li yolique —xut.

Job 12:4

Li vu'une na'lebilun yu'un li boch'otic lec jc'opan jba jchi'uque, vu'un ti tuc' co'nton, ti mu'yuc jmule, ti lec to'ox la stac'bun c'op c'alal la jc'anbe vocol li Diose.

Proverbios 28:15

Li chopol vinic ti ochem ta jpasmantal ta stojol me'onetique ja' jech chac c'u cha'al jcot león ti xme'et no'oxe, jech chac c'u cha'al jcot oso ti chvoch'ivane.

Proverbios 28:17

Li boch'o ta xmilvane oy svocol o c'alal to chbat ta muquinaltic, xchi'uc mu'yuc boch'o xu' ta spoj.

Isaías 26:21

Yu'un li Muc'ul Diose ta stots tal ta spasubmantal; chtal yac'be stoj smulic li cristianoetic ta banamile. Li banamile chac' ta ilel scotol li ch'ich' malbile; mu'yuc tsnac' c'u yepal li boch'o milbilique.

Isaías 59:7

Li yacanique ch-anilaj batel ta spasel li c'usi chopole; chbat smilic li boch'o mu'yuc smule, li c'usitic snopoj tspasique puru chopolic; puru soquesvanej, puru jinvanej tspasic ti bu chanovique.

Daniel 3:13

C'alal laj ya'ay li Nabucodonosore, tsots i'ilin. Ta sc'ac'al yo'nton laj yal ti ac'o yiq'uic tal li Sadrac, Mesac, xchi'uc Abed-negoe. Jech ta ora laj yiq'uic tal li oxib viniquetique.

Oseas 10:14

ja' yu'un ta to xvinaj viquil ch'avaloxuc ta oq'uel ta scoj pleito li' ta alumalic. Li tsatsal coraltonetic avu'unique ta xich' lilinel scotol, ja' jech chac c'u cha'al la sjines Bet-arbel li ajvalil Salmán c'alal la spasic pleito, ti c'alal biq'uitic ibat xchi'uc yalabic li antsetique.

Números 22:29

Itac'ov li Balaame: —Yu'un laj avuts'intaun. Ti quich'ojuc quespadae, laj xa jmilot ti jechuque —xut.

Números 24:10

C'alal laj ya'ay jech li Balaque, bats'i tsots i'ilin ta stojol li Balaame. La xt'ax ta majel sc'ob, jech laj yal: —Vu'un laj quic'ot tal, yu'un ta jc'an chalajesbun stsatsal li cajcontrataque, pero tana li'i yoxibal xa velta laj ac'anbe bendición ta stojol.

San Mateo 2:1

C'alal ivoc' Jesús te ta lum Belén ta Judea banamile, ja'o ochem ta ajvalilal jun vinic, Herodes sbi. Te ic'otic ta Jerusalén jayibuc bijil viniquetic sna'ic sq'uelel c'analetic liquemic tal ta sloq'ueb c'ac'al.

San Mateo 2:17

Jech ic'ot ta pasel c'usi laj yal li j'alc'op Jeremiase:

San Mateo 2:7

Li Herodese ta mucul laj yic' li bijil viniquetic ti sna'ic sq'uelel c'analetique. La sjac'be lec c'usi ora lic yilbeic li sc'analile.

Apocalipsis 12:4

Ta sne la smec yalel tal jutuc mu o'loluc li c'analetic ta vinajele; la sjip yalel c'alal to ta banamil. Li chone te cotol ic'ot ta sts'el li ants ti ta xa xcuxe, yu'un tsmala chvoc' li yole, yu'un tsc'an tsti' ta ora.

Apocalipsis 17:6

Li antse laj quil ti yacuben ta sventa xch'ich'al li boch'o voc'bilic yu'un Diose, xchi'uc ta xch'ich'al li boch'otic imilatic ta sventa ti jamal laj yalbeic sc'oplal li Jesuse. C'alal jech laj quile, toj labal sba laj quil; ich'ay co'nton yu'un.

Jueces 16:10

Li Dalilae jech laj yalbe li Sansone: —¡Laj alo'laun; mu meleluc li c'usi laj avale! Avocoluc albun ta jamal c'u x'elan xu' chavich' chuquel —xut.