San Mateo 10:3 - Bible in Tzotzil de Chenalhó with Deuterocanon

³ xchi'uc Felipe, Bartolomé, Tomás xchi'uc Mateo ti jtsobpatan to'oxe, xchi'uc Santiago xnich'on Alfeo, xchi'uc Lebeo,

Tzotzil Zinacantan

³ Xchiꞌuc Felipe, xchiꞌuc Bartolomé, xchiꞌuc Tomás, xchiꞌuc voꞌon li Mateo jbie ti jcꞌan-locꞌ-cꞌusiticucon toꞌoxe. Xchiꞌuc otro jun Jacobo screm Alfeo. Xchiꞌuc Lebeo, li Tadeo sbi noxtoque.

Bible in Tzotzil de Chamula

³ Ti Felipee Ti Bartolomee Ti Tomase Ti Mateoe, ti jc'an-patan-taq'uin to ox sventa Romae. Ti Jacoboe, xnich'on ti Alfeoe. Ti Lebeoe, Tadeo ti yan sbi xtoque.

LEQUIL ACH' C'OP

³ Xchi'uc Felipe, xchi'uc Bartolomé, xchi'uc Tomás, xchi'uc Mateo ja' ti jc'an-loc'-c'usiticuc to'oxe. Xchi'uc otro jun Jacobo screm Alfeo. Xchi'uc Lebeo, ti Tadeo sbi noxtoque.

Tzotzil San Andres

³ Schiꞌuc Felipe, schiꞌuc Bartolomé, schiꞌuc Tomás, schiꞌuc joꞌon li Mateoun ti jtsobpatanun toꞌoxe. Schiꞌuc li otro jun Jacobo, jaꞌ snichꞌon Alfeo. Schiꞌuc Lebeo li Tadeo schaꞌmojol sbie.

Tzotzil de Huixtán

³ Xchi'uc yan, Felipe sbi, xchi'uc yan, Bartolomé sbi. Xchi'uc yan, Tomás sbi, xchi'uc ho'on ti Mateoune, ho'on ono'ox ti jtsobpatanune. Xchi'uc yan, Jacobo sbi, ja' snich'on Alfeo. Xchi'uc yan, Lebeo sbi. Oy chib sbi. Tadeo yan sbi.

San Mateo 10:3 Iomraidhean Croise

San Mateo 18:17

Me mu sc'an xa'ibe sc'opique, alo ta tsobajel yu'un jch'unolajeletic. Me mu xa'ibe sc'op li jch'unolajeletique, comtsanic jech chac c'u cha'al yan cristiano ti mu xotquin Diose, o jech chac c'u cha'al jtsobpatan.

San Mateo 27:56

Te oy noxtoc li María liquem tal ta Magdalae, xchi'uc li yan Mariae, ja' li sme'ic Santiago xchi'uc Josee, xchi'uc li sme'ic xnich'nab Zebedeoe.

San Mateo 9:9

C'alal ijelov batel li Jesuse, laj yil jun vinic te chotol ta xchotleb bu ta xac' spatan li cristianoetique, Mateo sbi. Jech i'albat yu'un li Jesuse: —Ts'aclinun batel —x'utat. Jech ta ora ilic, la xchi'in batel li Jesuse.

Marcos 15:40

Te oy jayibuc antsetic ta sq'uelic tal ta nom. Ja' te oy li María liquem tal ta Magdalae, xchi'uc Salomé, xchi'uc yan María, ja' li sme'ic José xchi'uc its'inal Santiagoe.

Marcos 2:14

C'alal chanov batele, laj yil li Leví xnich'on Alfeoe, te chotol ta xchotleb yo' bu ta xac' spatanic li cristianoetique. Li Jesuse jech laj yalbe: —Ts'aclinun batel —xut. Jech ta ora la xchi'in batel li Jesuse.

Marcos 3:18

Xchi'uc la st'uj Andrés, Felipe, Bartolomé, Mateo, Tomás, xchi'uc yan Santiago xnich'on Alfeo, xchi'uc Tadeo, xchi'uc yan Simón ja' ti laj to'ox xchi'in Zeloteetique,

San Lucas 18:10

“Oy chib viniquetic bat sc'opanic Dios ta ch'ulna. Li june ja' fariseo; li yane ja' jtsobpatan.

San Lucas 18:11

Li fariseoe te c'ot sva'an sba ti c'alal la sc'opan Diose, jech laj yal: ‘Dios, colavalbun ti mu jechuc co'nton jech chac c'u cha'al li yan cristianoetique. Yu'un li stuquique ta x'elc'ajic, mu'yuc tuc' yo'ntonic, ta xmulivajic. Mu jechuc co'nton noxtoc jech chac c'u cha'al li jtsobpatan li'i.

San Lucas 18:13

Yan li jtsobpatane nom no'ox va'al icom. Mu sc'an stoy sat ta vinajel. Ja' no'ox la smajilan sna yo'nton, jech la sc'opan Dios: ‘Dios cu'un, c'uxubinun, yu'un jpasmulilun’, xut.

San Lucas 19:2

Oy jun vinic te ta lum Jericó, Zaqueo sbi. Ja' banquilal yu'un jtsobpatanetic. Lec jc'ulej li vinique.

San Lucas 5:27

C'alal jech ic'ot ta pasele, iloc' batel li Jesuse. Te laj yil jun jtsobpatan, Leví sbi. Te chotol ta xchotleb yo' bu ta xac' spatan li cristianoetique. Li Jesuse jech laj yalbe: —Ts'aclinun batel —xut.

San Juan 1:48

Li Natanaele jech la sjac'be li Jesuse: —¿C'uxi laj avotquinun? —xut. Itac'ov li Jesuse: —Ja'o laj cotquinot ti c'alal te to'ox oyot ta yolon higo, ti c'alal mu'yuc to'ox chbat yic'ot tal li Felipee —xut.

San Juan 11:16

Jech laj yal li Tomase, ja' ti loin xi sc'oplale: —Batic ec, co'ol ac'o chamcutic jchi'uctic li Jesuse —xi.

San Juan 14:22

Jech laj yal li Judase, pero mu ja'uc li Judas Iscariotee: —Cajval, ¿c'u yu'un ti vu'uncutic no'ox chavac' aba ta ilel ta jtojolcutique? ¿C'u yu'un mu xavac' aba ta ilel ta stojol ec li cristianoetique? —xut.

San Juan 14:5

Li Tomase jech laj yal: —Cajval, mu jna'cutic bu chabat. ¿C'uxi xu' ta jna'becutic bu xbat sbelal? —xut.

San Juan 14:9

Li Jesuse jech laj yalbe: —Ep xa c'ac'al li' jchi'inojoxuc. ¿Me mu to xavotquinun, Felipe? Li boch'otic laj xa yilicune laj xa yilic o li Jtote. ¿C'u yu'un chavalbun: ‘Ac'bun cotquincutic li Jtotic Diose’, xachi?

San Juan 21:2

Te jmoj tsobolic li Simón Pedroe, xchi'uc li Tomás ti loin xi sc'oplale, xchi'uc li Natanael liquem ta lum Caná ta Galilea banamile, xchi'uc te oyic li chib xnich'nab Zebedeoe, xchi'uc yan chib xchi'ilic ta abtel.

Hechos 1:13

C'alal ic'otic ta Jerusalene, te i'ochic ta na ti bu xch'amanojique; imuyic batel ta xcha'cojal jolna. Ja' li Pedro, Juan, Santiago, Andrés, Felipe, Tomás, Bartolomé, Mateo, xchi'uc li yan Santiagoe, ja' li xnich'on Alfeoe, xchi'uc Simón, ja' ti xchi'inoj to'ox zeloteetique, xchi'uc Judas, ja' li xnich'on Santiagoe.

Hechos 12:17

Li Pedroe la spas sc'ob ti ac'o ch'an xiicuque. Jech te lic yalbe ya'yic c'u x'elan iloq'uesat ta chuquel yu'un li Cajvaltique. Jech laj yal noxtoc: —Albo ya'yic Santiago xchi'uc yantic quermanotactic li c'usi ic'ot ta pasele —xi. Jech iloc' batel, ibat ta yan lum.

Hechos 15:13

C'alal ilaj yo'ntonic ta lo'ile, lic c'opojuc ec li Santiagoe: —Jchi'iltac, a'yo ava'yic c'usi ta xcal.

Hechos 21:18

Ta yoc'omal bat jchi'incutic li Pabloe, yu'un bat jc'opancutic li Santiagoe. Te tsobol scotolic xchi'uc jcholc'opetic c'ot jtacutic.

Gálatas 1:19

Mu'yuc bu laj quil yantic jcholc'opetic. Ja' no'ox te laj cotquin li Santiagoe, ja' li xchi'il Cajvaltique.

Gálatas 2:9

C'alal laj yilic c'u x'elan cabtel ac'bilun yu'un Dios li Santiago xchi'uc Pedro xchi'uc Juan ti ja' jech ilbilic jech chac c'u cha'al mero yoyale, la stsacbun jbats'ic'obcutic jchi'uc li Bernabee. Ja' svinajeb ti jchi'il jbacutic ta abtel jcotolcutique. Vu'un chituncutic o ta stojol li yanlum cristianoetique. Jech ec li stuquique ja' te chtunic o ta stojol li boch'otic yich'ojic circuncisione.

Santiago 1:1

Vu'un Santiagoun,, vu'un yajtunelun Dios xchi'uc li Cajvaltic Jesucristoe. Chabanuc chacalboxuc tal vo'oxuc li lajcha'chop sts'unubaloxuc Israel ti butic puquemoxuc batel ta yantic banamile.

Judas 1:1

Vu'un Judasun, yajtunelun li Jesucristoe, yits'inun li Santiagoe, chabanuc chacalboxuc tal vo'oxuc ti ic'biloxuc yu'un Jtotic Diose, ti c'anbiloxuc yu'une, xchi'uc ti chabibiloxuc yu'un Cajvaltic Jesucristoe.