San Mateo 11:5 - Bible in Tzotzil de Chenalhó with Deuterocanon

⁵ Li ma'satetique ta xilic xa osil. Li coxoetique ta xanovic xa. Li jc'a'el chameletique icolic xa. Li boch'otic macal to'ox xchiquinique ijam xa xchiquinic. Li animaetique icha'cuxiic xa. Li me'onetique icholbat xa ya'yic li Lequil A'yeje.

Tzotzil Zinacantan

⁵ “Li maꞌsatetique xil xa sbeic. Li coxoetique lec xa chanavic. Iꞌechꞌ xa xchamelic li muchꞌutic ip ta leprae. Ijam xa xchiquinic li pacꞌchiquinetique. Li muchꞌutic chamemic xaꞌoxe ijchaꞌcuxesic xa. Li meꞌonetique icalbe xa yaꞌiic ti oy cuxlejal ta sbatel osile.

Bible in Tzotzil de Chamula

⁵ Chapbeic ya'i, ti ma'satetique jam xa ti satique. Ti coxovetique ta xanavic xa. Ti jc'a'emal-chameletique, pocbil tusbilic xa. Ti macal xchiquinique ta xa'iic xa c'oponel. Ti animaetique cha'cuxiic xa. Ti buch'u abol sbaique, yich'ic xa albel sc'oplal ti colebale.

LEQUIL ACH' C'OP

⁵ Albeic ya'i ti chilic xa osil li ma'satetique, li coxoetique lec xa chanavic, i'ech' xa xchamelic li much'utic ipic ta leprae, ijam xa xchiquinic li pac'chiquinetique, li much'utic chamemic xa'oxe icha'cuxiic xa, li me'onetique icalbe xa ya'iic ti oy xcuxlejalic ta sbatel osile.

Tzotzil San Andres

⁵ “Li maꞌsatetic toꞌoxe xilic xa osil. Li coxoetic toꞌoxe lec xa chanavic. Icolic xa li buchꞌutic tsacbilic toꞌox ta cꞌaꞌel chamele. Ijam xa schiquinic li buchꞌutic macal toꞌox schiquinique. Li buchꞌutic telelic xaꞌoxe ichaꞌcuxiic xa cuꞌun. Li meꞌonetique iꞌalbatic xa yaꞌiic ti ta xcꞌuxubinatic yuꞌun li Diose.

Tzotzil de Huixtán

⁵ “Chc'ot xa sat ma'satetic. Chanav xa mecanetic. Ichop xa xchamel ti much'u c'a'el ono'ox cha'yique. Cha'i xa c'op ti much'u maquem ono'ox xchiquinique. Icha'cuxi xa ánimaetic. Icholbatic xa ti lequil ach' c'ope ti me'onetique.

San Mateo 11:5 Iomraidhean Croise

2 Reyes 5:14

Ja' yu'un li Naamane ibat spoc sba vucub velta ta uc'um Jordán jech chac c'u cha'al i'albat yu'un li j'alc'ope. Li sbec'tale toj lec icom. Ja' jech icom jech chac c'u cha'al sbec'tal jun olol, jech icol o.

2 Reyes 5:7

C'alal la sq'uel carta li ajvalil ta Israele, la sli' sc'u', jech laj yal: —¿Me yu'un vu'un Diosun? ¿Me yu'un vu'un xu' cu'un chcac' cuxiuc, chcac' chamuc jun cristiano ti vu'un chistacbicun tal ta jcolta ta sc'a'el chamel li vinique? ¡Q'uelavilic lec, ja' no'ox tsc'an ta sa' c'u x'elan xu' chiscontrainun! —xi.

Salmos 146:8

li Muc'ul Diose tsjambe sat li ma'satetique; li Muc'ul Diose tstoy liquel li boch'otic yalemic ta lume; li Muc'ul Diose c'ux ta yo'nton li boch'otic tuc' yo'ntonique.

Salmos 22:26

Jun yo'nton chlic ve'icuc li boch'otic oy svocolique, lec chnoj xch'utic. Jech chlic yalbeic slequilal Muc'ul Dios li boch'otic ta ono'ox sa'ic li Muc'ul Diose, jech chcuxiic ep jabil.

Éxodo 4:11

Itac'ov li Muc'ul Diose: —¿Boch'o la spasbe ye li cristianoetique? ¿Me muc vu'cun jech ta jpas ti oy uma', ti oy coc, ti oy ma'sat, xchi'uc ti oy boch'o lec xil osile?

Isaías 29:18

Ta sc'ac'alil le'e li coquetique chlic jamuc xchiquinic, chlic ya'yic c'alal ch-aptabatic li c'usi ts'ibabil ta vune, jech noxtoc li ma'satetic ti oyic ta ic' osil, ti oyic ta ac'ubaltique chlic jamuc satic.

Isaías 29:19

Li boch'o toj biq'uit ch-ilatique chlic staic xcuxetel yo'ntonic ta sventa li Muc'ul Diose. Li boch'otic toj me'onic ta scotol xchi'iltaquique, chlic tse'inicuc ta sventa li Ch'ul Dios yu'un Israele.

Isaías 43:8

“Coltabicun tal li jteclum le'e. Oy satic, pero pasemic ta ma'sat; oy xchiquinic, pero pasemic ta coc.

Isaías 66:2

Yu'un vu'un cabtel scotol li c'usitic oye; vu'un la jpas scotol. “Li boch'o oy ta co'ntone ja' li boch'o biq'uit chac sbaique, ti chat yo'nton yu'un smulique, xchi'uc ti chich'ic ta muc' li jc'ope.

