San Lucas 9:41 - Bible in Tzotzil de Chenalhó with Deuterocanon

⁴¹ Li Jesuse jech laj yal: —Toj abul abaic vo'oxuc ti li' cuxuloxuc ta orae. Mu xac'an xach'unic, solel ch'ayemoxuc. Ep xa c'ac'al li' jchi'inojoxuc; ep xa la jts'icboxuc ti c'u xa'elanique —xut. Jech laj yalbe li vinique: —Ic'o tal li anich'one —xut.

Tzotzil Zinacantan

⁴¹ ―¿Mi mu to bu achꞌunojic yaꞌel ti oy syuꞌel ti Rioxe cheꞌe? ¿Cꞌu to onox ora chachꞌunic yaꞌel ti voꞌne xa liꞌ jchiꞌucoxuque, ti jal xa lajtsꞌicbeique? ―xꞌutatic la slajchavaꞌalic yuꞌun ti Jesuse. ―Icꞌo tal lacreme ―xꞌutat la ti vinique.

Bible in Tzotzil de Chamula

⁴¹ Xi laj stac' ti Jesuse: —Jeche'oxuc, mu'yuc atuq'uilic, mu'yuc c'otem ta avo'ntonic ta xch'unel. ¿C'u ono'ox sjalil ta sc'an li' oyun ta atojolic ti mu jts'icbaj ta xca'i avu'unique? Ic'bun talel ti anich'one.

LEQUIL ACH' C'OP

⁴¹ Itac'av ti Jesuse: —¡Toj abol abaic vo'oxuc ti li' cuxuloxuc lavie, yu'un mu to bu ach'unojic, yu'un ja' no'ox lec chava'iic spasel li c'usi chopole! ¿C'u to ono'ox sjalil chac'anic ti li' jchi'ucoxuque, c'u to sjalil chajts'icbeic ti avalojique? —X'utatic yu'un ti Jesuse. Ic'o tal lacreme ―x'utat ti vinique.

Tzotzil San Andres

⁴¹ Li Jesuse jech laj yal: ―Toj tsots avoꞌonic, mu xacꞌan xachꞌunic. Oy xa scꞌacꞌalil liꞌ jchiꞌucoxuque pero muc to bu chcꞌot ta avoꞌonic. Oy xa scꞌacꞌalil la jtsꞌicboxuc li cꞌu abaique ―xi. Jech laj yalbe li vinique: ―Icꞌo talel la anichꞌone ―xut.

Tzotzil de Huixtán

⁴¹ Itac'av ti Jesuse, hech laj yal: ―Mu'yuc xch'unojel avo'ntonic chquil. Boliben avo'ntonic ho'oxuc ti li'oyoxuc li' ti balumil ti ora to. Ep xa c'ac'al li' jchi'inojoxuque. Ep c'ac'al jts'icojboxuc sbolil avo'ntonic ―xut ti crixchanoetique―. Ic'o tal ti anich'one ―x'utat ti vinique, xchi ti Jesuse.

San Lucas 9:41 Iomraidhean Croise

2 Reyes 5:8

C'alal laj ya'ay j'alc'op Eliseo ti la sli' sc'u' ta sventa carta li ajvalile, jech laj yalbe batel: “¿C'u yu'un ti laj ali' ac'u'e? Li' ac'o taluc ta jtojol li vinique, jech tsna' ti oy jun yaj'alc'op Muc'ul Dios li' ta Israele”, xut batel.

Salmos 78:8

Jech mu xchanic jech chac c'u cha'al li smoltot syame'ic ta vo'one, ti jtoybaetic, ti jbajmantaletique, ti muc scotoluc yo'ntonic laj yac' sbaic ta stojol li Diose, ti muc junuc yo'ntonic ta stojole.

Éxodo 10:3

Jech li Moisés xchi'uc Aarone ibatic ta stojol li faraone. Jech laj yalbeic: —Jech chayalbot li Muc'ul Diose, ja' li Dios yu'un hebreoetique: ‘¿Baq'uin to chabic'tajes aba ta jtojol? Coltabun batel li jteclum cu'une yu'un chbat yich'icun ta muc'.

