San Mateo 10:2 - Bible in Tzotzil de Chenalhó with Deuterocanon

² Li sbiic lajchab yajtacbolaltac Jesuse ja' li'i: Li sbae ja' Simón ti Pedro xchibal sbie; xchi'uc Andrés, ja' yits'in li Pedroe; xchi'uc Santiago xchi'uc yits'in, Juan sbi; ja' xnich'nab li Zebedeoe,

Tzotzil Zinacantan

² Li jbiticotique jaꞌ liꞌi: Li muchꞌu baꞌyi itꞌujee Simón. Pedro li xchaꞌpꞌelel sbie. Xchiꞌuc Andrés, jaꞌ yitsꞌin li Pedroe. Xchiꞌuc Jacobo xchiꞌuc yitsꞌin Juan sbi, li scremotic Zebedeoe.

Bible in Tzotzil de Chamula

² Xi s'elan sbiic ti lajcha'vo' yajchanc'optaque: Ti Simone, Pedro ti yan sbie. Ti Andrese, xchi'il sbaic ta voq'uel xchi'uc ti Pedroe. Ti Jacoboe, ti Juane, xchi'il sbaic ta voq'uel ti ja' xnich'nabtac ti Zebedeoe.

LEQUIL ACH' C'OP

² Li sbiic li lajchavo' (12) apoxtoletique ja'ic li'i: Li much'u ba'yi it'ujee ja' li Simone, Pedro li xcha'p'elel sbie. Xchi'uc Andrés, ja' yits'in li Pedroe. Xchi'uc Jacobo xchi'uc yits'in Juan sbi, ja' scremotic li Zebedeoe.

Tzotzil San Andres

² Jaꞌ jbicutic liꞌi: Li buchꞌu baꞌi itꞌujee jaꞌ Simón li Pedro schaꞌmojol sbie. Schiꞌuc Andrés, jaꞌ yitsꞌin li Pedroe. Schiꞌuc Jacobo schiꞌuc yitsꞌin li Juan sbie, jaꞌ snichꞌnab li Zebedeoe.

Tzotzil de Huixtán

² Ja' hech jbitutic ti lajchavo'untutique, ho'ontutic ti yajchanc'opuntutique. Ja' jbael ti Simone, ja' ti Pedro x'utate, xchi'uc ti Andrese, ja' ti yits'in ti Pedroe. Xchi'uc ti Jacoboe, ja' ti snich'on ti Zebedeoe, xchi'uc ti yits'in ti Jacoboe, ja' ti Juane.

San Mateo 10:2 Iomraidhean Croise

San Mateo 17:1

C'alal i'ech' xa'ox vaquib c'ac'ale, li Jesuse laj yic' batel Pedro xchi'uc Santiago xchi'uc Juan, yits'in Santiago. Stuquic no'ox laj yic' muyel ta jun toyol vits.

San Mateo 20:20

Te ital ta stojol Jesús li sme'ic xnich'nab Zebedeoe; vul squejan spatan sba ta stojol, yu'un oy c'usi ta sc'anbe.

San Mateo 26:37

Laj yic' batel Pedro xchi'uc li chib xnich'nab Zebedeoe. Te lic yat yo'nton li Jesuse; toj yan sba yo'nton laj ya'ay.

San Mateo 4:18

C'alal te chanov batel ta ti'ti' nab li Jesuse, te laj yil chib viniquetic xchi'il no'ox sbaic ta voq'uel. Li june Simón sbi, ja' Pedro xchibal sbi. Li yane Andrés sbi. Te ta stic' snuti'ic ta nab yu'un ja' jtsacchoyetic.

San Mateo 4:21

C'alal ijelov batel li Jesuse, te laj yil yan chib viniquetic xchi'il no'ox sbaic ta voq'uel noxtoc; ja' xnich'nab Zebedeo. Santiago sbi li june; Juan sbi li yane. Te tic'ajtic ta yut tenalte' canova xchi'uc stotic; te ta slut'ilan snuti'ic. I'ic'atic yu'un li Jesuse.

Marcos 1:29

C'alal iloq'uic batel ta nail tsobobbail li Jesuse, te ibat xchi'uc Santiago xchi'uc Juan ta sna Simón xchi'uc Andrés.

