San Mateo 10:6 - Bible in Tzotzil de Chenalhó with Deuterocanon

⁶ Ja' no'ox te xabatic ta stojol li jchi'iltactic ta israelale, yu'un ch'ayemic ta be jech chac c'u cha'al chijetic.

Tzotzil Zinacantan

⁶ Tey noꞌox xabatic yoꞌ bu jchiꞌiltactic ta israelale, yuꞌun coꞌolic xchiꞌuc jchꞌayel chijetic.

Bible in Tzotzil de Chamula

⁶ Ja' lec, batanic ta stojol ti israeletic ti co'ol s'elan jch'ayel chijetique.

LEQUIL ACH' C'OP

⁶ Ja' no'ox tey xabatic yo' bu li crixchanoetic ta Israelale, yu'un co'olic xchi'uc jch'ayel chijetic.

Tzotzil San Andres

⁶ Jaꞌ noꞌox te xabatic li yoꞌ bu oyic li jchiꞌiltactic ta israelale, yuꞌun chꞌayemic jech chac cꞌu chaꞌal li chijetique. Yan o be stamojic.

Tzotzil de Huixtán

⁶ Batanic ti bu oy ti jchi'iltique, ho'ucutic ti yelnich'onucutic ti Israele, yu'un ch'ayemic ti be hech chaj c'u che'el carneroetic.

San Mateo 10:6 Iomraidhean Croise

Salmos 119:176

Ch'ayemun to'ox ta be jech chac c'u cha'al chij ti ch'ayem ta bee. La' me, q'uelun, vu'un li avajtunelune, yu'un mu'yuc jch'ayoj o ta co'nton li amantaltaque.

Isaías 53:6

Yu'un jcotoltic ch'ayemutic ta be jech chac c'u cha'al ch'ayemal chijetic; la jtam batel jbe jtuctic jujunutic, pero li Muc'ul Diose ja' laj yac'be xcuch scotol li jmultique.

Jeremías 50:17

“Li israeletique ja' jech chac c'u cha'al ch'ayemal chijetic ti nutsbilic ta leonetique. Ba'yuc iti'atic yu'un li Asiriae, ja'o iti'atic yu'un li Nabucodonosor ajvalil ta Babiloniae; ja' la slajesbe c'alal ta sbaquilic.

Jeremías 50:6

“Li jteclumale ja' jechic jech chac c'u cha'al ch'ayemal chijetic ti mu'yuc lec chabibil, ti ivovijesatic ta be yu'un li jchabichijetic yu'unique. Ich'ayatic comel ta vitsetic, jech te ixanovic batel ta vitsetic. Jech ich'ay o ta yo'ntonic bu icom li scoralique.

Ezequiel 34:16

Li vu'une chbat jt'un tal li jchijtac ti ch'ayemique; chbat quiq'uic sutel tal ti bu stamojic batel yan bee. Ta jpixbeic li sc'asemalic li xtuch'emalique; ta jcoltaic ti bu alubenique. Yan li bu toj jubenic, toj tsots cha'ay sbaique, ta xcules. Li vu'une lec tuc' ta jchabi jech chac c'u cha'al tsc'an pasele.

Ezequiel 34:4

Muc xacoltaic ti bu alubenique, muc xapoxtaic ti bu oy xchamelique, muc xapixbeic ti butic tuch'emique, muc xbat aviq'uic sutel tal li boch'o la stamic batel yan bee, muc x'ay at'unic tal li boch'o ich'ayic batele. Ja' no'ox toj tsots lavuts'intaic; toj simarón laj apas abaic ta stojolic.

Ezequiel 34:6

Li jchijtaque tanpuc ibatic ta toyol vitsetic, ta tseltseltic. La spuc sbaic batel ta sbejel banamil. Mu'yuc boch'o laj yat yo'nton ta scoj; mu'yuc boch'o x'ay st'un tal.

Ezequiel 34:8

Vu'un li Avajvalicun, li Muc'ul Diosune, jech chcal ta sventa jbi: Li jchijtaque ilajic ta elc'anel; ilajic ta ti'el yu'un chonbolometic ta te'tic ta scoj ti mu'yuc xchabielique. Yu'un li jchabichijetic cu'une mu'yuc bu tsots sc'oplal laj ya'yic li jchijtaque. Ja' no'ox la xchabi sba stuquic; muc ja'uc la xchabibicun li jchijtaque.

San Mateo 18:10

“Q'uelo me abaic, mu me mu'yucuc stu chavilic junuc li ololetic li'i. Chacalboxuc ava'yic, li j'almantaletic yu'unic te ta vinajele scotol ora te chilbeic o sat li Jtot te oy ta vinajele.,

San Lucas 24:47

Ts'ibabil noxtoc ti ja' ta sbi ta xcholbat ya'yic cristianoetic ta scotol banamil ti ac'o sutes yo'ntonique, xchi'uc ti ja' ba'yuc ta xcholbat li boch'otic li' nacajtic ta Jerusalene, yu'un jech xu' tspasbat perdón yu'un smulic.

Hechos 13:46

Li Pablo xchi'uc Bernabee tsots yo'ntonic jech laj yalbeic: —Vo'oxuc li israeloxuque, oy ta aventaic ti ba'yuc ta jcholcutic ava'yic li sc'op Diose. Pero ta sventa ti mu'yuc ta aventaic chavich'ic li ach' cuxlejal sventa sbatel osile, ja' yu'un li' ta orae ja' te chibatcutic ta stojol li yanlum cristianoetic mu xotquinic Diose.

Hechos 18:6

Pero li israeletique lic scontrainic, lic chopolc'optaic. Jech te la slilin sc'u' ta stojolic, jech laj yalbe: —Te chacuch comel atuquic li amulique. Li vu'une mu'yuc jmul. Tana li'i ja' te chibat ta stojol li yanlum cristianoetic ti mu xotquinic Diose —xut.

Hechos 26:20

Ba'yuc laj calbe ya'yic li boch'otic te nacajtic ta Damascoe. Ts'acal bat calbe ya'yic li boch'otic te nacajtic ta Jerusalén xchi'uc ta scotol Judea banamile. Ts'acal bat calbe ya'yic li yanlum cristianoetic ti mu xotquinic Diose, yu'un jech ac'o sutes yo'ntonic, ac'o suticuc tal ta stojol li Diose, jech xu' chlic spasic c'usi lec ta sventa ti sutem xa yo'ntonique.

Hechos 3:26

Ja' yu'un c'alal la stac tal li Yajtunel Diose, ba'yuc li' la stac tal ta atojolic yu'un jech ac'o avich'ic li bendicione, jech xu' chasutes avo'ntonic yu'un li amulique”, xi li Pedroe.

1 Pedro 2:25

Yu'un li vo'oxuque ja' to'ox jechoxuc jech chac c'u cha'al ch'ayemal chijetic, pero li' ta orae lasutic tal ta stojol li Jchabivaneje. Ja' xa ta xchabioxuc jech chac c'u cha'al jchabichij, ja' xchabioj li acuxlejalique.