Éxodo 16:28

Ja' yu'un li Muc'ul Diose jech laj yalbe li Moisese: —¿Baq'uin to chlic ach'unic li jmantaltaque xchi'uc li c'usitic yan calojboxuque?

Jeremías 4:14

Jerusalén, ac'o ta poquel li sbolil avo'ntone, ja' no'ox jech xu' chacol. ¿Baq'uin to chaloq'ues ta atojol li c'usi chopol ta nopele?

Números 14:11

Li Muc'ul Diose jech laj yalbe li Moisese: —¿Baq'uin to chlic lecubuc yo'ntonic ta jtojol li cristianoetic li'i? ¿Baq'uin to chlic xch'unic lec?, yu'un ep xa sq'uelubil jtsatsal la jpas ta stojolic.

Números 14:27

—¿Baq'uin to xu' chlaj ts'icumal cu'un ta stojol li achi'iltac ta israelal ti ep ta xchopolc'opojic ta jtojole? Yu'un ca'yoj ti ep c'usi chopol chalic ta jtojole.

San Mateo 11:28

La'ic ta jtojol acotolic, vo'oxuc ti lubenoxuc yu'un li tsatsal abtele xchi'uc li alal icatsile, vu'un ta xcac' acux avo'ntonic.

San Mateo 12:39

Itac'ov li Jesuse: —Li chopol cristianoetique xchi'uc ti mu junuc yo'ntonique tsc'an ta sq'uelic sq'uelubil. Pero mu'yuc ta x'ac'bat yilic. Ja' no'ox ta x'ac'bat yilic jech chac c'u cha'al ic'ot ta pasel ta stojol li j'alc'op Jonase.

San Mateo 12:45

Jech chbat sa' tal yan vucub xchi'iltac ti bu x'ech' to xchopolilique. Scotol chtal ochicuc ta yo'nton li vinique, te chnaquiic o. Li vinique yo'to ech'em tsoc batel jech chac c'u cha'al ta ba'yuque. Ja' jech chc'ot ta pasel ta atojolic ec, vo'oxuc ti li' to oyoxuc ta banamil ta orae —xi li Jesuse.

San Mateo 16:4

Li boch'otic chopol yo'ntonic, xchi'uc ti mu junuc yo'ntonic ta stojol Diose, tsc'an ta sq'uelbeic sq'uelubil. Pero mu x'ac'bat yilic. Ja' no'ox ta x'ac'bat yilic jech chac c'u cha'al ic'ot ta pasel ta stojol li j'alc'op Jonase —xut. Li Jesuse te la scomtsan, iloc' batel.

San Mateo 17:17

Li Jesuse jech laj yal: —Vo'oxuc ti li' oyoxuc ta orae, mu xac'an xach'unic, solel ch'ayemoxuc. Ep xa c'ac'al li' jchi'ucoxuc. Ep xa c'ac'al la jts'icboxuc ti c'u xa'elanique. Iq'uic tal li quereme —xi.

San Mateo 23:36

Melel chacalboxuc, scotol le'e, vo'oxuc chacuchinic, vo'oxuc ti li' oyoxuc ta banamil ta orae.

San Mateo 3:7

C'alal laj yil Juan ti ep fariseoetic xchi'uc saduceoetic bat sc'anic ich' vo'e, jech laj yalbe: “Li vo'oxuque ja' achi'ilic orachon. ¿Me chac'an chajatovic ta anil ta sventa li stojol mulil ta xtale?

Marcos 10:14

C'alal laj yil Jesús ti ta spajesvanic li yajchanc'optaque, chopol laj ya'ay. Jech laj yalbe: —Ac'o talicuc ta jtojol li ololetique; mu me xapajesic. Yu'un li boch'otic ja' jechic jech chac c'u cha'al ololetique ja' chventainatic yu'un Dios.

Marcos 10:49

Iva'i li Jesuse, laj yal mantal ti ac'o yiq'uic tale. Jech laj yiq'uic tal, jech laj yalbeic: —Mu xavat avo'nton. Lican, chayic'ot li Jesuse —xutic.

