San Mateo 16:4 - Bible in Tzotzil de Chenalhó with Deuterocanon

⁴ Li boch'otic chopol yo'ntonic, xchi'uc ti mu junuc yo'ntonic ta stojol Diose, tsc'an ta sq'uelbeic sq'uelubil. Pero mu x'ac'bat yilic. Ja' no'ox ta x'ac'bat yilic jech chac c'u cha'al ic'ot ta pasel ta stojol li j'alc'op Jonase —xut. Li Jesuse te la scomtsan, iloc' batel.

Tzotzil Zinacantan

⁴ Voꞌoxuc ti cuxuloxuc lavie, chopol ajolic. Mu xavichꞌic ta mucꞌ ti Rioxe. Yuꞌun jaꞌ noꞌox chacꞌan chaqꞌuelic li jyuꞌele pero muc bu chcacꞌ avilic. Jaꞌ noꞌox chavaꞌibecon jcꞌoplal chac cꞌu chaꞌal avaꞌibeic scꞌoplal ti Jonas yajꞌalcꞌop Riox ti ta más voꞌnee ―xꞌutatic yuꞌun ti Jesuse. Tey lamal iscomtsan crixchanoetic ti Jesuse, libatoticotic.

Bible in Tzotzil de Chamula

⁴ Ti jchopol-jol jnaclejetic li'e, ti yan sjol yo'ntonique, ta sc'anic cac'beicuc yil ti oy c'usi ch'ayal ta xc'ot o'ntonal yu'une. Ja' no'ox jech yepal ta x'ac'bat yilic jech c'u cha'al c'ot ta stojol ti Jonase. Laj yictaan comel, bat.

LEQUIL ACH' C'OP

⁴ Li chopol crixchanoetique, xchi'uc ti much'utic mu junuc yo'onic ta stojol ti Rioxe, tsc'an tsq'uelbeic slequilal syu'elal. Pero mu x'acbat yilic. Ja' no'ox ta x'acbat yilic chac c'u cha'al ic'ot ta pasel ta stojol ti Jonase.» ―X'utatic yu'un ti Jesuse. Tey lamal iscomtsan, ja' o ibat.

Tzotzil San Andres

⁴ Li buchꞌutic chopol yoꞌonic ti mu junuc yoꞌonic ta stojol li Diose, tscꞌanic ti chcacꞌulan ta ilel li jtsatsal juꞌele. Pero mu xꞌacꞌbat yilic. Jaꞌ noꞌox ta xꞌacꞌbat yilic jech chac cꞌu chaꞌal icꞌot ta pasel ta stojol li Jonase, jaꞌ li iyal scꞌop Dios ta voꞌonee ―xut. Li Jesuse laj yicta comel li crixchanoetique, lijlocꞌcutic batel.

Tzotzil de Huixtán

⁴ Tsc'an tsq'uelic señail ti much'utic chopol yo'ntonique xchi'uc ti much'utic laj xa scomesic ti Diose. Mu xa x'ac'batic sq'uelic yan. Ja' no'ox ch-ac'batic sq'uelic hech chaj c'u che'el ic'ot ti pasel yu'un ti Jonase, ja' ti j'alc'op yu'un ti Diose ―xut. Hech laj scomes ti Jesuse, hech niloc'tutic batel xchi'uc.

San Mateo 16:4 Iomraidhean Croise

Génesis 6:3

Li Muc'ul Diose jech laj yal: “Mu xcac' ti toj jal chcuxiic li cristianoetique yu'un oy sbec'talic, jech ja' xa no'ox ta xcac' cuxiicuc vacvinic (120) jabil”, xi.

Isaías 57:3

La'ic li'i, xnich'nab j'ac'chameletic, vo'oxuc ti la'ayinic ta sventa jmulavil vinic, jmulavil antse:

Oseas 4:17

Li Efraine laj xa yac' sba o ta stojol li sloc'obaltac sdiosique. ¡Jechuc! Ac'o spas c'usi tsc'an yo'nton stuc.

Oseas 9:12

Ac'o me oy bu chch'i li squeremique, ta jpojbeic loq'uel ta stojolic. ¡Toj abul sbaic ec c'alal me ta jvoc' jba loq'uel ta stojolique!

Jonás 1:1

Li Jonás xnich'on Amitaie ic'opanat yu'un li Muc'ul Diose, jech i'albat:

Jonás 1:17

Li Muc'ul Diose spasoj xa'ox tal ta mantal jcot muc'ta choy ta sventa tsbic' batel li Jonase. Jech oxib c'ac'al xchi'uc oxib ac'ubal te oy ta yut xch'ut choy li Jonase.

San Mateo 15:14

Mu xatuc'ulanic. Ja' ma'satetic ti tsc'an chac'beic yil be li xchi'ilic ta ma'satile. Pero me co'ol ma'satetic ta xic' sbaic batele, co'ol chbalch'ujic ochel ta vomlum —xut.

San Mateo 16:5

C'alal ijelovic ta jot nab li yajchanc'optac Jesuse, muc xt'ab ta yo'ntonic laj yich'ic batel spanic.

Marcos 8:12

Tsots la sjic' yo'nton li Jesuse, jech laj yal: —¿C'u yu'un ja' no'ox tsc'an ta sq'uelic sq'uelubil jtsatsal li cristianoetic li'i? Ta xcalboxuc ta jamal, mu'yuc xa yan sq'uelubil jtsatsal cha'ac'bat avilic —xi.

Marcos 8:38

Li boch'otic ta xq'uexov cu'un, xchi'uc ta xq'uexov ta xch'unel jc'op ta stojol li cristianoetic li' ta ora ti mu junuc yo'ntonic ta stojol Diose, xchi'uc ti chopol c'usitic tspasique, ja' no'ox jech vu'un ti Xnich'on cristiano lic'ote ta xiq'uexov yu'unic ec ti c'alal chital xchi'uc xojobal Jtot, xchi'uc li ch'ul j'almantaletic yu'une —xut.

Hechos 18:6

Pero li israeletique lic scontrainic, lic chopolc'optaic. Jech te la slilin sc'u' ta stojolic, jech laj yalbe: —Te chacuch comel atuquic li amulique. Li vu'une mu'yuc jmul. Tana li'i ja' te chibat ta stojol li yanlum cristianoetic ti mu xotquinic Diose —xut.

Hechos 2:40

Oy to ep c'usi yan laj yal li Pedroe. Jamal laj yalbe c'usi tsc'an ac'o spasic, jech laj yalbe: —Voc'o me abaic ta stojol li cristianoetic ti toj chopolique —xi.