San Lucas 8:3 - Bible in Tzotzil de Chenalhó with Deuterocanon

³ Te oy ec li Juanae, ja' li yajnil Chuza ti chchabibe c'usitic oy yu'un li ajvalil Herodese. Te oy ec li Susanae, xchi'uc ep yantic antsetic. Ja' la smac'linic li Jesuse; stuc la sbainic scotol.

Tzotzil Zinacantan

³ Tey la li Juana uque, li yajnil Chuzae. Li Chuzae jaꞌ la xchabiojbe sna li covierno Erodese. Tey la li Susana uque xchiꞌuc la yan antsetic. Jaꞌ la imacꞌlinatic li lajchavoꞌe xchiꞌuc ti Jesuse. Li antsetique isloqꞌues la stuquic li veꞌlile.

Bible in Tzotzil de Chamula

³ Jech ec xchi'inojic batel ti Juanae, yajnil ti Chuza, jun vinic ti yich'oj ta sventa ti c'usi x'ayan yu'un ti ajvalil Herodese, ti Susana eque, xchi'uc yan antsetic ti ta scomon-tsobic ti c'usitic oy yu'unique yo' ta scoltaic ti Jesuse.

LEQUIL ACH' C'OP

³ xchi'uc li Juanae, ja' li yajnil Chuzae, li Chuzae ja' ti much'u scuentainojbe to'ox c'usuc yu'un ti Erodese; tey noxtoc ti Susanae; tey noxtoc yan antsetic ti chcoltavanic xchi'uc li c'usuc yu'unique.

Tzotzil San Andres

³ Te oy eꞌuc li Juanae, jaꞌ yajnil jun vinic Chuza sbi. Li Chuzae jaꞌ yichꞌojbe ta venta sna li ajvalil Herodese. Te oy eꞌuc li Susanae schiꞌuc oy ep yan antsetic li la smacꞌlanic Jesús schiꞌuc li yajchanbalajeltaque. Pero stuquic la sloqꞌuesic li veꞌlil li antsetique.

Tzotzil de Huixtán

³ Te xchi'inoj uc ti Juanae, ja' ti yajnil ti Chuzae. Ti Chuzae ja' yich'oj yabtel te ti sna ti ajvalile, ja' ti Herodese. Te xchi'inoj uc ti Susanae xchi'uc ep yan antsetic ti laj smac'linic ti Jesuse. Stuquic laj yaq'uic ti ve'elil ti antsetique.

San Lucas 8:3 Iomraidhean Croise

1 Crónicas 29:14

Mu'yuc c'usi oy cu'un jtuccutic jchi'uc jchi'iltac ti xu' jech ta yutsil co'ntoncutic chcac'cutic amotonine yu'un ja' avu'un scotol. Ja' no'ox chacac'botcutic ec li c'usi avac'ojbuncutique.

Isaías 23:18

Pero ti c'u yepal tspas canale, ja' voc'bil sventa Muc'ul Dios chc'ot, muc teuc no'ox tsnac', muc teuc no'ox tstsob, ja' chlic stunesic li boch'otic te chtunic o ta stojol Muc'ul Diose yu'un jech tsman o ep sve'elic, xchi'uc tsmanic o lequic sc'u' spoq'uic.

San Mateo 14:1

Ta sc'ac'alil le'e, li Herodes ti yich'oj ta venta Galileae ja'o yorail laj ya'ay c'usitic ta spas li Jesuse.

San Mateo 14:3

Yu'un li Herodese ja' ono'ox la stac ta tsaquel li Juane, laj yal mantal ti ac'o chucatuc ta cadenae, la stic' ta chuquel ta scoj li Herodiase, ja' li yajnil yits'ine ja' li Felipee.

San Mateo 14:6

Ts'acal to la spas q'uin sventa bu ora ivoc' li Herodese. Li stseb Herodiase te lic ac'otajuc ta stojol scotol li boch'otic te oyique. Li Herodese toj lec laj yil.

San Mateo 2:11

C'alal i'ochic ta nae, te laj yilic li olole xchi'uc li sme'e, ja' li Mariae. La squejan sbaic ta stojol li olole; laj yich'ic ta muc'. La sjamic li matanale; laj yac'beic smoton li olole, ja' c'anal taq'uin, xchi'uc pom, xchi'uc muil poxil.

San Mateo 20:8

“C'alal yu'un xa'ox chch'ay c'ac'ale, jech laj yalbe yaj'abtel li ajvalile: ‘Ic'o tal scotol li jvinictac ta abtele; ac'bo stojolic. Ja' ba'yuc xavac'be stojol li boch'otic ts'acal ivulique, xquechet xatoj batel; ja' ta slajeb ac'o c'otuc li boch'otic ba'yuc ivule’, xut.

San Mateo 25:40

Vu'un li muc'ta Ajvalilune jech ta jtac'beic: ‘Melel li c'usi chacalboxuque, ta sventa ti jech laj apasbeic li jchi'iltac ti biq'uit ch-ilatique vu'un laj apasbicun o ic'ot’, chcut.

San Mateo 26:11

Yu'un li me'onetique scotol c'ac'al li' achi'uquic. Yan li vu'une mu scotoluc c'ac'al li' achi'inojicun.

San Mateo 27:55

Te oy ep antsetic ta sq'uelic tal ta nom. Ja' li antsetic ti lic ono'ox xchi'inic ta xanubal Jesús ta Galilea banamile ti la smac'linique.

San Lucas 24:10

Li antsetic ti bat yalbeic yajchanc'optac Jesuse, ja' María liquem tal ta Magdala, xchi'uc Juana, xchi'uc yan María sme' Santiago, xchi'uc yan antsetic te xchi'inojic.

San Juan 12:6

Ti jech laj yal li Judase, mu yu'unuc ja' tsc'an ta xc'uxubin li me'onetique. Yu'un li stuque ja' j'elec'. Yu'un ja' xchabioj li yavil jtaq'uincutique, jech te ono'ox ta xelc'an li taq'uin te tiq'uile.

Hechos 13:1

Li jtsob jch'unolajeletic ta Antioquiae oy j'alc'opetic xchi'uc jchanubtasvanejetic yu'unic. Ja' Bernabé, xchi'uc Simón ti Negro xchibal sbie, xchi'uc Lucio voq'uem ta Cirene, xchi'uc Manaen ti co'ol ts'itesbil ich'iic xchi'uc li ajvalil Herodese, xchi'uc li Sauloe.

2 Corintios 8:9

Yu'un xavotquinbeic xa c'u x'elan slequil yo'nton li Cajvaltic Jesucristoe. Li stuque toj c'ulej, pero la spas sba ta me'on, yu'un jech vu'utic la yac'butic jc'ulejaltic.

Filipenses 4:22

Chabanuc xayalboxuc tal scotol li yu'untac Dios li'i. Ja' toj tsots chayalboxuc tal chabanuc scotol li boch'otic te ch-abtejic ta sna ajvalil Cesare.

1 Timoteo 5:10

xchi'uc ti lec sc'oplalic ta sventa yabtelique: me la sts'ites lec yalabic, me i'ic'van ochel ta snaic, me oy la spocbeic yacan li yu'untac Diose, me oy la scoltaic li boch'otic oy svocole, xchi'uc me oy c'usitic yan lec la spasique.