Zacarías 11:7

Jech te lic jq'uel li chijetic ti chapal xa sc'oplal chich'ic milele, ja' li chijetic ti abul sbaique. La jsa' cha'ch'ix jte'. Li jch'ixe “C'uxubinel” xi sbi laj cac'be; li yane “Jmoj Tsobol” xi sbi laj cac'be.

San Mateo 10:8

Coltaic jchameletic. Cha'cuxesic animaetic. Coltaic boch'o yich'ojic c'a'el chamel. Loq'uesic pucujetic ta yo'nton cristianoetic. Amotonic laj cac'boxuc, jech ta matanal me xacoltavanic ec.

San Mateo 11:4

Itac'ov li Jesuse: —Bat albeic Juan scotol li c'usitic chavilic, li c'usitic chava'yic li'i.

San Mateo 12:13

Li Jesuse jech laj yalbe li vinique: —Xach'o li ac'obe —xut. La xach' li sc'obe, ta ora ilecub jech chac c'u cha'al li jun sc'obe.

San Mateo 21:14

Te italic ta stojol Jesús ma'satetic xchi'uc coxoetic ta ch'ulna. Scotol icol yu'un li Jesuse.

San Mateo 5:3

“Xcuxet no'ox yo'nton li boch'o abul sba cha'yique, yu'un ja' chventainatic yu'un Dios.

San Mateo 9:30

Ta ora ijam li satique. Tsots laj yalbe batel mantal ti mu me boch'o xalbe ya'yique.

Marcos 7:37

Yu'un toj labal sba laj yilic li c'usi ic'ot ta pasele, jech laj yalic: “Toj lec c'usitic la spas li Jesuse. Xu' yu'un tsjambe xchiquin li coque xchi'uc tsjambe ye li uma'e”, xiic.

Marcos 9:25

C'alal laj yil Jesús ti ta stsin xa sbaic tal epal cristianoetique, laj yut loq'uel ta ora li pucuje. Jech laj yalbe: —Pucuj, vo'ot ta acoj ti pasem ta uma' li quereme xchi'uc ti maquem xchiquine; vu'un chajtacot loq'uel. Loc'an ta yo'nton li quereme. Mu xa me xa'och yan velta —xut.

San Lucas 4:18

“Li Espíritu yu'un Diose li' oy ta jtojol. Ja' yu'un la st'ujun, jech voc'bil licom ta sventa yabtel. Jech tal calbe ya'yic Lequil A'yej li boch'otic abul sbaique. Tacbilun tal ta yalel ti xu' chcolic li boch'otic ochemic ta chuquele, xchi'uc tal jambe satic li ma'satetique, xchi'uc tal jcolta li boch'otic uts'intabilique.

San Juan 10:25

Itac'ov li Jesuse: —Laj xa calboxuc, pero mu xach'unic. Laj avilic c'usitic la jpas ta sventa li Jtote, yu'un ac'o vinajuc ti ta melel vu'une.

San Juan 10:38

Pero me ja' yabtel ta jpasbe chavilique, ac'o me mu xach'unicun li vu'une, ch'unic ta sventa li cabtel ta jpase, yu'un jech chana'ic o ti li' oy ta jtojol li Jtote, xchi'uc ti oyun ta stojol eq'ue —xi li Jesuse.

San Juan 2:23

C'alal te oy ta Jerusalén ta yorail q'uin Coltael li Jesuse, ep boch'otic la xch'unic, laj yich'ic ta muc', yu'un laj yilic ti ep sq'uelubil stsatsal la spase.

San Juan 3:2

Li Nicodemoe i'ay sc'opan ta ac'ubaltic li Jesuse, jech laj yalbe: —Jchanubtasvanej, ta jna'cutic ti ta sventa Dios talemot, yu'un tal achanubtasuncutique. Yu'un li boch'o mu'yuc chi'inbil yu'un Diose, mu xu' yu'un tspas sq'uelubiltac stsatsal jech chac c'u cha'al chapase —xut.

San Juan 5:36

Li Juane ja' no'ox laj yalboxuc ava'yic jc'oplal. Pero li vu'une ta sventa cabtel ta xac'bun jpas li Jtote ja' ta svinajes ti ja' tacbilun tal yu'une.

San Juan 9:7

Jech laj yalbe: —Batan, bat poco asat ta stanqueal vo' Siloé —xut. (Li Siloee ja' tacbil, xi smelol.) Ibat li ma'sate, bat spoc tal li sate. C'alal isut tale, lec xa xil osil.

Hechos 2:22

“Jchi'iltac israeletic, a'yo ava'yic c'usi ta xcal. Li Jesús liquem tal ta Nazarete, laj avilic lec ti ja' jun vinic t'ujbil yu'un Dios ta melele, yu'un la spas tsots sq'uelubil, tsots senyail xchi'uc c'usi labalic sba ta jtojoltic ta sventa li Diose. Lec xana'ic ti ja' jeche.

Santiago 2:5

Quermanotac, vo'oxuc ti lec jc'anojoxuque, a'yo lec ava'yic. Li Diose ja' la st'uj li boch'otic me'on li' ta banamile, yu'un jech jc'ulej chc'otic ta sventa xch'unojel yo'ntonic, xchi'uc jech chich'ic c'usi yaloj Dios chac'be li boch'otic sc'anojic Diose.