San Lucas 8:47 - Bible in Tzotzil de Chenalhó with Deuterocanon

⁴⁷ Li antse laj yil ti mu xu' nac'al chcom li c'usi la spase, jech ital ta stojol li Jesuse; xt'elt'un xa ta xi'el tal squejan sba ta stojol. Jamal laj yalbe smelol ta stojol scotol cristianoetic c'u yu'un ti la spicbe sc'u'e, xchi'uc ti ta ora imac o li xchamele.

Tzotzil Zinacantan

⁴⁷ Ti antse mu ox la scꞌan xvinaj ti yaloje. Ti cꞌalal iyaꞌi ti ivinaj xae, xtꞌeltꞌon xa la ta xiꞌel. Tey la ta oꞌlol crixchanoetic isquejan la sba ta yichon ti Jesuse, jaꞌo la isnijan sba ta balamil noxtoc. Jamal la iyalbe ti ta scoj chamel ti ispicbe spimilcꞌuꞌe, ti jaꞌ ilecub o ti cꞌalal ispique.

Bible in Tzotzil de Chamula

⁴⁷ C'alal laj yil ti ants ti mu'yuc xa c'usi xut snac' sbae, xnicnun xa ta xi'el tal squejan sba ta yoc ti Jesuse. Jamal laj yal ta sba ta sat scotol ti c'u cha'al laj spicbe sc'u' ti Jesuse, xchi'uc ti ta jech yepal colem icom yu'un ti xchamele.

LEQUIL ACH' C'OP

⁴⁷ Ti antse iyac' cuenta ti mu xa stac' snac'sbae, xt'elt'on xa ta xi'el, ba squejan sba ta yoc ti Jesuse. Ta bail ta satil iyal ta jamal ti c'u yu'un ti ispic ti Jesuse, xchi'uc ti c'u x'elan i'ech' xchamel ti c'alal ista ta piquele.

Tzotzil San Andres

⁴⁷ Li antse, cꞌalal iyil ti snaꞌoj Jesús li cꞌusi la spase, xtꞌeltꞌun xa ta xiꞌel tal spatan sba ta balumil ta stojol li Jesuse. Jamal laj yalbe ti cꞌu chaꞌal la spicbe li spuychije. Iyaꞌiic scotol li crixchanoetic ti jech laj yal li antse: ―Cꞌalal jech la jpase, licol o ta ora ―xi.

Tzotzil de Huixtán

⁴⁷ Hech yu'un c'alal laj yil ti antse ti laj xa sna' ti Jesuse ti hech laj spase, toj xi'el ic'ot. Hech yu'un tal spatan sba ti lum ti stojol ti Jesuse. Jamal laj yalbe ti c'usi sventail ti laj spique. ―Yu'un ti hech laj jpase, hech nicol avu'un ti ora ―xchi. Te yabinoj scotol ti crixchanoetique.

San Lucas 8:47 Iomraidhean Croise

Salmos 2:11

Tunanic me yu'un li Muc'ul Diose, ich'ic me ta muc'; biq'uit me xavac' abaic ta stojol.

Salmos 38:9

Cajval, xavotquin scotol li c'usitic ta jc'ane; mu'yuc macal ta asat li c'usi ta jic' co'nton yu'une.

Salmos 66:16

La'ic acotolic, vo'oxuc ti chaxi'ic yu'un li Diose; ta xcal ava'yic c'usi la spas ta jtojol li Diose.

Isaías 66:2

Yu'un vu'un cabtel scotol li c'usitic oye; vu'un la jpas scotol. “Li boch'o oy ta co'ntone ja' li boch'o biq'uit chac sbaique, ti chat yo'nton yu'un smulique, xchi'uc ti chich'ic ta muc' li jc'ope.

Oseas 13:1

C'alal chc'opoj to'ox li Efraine, lec to'ox xi'bil; solel lec ich'bil ta muc' yu'un li yantic israeletique. Pero c'alal la sa' smul li Efraine, c'alal laj yich' ta muc' li Baale, icham.

Oseas 5:3

Li Efraine lec xcotquin; li Israele lec jna' c'u x'elan oy. Li Efraine xco'laj xchi'uc mulivajem ta jtojol; li Israele sbolibtasoj xa sba”, xi li Muc'ul Diose.

Habacuc 3:16

C'alal laj ca'ye lixi', xnechnun xa ta xi'el li yanal quee. Solel i'alub li cacane, mu xa xu' xiva'i; i'alub scotol noxtoc li jbec'tale. Jech te xa no'ox ta jmala ca'ay c'usi ora ch-ac'bat svocolic yu'un Dios li j'uts'intavanejetic cu'uncutique.

San Mateo 28:8

Li antsetique ta ora iloq'uic ta vombil ton. Ta xi'el xchi'uc ta xcuxetel yo'ntonic ibat yalbeic li yajchanc'optac Jesuse.

Marcos 5:33

Li antse ta xnic xa ta xi'el, yu'un sna' ti ja' la spase. Jech la squejan sba ta stojol li Jesuse. Jamal laj yalbe scotol.

San Lucas 8:46

Li Jesuse jech laj yal: —Pero oy boch'o la spicun, yu'un laj ca'ay ti i'abtej jtsatsale —xi.

San Lucas 8:48

Li Jesuse jech laj yalbe: —Tseb, lacol xa ta sventa xch'unojel avo'nton. Junuc avo'nton batan —xut.

Hechos 16:29

Li jchabichuquinabe la sc'an sc'oc'. I'och batel ta anil ta yut chuquinab. Xt'elt'un xa ta xi'el la spatan sba ta stojol li Pablo xchi'uc Silase.

1 Corintios 2:3

C'alal te oyun ta atojolique, mu'yuc jtsatsal laj ca'ay. Linic ta xi'el.

2 Corintios 7:15

Ech'em to chasc'anoxuc li Tito c'alal cht'ab ta yo'nton ti lec xach'unic c'usi chavich'ic albele, xchi'uc ti c'u x'elan lec ch'ambil ic'ot avu'unic c'alal ic'ot ta atojolique, ti lec laj avich'ic ta muq'ue.

Filipenses 2:12

Ja' yu'un vo'oxuc ti lec jc'anojoxuque, lec laj ach'unic ti c'alal te jchi'ucoxuque. Pero mu me ja'uc no'ox, ech'em to me jech xach'unic ti c'alal nom oyune. Ja'uc me batem ta avo'ntonic xapasbeic yabtelal li coltael ataojique, tsotsuc me sc'oplal chava'yic, xi'anic me yu'un li Diose.

Hebreos 12:28

Ja' yu'un, vu'utic ti sc'oplal te ta jpastic mantal ti bu mu sna' xlaje, tsc'an ac'o jtojbetic ta vocol li Diose. Yutsiluc co'ntontic ac'o jpastic c'usi tsc'an, yu'un jech lec chil li Diose. Ac'o quich'tic lec ta muc' ta scotol co'ntontic.

1 Samuel 16:4

Li Samuele la spas c'usi i'albat yu'un li Muc'ul Diose. C'alal ic'ot ta Belene, te ital nupatuc ta be yu'un li moletic te ta lume, pero ta xi'el italic. Jech la sjac'beic: —¿Me tal apatbun co'ntoncutic? —xutic.