San Lucas 8:25 - Bible in Tzotzil de Chenalhó with Deuterocanon

²⁵ Li Jesuse jech laj yalbe li yajchanc'optaque: —¿Bu oy li xch'unojel avo'ntonique? —xut. Toj ch'ayel ic'ot yo'ntonic, xchi'uc toj xi'el ic'otic. Jech laj yalbe sbaic: —¿Boch'o vinical li'i? Yu'un c'alal ta ic', c'alal ta nab tspas ta mantal, pero ch'unbil smantal —xut sbaic.

Tzotzil Zinacantan

²⁵ ―¿Mi mu to bu achꞌunojic yaꞌel ti voꞌon tsots jyuꞌele? ―xꞌutatic la. Más to la ixiꞌic. Xchꞌayet xa la yoꞌonic. ―¿Muchꞌu li vinic liