San Mateo 2:11 - Bible in Tzotzil de Chenalhó with Deuterocanon

¹¹ C'alal i'ochic ta nae, te laj yilic li olole xchi'uc li sme'e, ja' li Mariae. La squejan sbaic ta stojol li olole; laj yich'ic ta muc'. La sjamic li matanale; laj yac'beic smoton li olole, ja' c'anal taq'uin, xchi'uc pom, xchi'uc muil poxil.

Tzotzil Zinacantan

¹¹ Tey iꞌoch ti pꞌijil viniquetique. Iyilic ti unene xchiꞌuc ti smeꞌe, jaꞌ ti Maríae. Iyichꞌic ta mucꞌ ti unene. Isquejan sbaic, jaꞌo isnijan sba ta balamil noxtoc. Iyacꞌbeic smoton: oro, xchiꞌuc becꞌtal pom, xchiꞌuc mirra.

Bible in Tzotzil de Chamula

¹¹ Ochic batel ta na un, laj yilic ti olole xchi'uc ti sme'e, ja' ti Mariae. Laj squejan sbaic, laj yich'ic ta muc'. Lic sjam ti xcaxaique, laj yac'beic smoton, naca oro, pom, xchi'uc momol ti mirra sbie.

LEQUIL ACH' C'OP

¹¹ Tey i'ochic ti p'ijil viniquetique. Iyilic ti unene xchi'uc ti sme'e, ja' ti Mariae. Iyich'ic ta muc' ti unene. Isquejan sbaic, ja'o isnijan sbaic ta balamil noxtoc. Iyac'beic smoton: oro, bec'tal pom, xchi'uc muil pox mirra sbi.

Tzotzil San Andres

¹¹ Iꞌochic li pꞌijil viniquetique. Iyilic li unene schiꞌuc li smeꞌe, jaꞌ li Maríae. La squejan sbaic ta stojol li unene, laj yichꞌic ta mucꞌ. Laj yacꞌbeic smoton; jaꞌ cꞌanal taqꞌuin, schiꞌuc pomriox, schiꞌuc mirra.

Tzotzil de Huixtán

¹¹ Hech i'ochic ti yut na ti p'ijil viniquetique. Te laj staic ti olole xchi'uc ti sme'e, ja' ti Maríae. Laj squejan sbaic ti stojol ti olole. Laj sloq'uesbeic smoton. Laj yac'beic c'anal taq'uin xchi'uc pom xchi'uc mirra perfume.

San Mateo 2:11 Iomraidhean Croise

Génesis 43:11

Itac'ov li totile: —Lec oy, iq'uic batel yu'un mu'yuc c'usi yan xu' ta jpastic. Ich'beic batel jutuc smoton li ajvalile. Ja' xavich'beic batel li c'usi toj lequic chloc' li' ta cosilaltique. Ich'beic batel jutuc bálsamo, xchi'uc jutuc pom, xchi'uc muil poxil, xchi'uc mirra, xchi'uc nueces, xchi'uc almendra.

1 Reyes 10:10

Li ajvalil antse lic yac'be ta sc'ob oxmil xchi'uc baluneb ciento xchi'uc oxvinic (3,960) kilo c'anal taq'uin, xchi'uc epal perfumeetic xchi'uc lequil tonetic ti c'upilic sbae. Mu'yuc ono'ox bu xilic jech epal perfumeetic jech chac c'u cha'al yepal laj yac'be ajvalil Salomón li ajvalil ants ta Sabae.

Salmos 2:12

Yu'un jech mu x'ilin ta atojolic, naca me chamanic ta be yu'un; yu'un mu vocoluc xu' tstsan li sc'ac'al yo'ntone. Xcuxet no'ox yo'nton li boch'otic ja' spatoj yo'ntonic yu'une.

Salmos 45:8

Li ac'u' apoq'ue lec xa ac'bil muil poxil, ja' li mirra, áloe, xchi'uc casiae. Chastoyicot lec ta sonetic te ta apasubmantal ti pasbil ta sts'uts'up tsemene.

Salmos 72:10

Li ajvaliletic ta Tarsis xchi'uc ta ti'ti' nabe, ac'o tal yac'beic smoton; Li ajvaliletic ta Sabá xchi'uc ta Sebae, ac'o tal yac'beic c'usitic oy yu'unic.

Salmos 72:15

Ich'biluc ta muc' li ajvalile. Ac'o ac'batuc li c'anal taq'uin chlic tal ta Sabae; ac'o c'opanbatuc Dios ta stojol scotol ora; ac'o ac'batuc bendición scotol c'ac'al.

Salmos 95:6

La'ic me, la' quich'tic ta muc, la' jpatan jbatic ta stojol, la' jquejan jbatic ta stojol li Muc'ul Diose yu'un ja' la spasutic.

Éxodo 30:23

“Sa'o atuc li vomoletic ti lec muic yiq'ue: ja' vaquib kilo xasa' li mirra ti lequique, oxib kilo canela, xchi'uc oxib kilo cálamo ti lec mu yiq'ue,

Éxodo 30:34

Li Muc'ul Diose jech laj yalbe li Moisese: “Sa'o yan c'usitic mu yic' jech chac li'i: xuch'al te', unya ti lec mu yiq'ue, gálbano, xchi'uc bats'i pom. Ja' co'ol yepal xasa' ta jujuchop.