Marcos 13:3

Li Jesuse te bat chotluc ta vits Olivatic ta stuq'uil ch'ulna. Li Pedro xchi'uc Santiago xchi'uc Juan xchi'uc Andrese stuquic xa jech la sjac'beic li Jesuse:

Marcos 6:30

Li yajchanc'optac Jesuse isutic tal ta spasel li yabtelique. Vul yalbeic Jesús scotol li c'usitic la spasique xchi'uc ti c'u x'elan ichanubtasvanique.

San Lucas 11:49

“Ja' yu'un li Diose ta sventa sbijil jech laj yal: ‘Ta jtac batel j'alc'opetic xchi'uc cajtacbolaltac ta stojolic. Oy ta xlic smilic; oy ta xlic yuts'intaic’, xi ono'ox.

San Lucas 22:14

C'alal yorail xa chve'ique, te ichotiic ta ti'mexa xchi'uc yajchanc'optac li Jesuse.

San Lucas 22:8

li Jesuse la stac batel Pedro xchi'uc Juan. Jech laj yalbe batel: —Batanic, bat meltsanic li ch'ium chij jti'tic ta sventa q'uin Coltaele —xut.

San Lucas 5:10

Jech ixi'ic ec li Santiago xchi'uc Juane, ja' li xnich'nab Zebedeoe; ja' li xchi'iltac ta abtel Simone. Li Jesuse jech laj yalbe li Simone: —Mu me xaxi'. Li' ta orae ta jelbot avabtel; cristiano xa chbat asa'bun tal —xut.

San Lucas 9:10

C'alal isutic batel li yajtacbolaltac Jesuse, c'ot yalbeic scotol li c'usitic la spasique. Li Jesuse laj yic' batel li yajtacbolaltaque; la svoc' sbaic batel ta lum Betsaida.

San Juan 12:22

Ja' yu'un li Felipee bat yalbe li Andrese. Jech xchibalic xa bat yalbeic li Jesuse.

San Juan 13:23

Oy jun yajchanc'op Jesús ti lec ono'ox sc'anoje, te ts'e'el ta sts'el ta ti'mexa.

San Juan 20:2

Jech isut tal ta anil, tal yalbe li Simón Pedroe xchi'uc yan yajchanc'op ti lec c'anbil yu'un li Jesuse: —Laj xa yich'beic batel sbec'tal li Cajvaltique. Mu jna'tic bu laj yaq'uic —xi vulel.

San Juan 21:2

Te jmoj tsobolic li Simón Pedroe, xchi'uc li Tomás ti loin xi sc'oplale, xchi'uc li Natanael liquem ta lum Caná ta Galilea banamile, xchi'uc te oyic li chib xnich'nab Zebedeoe, xchi'uc yan chib xchi'ilic ta abtel.

San Juan 21:20

C'alal ijoyij li Pedroe, laj yil te nabal batel ta spat li jun xchi'il ti lec sc'anoj sbaic xchi'uc Jesuse, ja' li boch'o te ts'e'el ta sts'el Jesús c'alal ive'ic ta sventa q'uine, xchi'uc ti la sjac'be Jesús boch'o junucal ta x'ac'van ta c'abale.

San Juan 21:24

Li boch'o chc'opoj li'i ja' laj yal scotol li c'usitic ic'ot ta pasele, xchi'uc ja' la sts'iba. Ja' testigo stuc, ja' yu'un ta jna'tic ti melel scotol li c'usi laj yale.

San Juan 6:67

Li Jesuse jech la sjac'be li lajchabique: —¿Me chasutic batel ec li vo'oxuque? —xut.

San Juan 6:70

Itac'ov li Jesuse: —Vu'un la jt'ujoxuc li lajchaboxuque, pero oy jun ti ja' ventainbil yu'un pucuje —xi.

San Juan 6:71

Ja' laj yalbe sc'oplal li Judas Iscariote xnich'on Simone, yu'un ja' ta x'ac'van ta c'abal. Ja' jun li lajchab yajchanc'op Jesuse.

San Juan 6:8

Jech i'albat yu'un yan yajchanc'op, ja' li Andrés, yits'in Simón Pedroe:

Hechos 1:13

C'alal ic'otic ta Jerusalene, te i'ochic ta na ti bu xch'amanojique; imuyic batel ta xcha'cojal jolna. Ja' li Pedro, Juan, Santiago, Andrés, Felipe, Tomás, Bartolomé, Mateo, xchi'uc li yan Santiagoe, ja' li xnich'on Alfeoe, xchi'uc Simón, ja' ti xchi'inoj to'ox zeloteetique, xchi'uc Judas, ja' li xnich'on Santiagoe.

