San Mateo 17:3 - Bible in Tzotzil de Chenalhó with Deuterocanon

³ Ta ora te ivinaj ta stojolic li Moisés xchi'uc Eliase. Te ilo'ilajic xchi'uc li Jesuse.

Tzotzil Zinacantan

³ Jaꞌo la iyilic ti Moisese xchiꞌuc ti Eliase, tey la chloꞌilajic xchiꞌuc ti Jesuse.

Bible in Tzotzil de Chamula

³ Taj une, laj yilic ta xlo'ilajic xchi'uc Jesús ti Moisese xchi'uc ti Eliase.

LEQUIL ACH' C'OP

³ Ja'o iyilic ti Moisese xchi'uc ti Eliase, tey chlo'ilajic xchi'uc ti Jesuse.

Tzotzil San Andres

³ Jaꞌ o iyilic te Moisés schiꞌuc Elías, te la schiꞌin sbaic ta loꞌil schiꞌuc li Jesuse.

Tzotzil de Huixtán

³ Te laj yac' sba iluc ti Moisese xchi'uc ti Elíase. Te ilo'lajic xchi'uc ti Jesuse.

San Mateo 17:3 Iomraidhean Croise

1 Reyes 17:1

Li j'alc'op Elías liquem ta Tisbe ta yosilal Galaade, jech laj yalbe li Acabe: “Chcal ta jamal ta stojol Muc'ul Dios, ja' li Dios yu'un Israel ti chitun yu'une, mu'yuc ta xac' vo', xchi'uc mu'yuc ta xyal job osil li jabil li'i, ja' to me laj cal ti chtale”, xut.

Malaquías 4:5

“A'yo ava'yic, ba'yuc ta jtacboxuc tal j'alc'op Elías ti c'alal mu'yuc to tsta Sc'ac'alil li Muc'ul Diose, ja' li jun c'ac'al ti toj tsots, ti toj xi'bal sbae.

San Mateo 17:2

Li Jesuse te lic c'atajuc ta stojolic. I'ayin xojobal sat jech chac c'u cha'al xojobal c'ac'al. Solel isacub li sc'u'e jech chac c'u cha'al luz.

San Mateo 17:4

Lic c'opojuc li Pedroe, jech laj yal: —Cajval, toj lec ti li' oyutique. Me chac'ane, ta jpascutic oxbej vacaxna li'i; jun avu'un, jun yu'un Moisés, jun yu'un Elías —xut.

Marcos 9:4

Te ivinaj ta stojolic Elías xchi'uc Moisés; te la xchi'in sbaic ta lo'il xchi'uc li Jesuse.

San Lucas 1:17

Li Juane ja' ba'yuc ta xtal yu'un li Cajvaltique. Ja' co'ol stsatsal svu'elic xchi'uc li j'alc'op Eliase. Ja' chtal yac' co'lajuc yo'ntonic xchi'uc yalab xnich'nab li totil me'iletique, xchi'uc ja' ta sventa ta xchanic xch'unel mantal li jbajmantaletique. Jech lec chapal li steclumal Cajvaltic c'alal chtale —xi li j'almantale.

San Lucas 16:16

“Li smantaltac Diose xchi'uc li c'usitic laj yalic j'alc'opetique ja' laj ava'yic o c'alal to ital li Juan j'ac'vanej ta vo'e. Ja'o te lic yich' cholel tal noxtoc li ventainel yu'un Diose. Jech scotolic chaq'uic persa tsc'an ch-ochic ta scotol yo'ntonic.

San Lucas 24:27

Jech lic yac'be sna'ic scotol li sc'oplal ts'ibabil comele. La sliques ta svun Moisés c'alal to ta svunic li yantic yaj'alc'optac Diose. Laj yalbe smelol scotol ti butic ts'ibabil sc'oplale.

San Lucas 24:44

Jech i'albatic: —C'alal jchi'inojoxuc to'oxe, jech ono'ox laj calboxuc chac li'i: ‘Ta persa ta xc'ot ta pasel scotol li jc'oplal ts'ibabil ta svun Moisese, xchi'uc ta svunic li yantic j'alc'opetique, xchi'uc ta svunal q'ueojetique’, xacutoxuc ono'ox —x'utatic.

San Lucas 9:33

C'alal laj yilic ti ta xa xbat li chib viniquetique, li Pedroe jech laj yalbe li Jesuse: —Jchanubtasvanej, ja' lec ti li' oyutic oe. Ta jpascutic oxbej vacaxna li'i, jun avu'un, jun yu'un Moisés, jun yu'un Elías —xut, yu'un mu xa sna' c'usi chal.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

Deuteronomio 18:18

Ta xlic jt'ujbeic loq'uel ta stojolic jun j'alc'op jech chac c'u cha'al vo'ot. Ja' jun mero xchi'ilic ta jt'ujbeic. Ja' ta x'albatic yu'un li c'usi ta jc'an ta xcalbeique, xchi'uc ja' ta svulesbat ta sjolic li c'usi calojbeique.

Deuteronomio 34:10

Pero mu'yuc bu ilic yan j'alc'op te ta Israel jech chac c'u cha'al li Moisés ti la xchi'in sbaic lec ta lo'il xchi'uc li Muc'ul Diose.