Marcos 9:19

Itac'ov li Jesuse: —Toj tsots avo'ntonic, vo'oxuc ti li' oyoxuc ta banamile mu xac'an xach'unic. Ep xa c'ac'al li' jchi'inojoxuc, ep xa c'ac'al la jts'icboxuc ti c'u xa'elanique. Iq'uic tal li quereme —xi.

San Lucas 8:25

Li Jesuse jech laj yalbe li yajchanc'optaque: —¿Bu oy li xch'unojel avo'ntonique? —xut. Toj ch'ayel ic'ot yo'ntonic, xchi'uc toj xi'el ic'otic. Jech laj yalbe sbaic: —¿Boch'o vinical li'i? Yu'un c'alal ta ic', c'alal ta nab tspas ta mantal, pero ch'unbil smantal —xut sbaic.

San Lucas 9:40

Laj xa jc'anbe vocol avajchanc'optac ti ac'o sloq'uesic li pucuje, pero muc xloc' yu'unic —xut.

San Lucas 9:42

C'alal inoch'aj tal li quereme, ta ora ijipat ta lum yu'un li pucuje, itu'pbat yic'. Li Jesuse laj yut loq'uel li chopol pucuje, jech icol o li quereme. Li Jesuse laj yac'be ta sc'ob stot li quereme.

San Juan 14:9

Li Jesuse jech laj yalbe: —Ep xa c'ac'al li' jchi'inojoxuc. ¿Me mu to xavotquinun, Felipe? Li boch'otic laj xa yilicune laj xa yilic o li Jtote. ¿C'u yu'un chavalbun: ‘Ac'bun cotquincutic li Jtotic Diose’, xachi?

San Juan 20:27

Li Jesuse jech laj yalbe li Tomase: —Q'uelavil li jc'obe, ac'o ac'ob li'i. Tic'o ac'ob noxtoc li' ta jxocone. Mu me xapas ta tsots avo'nton; paso aba ta mero jch'unolajel —x'utat.

Hechos 13:18

Cha'vinic (40) jabil its'icbat sbolil yo'ntonic yu'un Dios te ta xocol banamil.

Hechos 2:40

Oy to ep c'usi yan laj yal li Pedroe. Jamal laj yalbe c'usi tsc'an ac'o spasic, jech laj yalbe: —Voc'o me abaic ta stojol li cristianoetic ti toj chopolique —xi.

Romanos 2:4

¿Me yu'un mu xava'ibe smelol li c'uxubinel yu'un Diose, li smuc'ul yo'ntone, xchi'uc li slequil yo'ntone? Na'o me, ta sventa toj lec yo'nton ti tsc'an ac'o asutes avo'ntone.

Deuteronomio 32:5

“Chopol cristianoetic, bol cristianoetic, vo'oxuc ti laj avaq'uic ta na'leel li Diose, ‘mu snupin ti ja' xnich'nab Dios’, xi ac'oplalique.

Hebreos 3:19

Jech chquiltic ti ja' ta scoj tsots yo'ntonic ti jech muc x'ochic o ti bu sc'oplal chcux yo'ntonique.

Hebreos 4:11

Ja' yu'un oyuc ta co'ntontic chij'och ti bu sc'oplal ta jcux co'ntontique. Yu'un jech mu'yuc boch'o chc'ot ta stojol cu'untic jech chac c'u cha'al ic'ot ta stojol li jbajmantaletique.

Hebreos 4:2

Yu'un li vu'utique ca'yojtic xa ec li Lequil A'yej jech chac c'u cha'al laj ya'yique, pero li c'usi laj ya'yique muc xtun yu'unic; muc xac' ta yo'ntonic.

Hebreos 7:25

Jech xu' yu'un lec ts'acal tscolta sbatel osil li boch'otic chnopajic batel ta stojol Dios ta sventae, yu'un cuxul o sbatel osil, jech te chc'opoj o cu'untic ta stojol li Diose.