San Lucas 8:29 - Bible in Tzotzil de Chenalhó with Deuterocanon

²⁹ Ti jech laj yal li pucujetique, yu'un albilic xa'ox yu'un Jesús ti ac'o loq'uicuc ta yo'nton li vinique, yu'un vo'one xa jech oy svocol yu'unic li vinique. Ac'o me la xchucbeic yoc sc'ob ta cadena, pero la xtuch'an li cadenae, xchi'uc ic'bil chbat ta xocol banamil yu'un li pucujetique.

Tzotzil Zinacantan

²⁹ Ti xꞌelan iyale, yuꞌun la iyal xaꞌox ti Jesuse ti acꞌu locꞌuc pucuj ta yoꞌone. Ep toꞌox la ta echꞌel iꞌilbajinat yuꞌun pucuj ti vinique. Ti crixchanoetique ixchucbeic toꞌox la yoc scꞌob ta carina, pero ituchꞌ la yuꞌun. Tsuje toꞌox la echꞌel ta xocol balamil yuꞌun ti pucuje.

Bible in Tzotzil de Chamula

²⁹ Ti jech laj yal taje, yu'un ti Jesuse yacal xa ta stac loq'uel ti pucujetic ti oy ta stojole. Ti vinique ep xa ta coj ilbajine yu'un ti pucuje. Manchuc mi ta xchucbat ta carina taq'uin yoc sc'ob yu'un ti jnaclejetic yo' mu xjatav batele, naca xtuch' no'ox yu'un jatviltasbil ta xbat ta xocol banomil yu'un ti pucuje.

LEQUIL ACH' C'OP

²⁹ Ti x'elan iyale, yu'un iyal xa'ox ti Jesuse ti ac'u loc'uc li pucuj ta yo'on li vinique. Ep ta ech'el i'ilbajinat; ti crixchanoetique ixchucbeic yoc sc'ob ta carina, pero ituch' yu'un, tsocbat sjol yu'un ti pucuje ti ac'u jatavuc ech'el ta xocol balamile.

Tzotzil San Andres

²⁹ Ti jech iyalic li pucujetique, yuꞌun albatemic xa yuꞌun Jesús ti acꞌo loqꞌuicuc ta yoꞌon li vinique. Yuꞌun ep xa ta velta jech laj yilbajinic li vinic li pucujetique. Li crixchanoetique la schucbeic ta carena taqꞌuin li yoc scꞌobe yoꞌ jech mu xmajvan o, pero ta xtuchꞌ yuꞌun. Ta xꞌiqꞌue batel ta taqui jamaltic yuꞌun li pucujetique.

Tzotzil de Huixtán

²⁹ Ti c'alal lic spatan sba ti lum ti vinique, laj xa spas ti mantal ti pucujetique ti Jesuse. Laj xa yal ti ac'o loc'uc ti yo'nton ti vinique ti pucujetique. Yu'un oy xa ep c'ac'al ti hech i'ilbajinat yu'un. Ti vinique chchuquilanat ti cadenataq'uin yu'un mu me xmajvan. Ixojbat ti sc'ob ixojbat ti yacan yu'un hech ichucat. Manchuc mi pasbil ti taq'uin yu'un chchucat, laj stuch'ilan. Hech i'iq'uilanat batel ti xocol balumil yu'un ti pucujetique.

San Lucas 8:29 Iomraidhean Croise

Marcos 5:8

Yu'un jech xa'ox i'albat yu'un li Jesuse: —Pucuj, loc'an batel ta yo'nton li vinique —x'utat.

San Lucas 8:28

C'alal laj yil Jesús li vinique, tal squejan sba ta stojol, tsots i'avan jech laj yal: —¿C'usi tal apas li' ta jtojolcutic? Jesús Xnich'on Dios ta vinajel. Avocoluc mu me xavac'bun jvocol —xut.

San Lucas 8:30

Li Jesuse jech la sjac'be: —¿C'usi abi? —xut. Itac'ov: —Legionun —xi. Ti jech laj yale, yu'un toj ep li pucujetic te ochemique.

San Lucas 9:39

Yu'un ta x'uts'intaat yu'un jun pucuj. Ta x'avan, ta xtu'p yic', ta xvocan ye. Mu scomtsanat, solel te tsacbil o.

San Lucas 9:42

C'alal inoch'aj tal li quereme, ta ora ijipat ta lum yu'un li pucuje, itu'pbat yic'. Li Jesuse laj yut loq'uel li chopol pucuje, jech icol o li quereme. Li Jesuse laj yac'be ta sc'ob stot li quereme.