San Mateo 12:10 - Bible in Tzotzil de Chenalhó with Deuterocanon

¹⁰ Te oy jun vinic xmoch'oj sba jun sc'ob. Te lic sjac'beic Jesús jayibuc fariseoetic, yu'un tsq'uelic me xu' ta stabeic o smul: —¿Me xu' chijcoltavan ta sc'ac'alil ta jcux co'ntontique? —xutic.

Tzotzil Zinacantan

¹⁰ Tey jun jchiꞌiltic smochꞌoj sba sniꞌtac jun scꞌob. Tey jayvoꞌ jfariseoetic. ―¿Mi xuꞌ chichꞌ etꞌesbel xchamel ta scꞌacꞌalil ta jcuxtic ti muchꞌu ipe? ―xutic ti Jesuse yoꞌ stabeic o smul ti yalojique.

Bible in Tzotzil de Chamula

¹⁰ Ti bu taje, oy jun vinic ti pasem ta moch' ti jun sc'obe. Ti fariseoetique sc'anic ta sa'beic smul ti Jesuse, xi laj sjac'beique: —¿Mi xu' ta xich' colesel jun jchamel ta sc'ac'alil cuxob o'ntonal?

LEQUIL ACH' C'OP

¹⁰ Oy tey jun vinic smoch'oj sba jun sc'ob. Yo' stabeic o smul yalojic ti Jesuse, ja' yech isjac'beic chac li'e: ―¿Mi xu' chich' et'esbel xchamel ta sc'ac'alil ta jcuxtic ti much'u ipe? ―Xutic ti Jesuse.

Tzotzil San Andres

¹⁰ Te oy jun jchiꞌiltic ti smochꞌoj sba sbicꞌtaltac jun scꞌobe. Te oyic eꞌuc jayvoꞌ jfariseoetic jech la sjacꞌbeic li Jesúse: ―¿Mi xu chijcoltavan ta scꞌacꞌalil ta jcuxtique? ―xiic, yuꞌun tscꞌan tsaꞌbeic smul li Jesuse.

Tzotzil de Huixtán

¹⁰ Te oy jun jchi'iltic sicuben sc'ob. Lic sjaq'uic cha'vo' oxvo' ti fariseoetique, laj sjac'beic ti Jesuse: ―¿Mi stac' chijcoltavan ti sc'ac'alil ti jcux co'ntontic? ―xchiic yu'un tsc'an tsa'beic smul ti Jesuse.

San Mateo 12:10 Iomraidhean Croise

Isaías 32:6

Yu'un li boch'o bole ja' no'ox chal li sbolile; puru chopol c'usi chchapan ta yut yo'nton. Ja' no'ox tsnop tspas li c'usi chopole, xchi'uc ti chchopolc'opoj ta stojol Muc'ul Diose. Jeche' xmeymun sc'ob tsut yu'un li boch'o chlaj ta vi'nale; tsjalanbe vo' yuch' li boch'o taquin yo'ntone.

Isaías 59:13

Jbajmantaluncutic, mu'yuc tuc' co'ntoncutic ta atojol Muc'ul Dios; la jvoc' jbacutic ta atojol, vo'ot li Diosot cu'uncutique. Puru sa'c'op, puru uts'intavanej no'ox la jpascutic; puru epalc'op, puru lo'lavanej no'ox la jnop ta co'ntoncutic.

Isaías 59:4

Mu'yuc boch'o oy ta yo'nton li tuq'uil chapanele; mu'yuc boch'o tuc' chchapanvan o. Ja' no'ox spatoj yo'ntonic yu'un li puru epalc'ope, li puru lo'lavaneje; ch'iem xa xch'utic yu'un ya'yel li c'usi chopol oy ta yo'ntonique; puru sbolil yo'nton tsvoq'uesic.