Cantares 3:6

¿C'usi le' xtal ta xocol banamil ti xco'laj xchi'uc ch'ayil xtomet muyele, ti joyibtabil tal ta xch'ayilal muil poxil xchi'uc ta xch'ayilal pom, xchi'uc ta xch'ayilal yantic muil poxiletique?

Isaías 60:6

Chavil epal camelloetic xcholoj sbaic tal, liquemic tal ta Madián xchi'uc ta Efa. Jech noxtoc chtalic scotol li yajvaltac Sabae, chcuchic tal ep c'anal taq'uin xchi'uc pom; ja' chlic yalbeic batel slequilal li Muc'ul Diose.

Levítico 6:15

Jun pale ac'o sjop batel jopuc li arina ac'bil ta jmotone, xchi'uc li yaceiteale, xchi'uc li pom te co'ol oy xchi'uque. Ac'o xchic' te ta scajleb jmoton. Ja' chic'bil matanal sventa ana'ubilic ti lec mu yic' chc'ot ta tojol, vu'un li Muc'ul Diosune.

Malaquías 1:11

Yu'un li jbie toj ech'em smuc'ul ta sbejel banamil, xlic ta sloq'uem c'ac'al c'alal to ta smaleb c'ac'al; ta sbejel banamil ta buyuc no'ox chixchic'bicun pom ta jtojol, xchi'uc ja' chiyac'bicun jmotonin ti bu lequique, yu'un toj ech'em smuc'ul jbi ta scotol banamil.

Números 7:14

Xchi'uc laj yich' batel noxtoc jun muc'ta cuchara pasbil ta c'anal taq'uin, ja' lajuneb svacvinic (110) gramo yalal, nojem batel ta pom.

Números 7:86

Te oy noxtoc li lajchab (12) muc'tic cuchara pasbilic ta c'anal taq'uine, nojemic ta pom. Ja' lajuneb svacvinic (110) gramo yalal jujun jech chac c'u cha'al chapanbil te ta ch'ulnae. Ti c'u yalal ta scotol li c'anal taq'uin ti pasbilic o li muc'tic cucharaetique, ja' jmil xchi'uc oxib ciento xchi'uc jtob (1,320) gramo yalal ta scotol.

San Mateo 1:18

C'alal ivoc' li Jesucristoe, ja' jech chac li'i: Li sme'e, ja' li Mariae, macbil xa'ox yu'un li Josee. C'alal mu'yuc to'ox yic'oj sbaique, oy xa'ox xch'ut li Mariae. Ja' ac'bil yu'un Ch'ul Espíritu.

San Mateo 12:46

C'alal ja'o chchi'in ta lo'il cristianoetic li Jesuse, te ivulic ta amac' sme' xchi'uc xchi'iltac, yu'un tsc'an ta sc'opanic li Jesuse.

San Mateo 14:33

Li yajchanc'optac ti te oyic ta yut canovae la squejan sbaic ta stojol li Jesuse. Jech laj yalbeic: —Ta melel vo'ot Xnich'onot li Diose —xutic.

San Mateo 2:10

C'alal laj yilique, bats'i xcuxet no'ox yo'ntonic.

San Mateo 2:2

Jech la sjaq'uic: —¿Bu voq'uem xana' li boch'o ta x'och ta ajvalilal avu'unic, vo'oxuc li judiooxuque? Yu'un laj quilbecutic tal sc'analil te ta sloq'ueb c'ac'al, jech litalcutic, tal quich'cutic ta muc' —xiic.

San Lucas 2:16

Jech ibatic ta anil. Te la staic li María xchi'uc Josee, xchi'uc li olol te puch'ul ta yavil sve'um vacaxe.

San Lucas 2:38

Ja'o te ic'ot ec ti c'alal chlo'ilaj li Simeone; la stojbe ta vocol Dios ec. Lic spucbe sc'oplal li olole; laj yalbe scotol li boch'otic smalaojic coltael te ta Jerusalene.

San Juan 19:39

Te ital ec li Nicodemoe, ja' li boch'o ay sc'opan ta ac'ubaltic li Jesuse. Yich'oj tal muil poxil, ja' mirra capal ta áloe. Ech'em ta lajuneb xcha'vinic (30) kilo yalal.

Apocalipsis 19:10

La jquejan jba ta stojol li j'almantale, yu'un chquich' ta muc', pero jech laj yalbun: “Q'uelo me aba, mu xapas jech, yu'un yajtunelun Dios ec jech chac c'u cha'al li vo'ote xchi'uc li achi'iltac ti jun yo'nton xch'unojic o c'usi yaloj li Jesuse. Ja' ich'o ta muc' stuc li Diose. Yu'un li c'usi yaloj comel Jesuse, ja' li c'usi ch-ac'bat sna'ic yu'un Ch'ul Espíritu li boch'o chalic c'usi tsc'an Diose”, xiyutun.

Apocalipsis 5:8

C'alal laj yich' li vune, li chanibique xchi'uc li chanib xcha'vinic (24) banquilaletique la spatan sbaic ta stojol li Ch'ium Chije. Li chanib xcha'vinic (24) banquilaletique yich'anoj jujun yarpaic xchi'uc jujun stazaic pasbil ta c'anal taq'uin nojic ta pom. Ja' senyail sc'opic c'alal tsc'opanic Dios li boch'otic voc'bilic yu'un Diose.

1 Samuel 10:27

Pero oy jayibuc chopol yo'ntonic jech laj yalic: “¿Me yu'un ja' xu' yu'un chiscoltautic le'e?”, xiic. Jech muc xich'ic o lec ta muc', pero li Saule mu'yuc c'usi laj yal.