Hechos 1:26

Te lic spasic canal tajimol. Ja' ic'ot ta stojol li Matiase. Jech ic'ot o ta xchi'ilic li buluchibique.

Hechos 12:2

Laj yal mantal ti ac'o milatuc ta espada li Santiago, sbanquil Juane.

Hechos 3:1

Li Pedro xchi'uc Juane ibatic ta ch'ulna ta oxib ora sts'ebujel c'ac'al yu'un bat sc'opanic Dios.

1 Corintios 15:7

Ts'acal laj yac' sba ta ilel ta stojol li Santiagoe. Ts'acal laj yac' sba ta ilel ta stojol scotol li yajtacbolaltaque.

Efesios 4:11

Ja' laj yac'be yabtel jujun li xnich'nabe. Oy laj yac'be yabtel sventa chc'ot ta yajtacbolal, oy la stic' ta j'alc'opetic, oy laj yac'be yabtel sventa tspuquic batel sc'op Dios, oy la stic' ta jchabivanejetic, xchi'uc ta jchanubtasvanejetic.

Hebreos 3:1

Ja' yu'un, jchi'iltac, vo'oxuc ti lecubtasbiloxuc xae, ti ic'biloxuc xa sventa cha'ochic ta vinajel eq'ue, ja' me xanopilanic li Jesús ti itacat tale, ja' li Banquilal Pale cu'untique, ja' li boch'o jch'unojtique.

1 Pedro 1:1

Vu'un Pedroun, yajtacbolalun li Jesucristoe, chabanuc chacalboxuc tal, vo'oxuc ti te puquemoxuc batel ta Ponto, ta Galacia, ta Capadocia, ta Asia, xchi'uc ta Bitinia banamile.

2 Pedro 1:1

Vu'un Simón Pedroun, vu'un yajtunelun xchi'uc yajtacbolalun li Jesucristoe, chabanuc chacalboxuc tal, vo'oxuc ti ach'unojic xa Cajvaltique, ja' ti toj jun yutsil jech chac c'u cha'al jch'unojcutique. Ti Jech la jch'untique, ja' ta sventa ti tuc' c'usi tspas li Diose xchi'uc li Jcoltavanej cu'untique.

2 Juan 1:1

Vu'un jcholc'opun, ta jc'opanot tal achi'uc li avalabe, vo'oxuc ti t'ujbiloxuc yu'un Diose. Ta melel lec jc'anojoxuc. Ma'uc no'ox vu'un ti lec jc'anojoxuque. Ja' jech sc'anojoxuc noxtoc li boch'otic laj xa xch'unic li sc'op Dios ti ja' melele.

3 Juan 1:1

Vu'un jcholc'opun, chabanuc chacalbot tal Gayo, vo'ot ti lec jc'anojot ta melele.

Apocalipsis 1:1

Li'i ja' li c'usitic i'ac'bat sna' yu'un Dios li Jesucristo ti po'ot xa chc'ot ta pasele, yu'un jech chijyac'butic jna'tic ec vu'utic ti chijtunutic yu'une. Jech la stac tal yaj'almantal, tal yac'be sna' li yajtunel Juane.

Apocalipsis 1:9

Vu'un Juanun, jchi'il jbatic, co'ol chquich'tic vocol ta sventa li Jesucristoe, xchi'uc co'ol oy ta jventatic ta jchi'intic ta pasmantal, xchi'uc co'ol chcuch cu'untic li vocole. Li vu'une li' ay yaq'uicun ta jun biq'uit banamil cacal ta nab, Patmos sbi. Li' chuculun ta scoj li sc'op Diose, xchi'uc ta scoj ti laj calbe sc'oplal li Jesucristoe.

Apocalipsis 18:20

Pero li vo'ote vinajel, cuxetuc no'ox avo'nton ti jech chc'ot ta pasele. Vo'oxuc ti voc'biloxuc yu'un Diose, vo'oxuc li jcholc'opoxuc yu'une, vo'oxuc li yaj'alc'opoxuque, cuxetuc no'ox avo'ntonic, yu'un i'ac'bat xa stojic yu'un Dios ti c'u x'elan la spasboxuque.

Apocalipsis 22:8

Vu'un li Juanune, laj ca'ay, laj quil scotol. C'alal laj ca'ay, laj quil scotole, la jquejan jba ta stojol li j'almantal ti laj yac'bun quil scotole, yu'un chquich' ta muc'.