San Mateo 14:3 - Bible in Tzotzil de Chenalhó with Deuterocanon

³ Yu'un li Herodese ja' ono'ox la stac ta tsaquel li Juane, laj yal mantal ti ac'o chucatuc ta cadenae, la stic' ta chuquel ta scoj li Herodiase, ja' li yajnil yits'ine ja' li Felipee.

Tzotzil Zinacantan

³ Jaꞌ ta smantal ti Erodese ti itsac ti Juane, ti ichuque ta carina ta yut chuclebale yoꞌ mu xtae o ta milel yuꞌun ti yajnil toꞌox yitsꞌine. Erodías sbi ti antse. Felipe sbi ti yitsꞌine.

Bible in Tzotzil de Chamula

³ Ti Herodese sna' lec ti laj stic' ta chuquel ti Juane, ti laj xchuc ta cadena taq'uin ta scoj ti ants Herodiase, yajnil ti yits'ine, ti Felipe sbie.

LEQUIL ACH' C'OP

³ Yu'un li Herodese ja' ixchuc ta carina ti Juane, ja' ta scoj ti iyic' Herodiás li Herodese, ja' li yajnil Felipe ti yits'in no'oxe.

Tzotzil San Andres

³ Yuꞌun li Herodese jaꞌ onoꞌox la stac ta tsaquel li Juane, la spas mantal ti acꞌo chuqueuc ta carena ta yut chucvanab ta scoj li Herodíase, jaꞌ li yajnil toꞌox li yitsꞌin li Herodese. Felipe sbi li yitsꞌine.

Tzotzil de Huixtán

³ C'alal cuxul to ti Juane, ti Herodese laj stsac, laj xchuc, laj stic' ti chuquel ti scoj ti Herodíase, ja' ti yajnil ti yits'ine. Ja' Felipe sbi ti yits'in ti Herodese.

San Mateo 14:3 Iomraidhean Croise

San Mateo 11:2

C'alal laj ya'ay c'usitic tspas Cristo li Juan te tiq'uil ta chuquele, la stac tal jayibuc yajchanc'optac.

San Mateo 14:6

Ts'acal to la spas q'uin sventa bu ora ivoc' li Herodese. Li stseb Herodiase te lic ac'otajuc ta stojol scotol li boch'otic te oyique. Li Herodese toj lec laj yil.

San Mateo 4:12

C'alal laj ya'ay Jesús ti ochem xa ta chuquel li Juane, ibat ta Galilea banamil.

Marcos 6:14

Li ajvalil Herodese laj ya'ibe sc'oplal li Jesuse, yu'un puquem sc'oplal ta scotol lumetic. Oy ep boch'otic jech laj yalic: —Le'e ja' Juan j'ac'vanej ta vo', yu'un icha'cuxesat, jech oy ep svu'el ta spas li c'usitic ta spase —xiic.

Marcos 6:17

Yu'un li Herodese ja' ono'ox laj yac' ta tsaquel li Juane. Laj yal mantal ti ac'o chucatuc ta cadena ta yut chuquinab ta scoj li Herodiase, ja' li yajnil to'ox yits'in laj yic'bee, ja' li Felipee.

Marcos 6:19

Jech ec li Herodiase toj chopol laj ya'ay ti jech laj yal li Juane, jech tsc'an ta smil. Pero mu'yuc to'ox c'uxi laj yut.

Marcos 6:22

Te i'och ac'otajuc stseb li Herodiase. Li Herodese toj lec laj yil xchi'uc li boch'otic te co'ol chve'ic ta mexae. Li Herodese jech laj yalbe li tsebe: —C'anbun c'usiuc no'ox chac'anbun, chacac'bot.

Marcos 8:15

Li Jesuse jech laj yalbe li yajchanc'optaque: —Q'uelo me abaic ta sventa svolesubil xch'ut pan yu'un li fariseoetique xchi'uc svolesubil xch'ut pan yu'un li Herodese —xut.

San Lucas 13:1

Ta sc'ac'alil c'alal te stsoboj sbaique, oy boch'o laj yalbeic Jesús c'u x'elan imilatic yu'un Pilato li israeletic liquemic tal ta Galilea c'alal ja'o te tsmilbeic smoton Diose. Li xch'ich'alique te icapbatic ta xch'ich'al smoton Dios yu'unic.

San Lucas 13:31

Ta sc'ac'alil le'e te ital jayibuc fariseoetic, jech laj yalbeic li Jesuse: —Loc'an batel, yu'un tsc'an ta smilot li Herodese —xutic.

San Lucas 23:11

Li Herodes xchi'uc yajsoldadotaque solel mu'yuc stu laj yilic li Jesuse. Ja' no'ox la slabanic, la slapbeic natil c'u'il sventa ajvalil. Ts'acal la staquic sutel ta stojol li Pilatoe.

San Lucas 23:7

C'alal laj ya'ay Pilato ti ja' ventainbil yu'un Herodes li Jesuse, la stac batel ta stojol li Herodese, yu'un ja'o te talem ta Jerusalén ti c'alal jech ic'ot ta pasele.

San Lucas 3:1

C'alal te oy ta xocol banamil li Juan xnich'on Zacariase, ic'opanat yu'un li Diose. Svo'lajunebal (15) jabil xa'ox yochel ta muc'ta ajvalilal ta Roma li Tiberio Cesare. Ja'o ochem ta ajvalilal ta Judea banamil li Poncio Pilatoe; ja'o ochem ta ajvalilal ta Galilea banamil li Herodese; ja'o ochem ta ajvalilal ta Iturea banamil xchi'uc ta Traconite banamil li Felipe yits'in Herodese; ja'o ochem ta ajvalilal ta Abilenia li Lisaniase. Jech noxtoc ja'o ochem ta banquilal pale li Anás xchi'uc Caifase.

San Lucas 8:3

Te oy ec li Juanae, ja' li yajnil Chuza ti chchabibe c'usitic oy yu'un li ajvalil Herodese. Te oy ec li Susanae, xchi'uc ep yantic antsetic. Ja' la smac'linic li Jesuse; stuc la sbainic scotol.

Hechos 12:1

Ta sc'ac'alil le'e, ja'o lic yuts'intabe jayibuc steclumal Cristo li ajvalil Herodese.

Hechos 4:27

“Ta melel jech ic'ot ta pasel yu'un li' la stsob sbaic ta lum Jerusalén li Herodes xchi'uc li Poncio Pilatoe, xchi'uc li yanlum cristianoetique xchi'uc li israeletique. La xchapanic c'u x'elan ta scontrainic li Avajtunel Jesús ti tuc' yo'ntone, ti avac'ojbe svu'el yu'un jech voc'bil icom sventa avabtele.