San Mateo 17:2 - Bible in Tzotzil de Chenalhó with Deuterocanon

² Li Jesuse te lic c'atajuc ta stojolic. I'ayin xojobal sat jech chac c'u cha'al xojobal c'ac'al. Solel isacub li sc'u'e jech chac c'u cha'al luz.

Tzotzil Zinacantan

² Li oxvoꞌe iyilic la ti iyacꞌ xojobal ti Jesuse. Ti xojobal sate coꞌol la xchiꞌuc xojobal cꞌacꞌal. Ti scꞌuꞌe sac la tajmec, coꞌol la xchiꞌuc luz.

Bible in Tzotzil de Chamula

² Ti bu taje, ta sba ta satic yanij ti c'u s'elan to ox ti Jesuse. Xojobin no'ox liquel ti sat jech c'u cha'al xojobal c'ac'al. Sac lapan ta j'ech'el ti sc'u'e jech c'u cha'al junuc luz.

LEQUIL ACH' C'OP

² Tey sq'uelojic ijel ti Jesuse. Iyac' xojobal li sate, co'ol c'u cha'al xojobal c'ac'al, li sc'u'e isacub, co'ol c'u cha'al luz.

Tzotzil San Andres

² Li Jesuse iyacꞌ xojobal sat ta stojol li oxvoꞌique. Li xojobal sate jaꞌ jech chac cꞌu chaꞌal li xojobal cꞌacꞌale. Xleblun tajmec saquil nojtoc li scꞌuꞌe.

Tzotzil de Huixtán

² Ti Jesuse te laj sc'atajes sba ti stojolic. Laj yac' squeval ti sate hech chaj c'u che'el chac' squeval ti c'ac'ale. Iquevan scotol sc'u'.

San Mateo 17:2 Iomraidhean Croise

Salmos 104:2

Pixilot o ta sac osil jech chac c'u cha'al c'usi pixil ta saquil poc'; vo'ot laj alich'an jech chac c'u cha'al poc' li vinajele.

Cantares 6:10

Boch'o le'e ti xco'laj xchi'uc yibel vinajel c'alal chacpojan xae, ti lec c'upil sba jech chac c'u cha'al u, ti xojoban no'ox jech chac c'u cha'al c'ac'ale, xchi'uc ti chch'ay co'ntontic yu'un jech chac c'u cha'al soldadoetic ti c'alal lec jmoj chchan yacanique.

San Mateo 17:1

C'alal i'ech' xa'ox vaquib c'ac'ale, li Jesuse laj yic' batel Pedro xchi'uc Santiago xchi'uc Juan, yits'in Santiago. Stuquic no'ox laj yic' muyel ta jun toyol vits.

San Mateo 17:3

Ta ora te ivinaj ta stojolic li Moisés xchi'uc Eliase. Te ilo'ilajic xchi'uc li Jesuse.

San Mateo 28:3

Li j'almantale oy xojobal, xco'laj xchi'uc sacsevul. Li sc'u'e bats'i sac ta jyalel jech chac c'u cha'al tayo.

Marcos 9:3

Li sc'u' Jesuse isacub ta jyalel jech chac c'u cha'al tayo. Mu'yuc boch'o jech sna' xchuc'umaj ta sbejel banamil ti toj saque.

San Lucas 9:29

C'alal ja'o tsc'opan Dios li Jesuse, ic'ataj sat. Isacub li sc'u'e, i'ayin xojobal.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 17:24

“Tati, ti c'u yepal laj avac'bune ta jc'an ti ac'o c'ot xchi'inicun ec ti bu oyune, jech te ta xilic o c'u x'elan li jlequilal avac'ojbune, yu'un lec ono'ox ac'anojun ti c'alal mu'yuc to'ox banamile.

Romanos 12:2

Mu me xachanbeic stalel li cristianoetic li' ta banamile. Ja' tsc'an chjel batel atalelic li vo'oxuque, jech ch-ach'ub batel li c'usi chanopique, jech chlic avotquinic batel c'usi tsc'an li Diose, ja' li c'usitic lec chile, li c'usitic tuq'ue.

Apocalipsis 10:1

Laj quil iyal tal ta banamil yan j'almantal ech'em stsatsal. Pixil ta toc iyal tal, xchi'uc oy vacnabal ta sjol. Li sate oy xojobal jech chac c'u cha'al xojobal c'ac'al. Li yacane ja' jech chac c'u cha'al natiquil yat c'oc'.

Apocalipsis 20:11

Ja'o laj quil jun muc'ta saquil chotlebal, xchi'uc li Boch'o te chotole. Li vinajel banamile isacch'ay batel ta stojol. Solel muc xvinaj c'uxi ibat o.