San Lucas 8:8 - Bible in Tzotzil de Chenalhó with Deuterocanon

⁸ Oy jaybej ic'ot ta lequil banamil. Lec ich'i, laj yac' lec sat. Laj yac' vo'vinic (100) ta bej li jujubej bec' trigoe”, xi li Jesuse. C'alal laj yal jech li Jesuse, tsots lic c'opojuc, jech laj yal: “Li boch'o oy xchiquine ac'o snopbe smelol”, xi.

Tzotzil Zinacantan

⁸ Oy jlom ta lequil balamil icꞌot. Lec ichꞌi, ibeqꞌuin. Li jpꞌej trigoe iyacꞌ cien li sbeqꞌue ―xi la. Ti cꞌalal laj yal chac taje, tsots la icꞌopoj. ―Voꞌoxuc ti avaꞌiic cꞌusi icale, nopbeic smelol ―xꞌutatic la yuꞌun ti Jesuse.

Bible in Tzotzil de Chamula

⁸ Oy jlom un c'ot ta lequil banomil, lec ch'i talel. Laj yac' lec sat, ti loc' vo'vinic (100) ta bej sat ti jujupets ts'unobale. Xi to laj sts'ac batel lo'il a'yej ti Jesús ti tsots lic c'opojuque: —Ti buch'u oy xchiquine, sts'etanuc lec ta ya'yiel.

LEQUIL ACH' C'OP

⁸ Oy jlom ta lequil balamil ic'ot; lec ich'i, ibeq'uin, iyac' cien sbec' ta jutec'.» Tsots ic'opoj ti Jesuse ja' yech iyal chac li'i: «¡Ti much'utic oy xchiquinique ac'u ya'iic!» —Xi.

Tzotzil San Andres

⁸ Oy jaypꞌej icꞌot ta lequil balumil. Lec ichꞌi, lec isatin. Laj yacꞌ joꞌvinic (100) ta pꞌej li jupꞌej becꞌ trigoe ―xi li Jesuse. Cꞌalal laj yal jech li Jesuse, tsots lic cꞌopojuc. Jech laj yal: ―Li joꞌoxuc ti avaꞌiic li cꞌusi laj cale, nopbeic lec smelol ―xꞌutatic yuꞌun li Jesuse.

Tzotzil de Huixtán

⁸ Oy ic'ot sat strigo ti lequil lum. Lec ich'i. Lec laj yac' sat. Ho'vinic ti p'ej laj yac' sat ―xchi. C'alal hech laj yal ti Jesuse, tsots ic'opoj. Hech laj yal: ―Nopilanic lec hech chaj c'u che'el laj xa calboxuc ―xchi.

San Lucas 8:8 Iomraidhean Croise

Génesis 26:12

Li Isaaque ep c'usitic lic sts'un. Lec laj yac' sat li c'usitic la sts'une, yu'un i'ac'bat bendición yu'un li Muc'ul Diose.

Proverbios 20:12

Li jchiquintic sventa chca'itic c'ope xchi'uc li jsatic sventa chquiltic o osile ja' la spas stuc li Muc'ul Diose.

Proverbios 8:1

Li bijubtasele ta x'avan; li tojobtasele tsots xc'opoj.

Jeremías 13:15

Israeletic, mu me xatoy abaic, yu'un laj xa sc'opanoxuc li Muc'ul Diose; a'ibeic lec li sc'ope.

Jeremías 25:4

Li Muc'ul Diose la staquilanboxuc tal yajtuneltac, ja' li j'alc'opetic yu'une. Mu'yuc ono'ox la xquechan staquilanel tal, pero li vo'oxuque muc xach'unic, me jutuc muc xavich'ic ta muc' li c'usi laj yalique.

San Mateo 11:15

Li boch'o oy xchiquine ac'o snopbe lec smelol.

San Mateo 13:23

Yan li bec' trigo ic'ot ta lequil banamile, ja' senyail li boch'otic cha'yic li sc'op Diose, ti cha'ibeic lec smelole, jech ta xac' lec sat. Oy ta xac' vo'vinic (100) ta bej, oy ta xac' oxvinic (60) ta bej, oy ta xac' lajuneb xcha'vinic (30) ta bej jujulic”, xi li Jesuse.

Marcos 4:20

Li bec' trigo ic'ot ta lequil banamile ja' li boch'otic cha'yic sc'op Dios ti chc'ot lec ta yo'ntonique. Jech lec chac' sat. Oy ta xac' lajuneb xcha'vinic (30) ta bej; oy ta xac' oxvinic (60) ta bej; oy ta xac' vo'vinic (100) ta bej”, x'utatic yu'un li Jesuse.

Marcos 4:23

Boch'o oy xchiquin ac'o snopbe lec smelol”, x'utatic yu'un li Jesuse.

Marcos 4:8

Oy jaybej ic'ot ta lequil banamil. Toj lec ich'i, toj lec ibat, jech lec laj yac' sat. Oy laj yac' lajuneb xcha'vinic (30) ta bej; oy laj yac' oxvinic (60) ta bej; oy laj yac' vo'vinic (100) ta bej li jujulique”, xi.

San Lucas 14:35

Mu xa xyaxubtas o banamil, xchi'uc mu xa xtun sventa tsc'a'es c'usitic chtun ta sventa xyaxal banamil. Jipel xa chbat o. Boch'o oy xchiquin ac'o snopbe smelol”, xi li Jesuse.

San Lucas 8:15

Yan li bec' trigo ic'ot ta lequil banamile, ja' li boch'otic scotol yo'nton ta xch'unic sc'op Diose, ti chc'ot lec ta yo'ntonique, ti jun yo'nton chch'unic oe, jech lec ta satinic.

San Lucas 8:7

Oy jaybej ic'ot ta ch'ixtic. Co'ol ich'i xchi'uc li ch'ixe, inet'at; jech te ic'oxib o.

Efesios 2:10

Yu'un ja' stuc la spasutic, ja' laj yac' ayincutic ta sventa li Cristo Jesuse, yu'un ac'o jpastic c'usitic lec. Yu'un jech ono'ox chapal yu'un Dios tsc'an ta jpastic.

Colosenses 1:10

Yu'un jech xu' lec tuc' chaxanovic ta sventa ti oyoxuc ta stojol li Cajvaltique, jech xu' chapasic li c'usitic lec chile. Jech lec tsatin batel li lequil abtel chapasique, jech chach'iic batel ta yotquinel li Diose.

Apocalipsis 13:9

Li boch'o oy xchiquine, ac'o ya'ibe lec smelol:

Apocalipsis 2:11

Li boch'o oy xchiquine ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole mu xbat yich' vocol ta xchibal velta lajel, xayutoxuc li Cajvaltique’, uto”, xiyutun.

Apocalipsis 2:7

Li boch'o oy xchiquine, ac'o ya'ibe smelol c'usi ch-albat yu'un Ch'ul Espíritu li jujutsob jch'unolajeletique. Li boch'o tstsal yu'un scotole ta xcac'be slo'ic li sat te' sventa cuxlejal sbatel osile, ja' ti te oy ta o'lol ts'unubaltic yu'un Diose, xayutoxuc li Cajvaltique’, uto”, xiyutun.

Apocalipsis 3:13

Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.

Apocalipsis 3:6

Li boch'o oy xchiquine, ac'o ya'ibe smelol c'usi chal Ch'ul Espíritu ta stojol li jujutsob jch'unolajeletique, xayutoxuc li Cajvaltique’, uto”, xiyutun.