Zacarías 11:17

Toj abul sba li chopol jchabichij ti chicta comel li chijetique. ¡Ac'o lajuc ta espada li sc'obe xchi'uc li sbats'isate! ¡Ac'o ste' sba o ta j'ech'el li sc'obe, xchi'uc ac'o tubuc o ta j'ech'el li jbej sate!”, xi li Diose.

San Mateo 12:2

Pero li fariseoetique laj yilic, jech laj yalbeic li Jesuse: —Q'uelavil li avajchanc'optaque, ta spasic c'usi mu stac' jpastic ta sc'ac'alil ta jcux co'ntontic —xutic.

San Mateo 19:3

Te italic ta stojol Jesús jayibuc fariseoetic, yu'un tal sq'uelic c'uxi ta xtac'ov li Jesuse. Jech la sjac'beic: —¿Me xu' ta xicta yajnil jun vinic ti c'usiuc no'ox smul ta stae? —xutic.

Marcos 3:2

Li fariseoetique la sq'uelic me ta xcoltavan ta sc'ac'alil cuxub o'ntonal li Jesuse, yu'un tsc'an ta sa'beic smul.

San Lucas 11:54

Jech smala-malaic me oy c'usi chloc' ta ye, yu'un jech xu' tstabeic o smul.

San Lucas 13:14

Li banquilal te ta nail tsobobbaile i'ilin ti c'alal icoltavan Jesús ta sc'ac'alil cuxub o'ntonale, jech laj yalbe li cristianoetique: —Oy vaquib c'ac'al xu' chij'abtejutic. Ja'o xatalic me chac'anic coltaele. Mu xatalic ta sc'ac'alil ta jcux co'ntontic —xut.

San Lucas 20:22

Albun ca'icutic c'usi lec ta jpascutic li vu'uncutique. ¿Me lec ti ta xcac'be jpatancutic li Cesare, o me mu lecuc? —xutic.

San Lucas 23:14

Jech laj yalbe: —Li vinic laj aviq'uic tal ta jtojole laj avalic ti ja' ta soques scotol li achi'iltaquique. Pero laj xa quich'be sc'op li' ta atojolic. Me jutuc mu'yuc la jtabe smul jech chac c'u cha'al smul chavalique.

San Lucas 23:2

Te c'ot stic'beic smul. Jech laj yalic: —Li vinic li'i ja' ta soques li jlumalcutique. Ta xal ti mu me xcac'be jpatancutic li Cesare, yu'un chal ti ja' muc'ta ajvalil stuque, ti ja' Cristoe —xiic.

San Juan 5:10

Li j'abteletic yu'un judioetique jech laj yalbeic li vinic ti colem xae: —Li'i ja' sc'ac'alil ta jcux co'ntontic. Mu smeloluc ti chavich' batel apope —xutic.

San Juan 5:3

Ja' te mochajtic ep jchameletic. Te oy ma'satetic, coxoetic, xchi'uc boch'otic aluben yacanic.

San Juan 7:23

Me xu' chavac'beic circuncisión ta sbec'tal jun olol ta sc'ac'alil ta jcux co'ntontic yu'un jech mu xabajbeic o smantal li Moisese, ¿c'u yu'un cha'ilinic cu'un ec ti la jcoltabe scotol sbec'tal jun vinic ta sc'ac'alil ta jcux co'ntontique?

San Juan 8:6

Pero ja' no'ox ta sq'uelbeic yo'nton li Jesuse, yu'un tsc'an tsq'uelic c'uxi ta xtac'ov yu'un xu' ta sa'beic o smul. Pero li Jesuse la scujan sba, la sts'iba banamil ta sbic'tal sc'ob.

San Juan 9:16

Oy jayibuc fariseoetic jech laj yalic: —Muc tacbiluc tal yu'un Dios li vinic chavale, yu'un mu xchabi sc'ac'alil ta jcux co'ntontic —xutic. Oy yantic jech laj yalic: —Pero ¿c'u x'elan xu' yu'un ta spas sq'uelubil stsatsal Dios li jun jpasmulile? —xiic. Jech cha'oxvoc' ic'otic li fariseoetique.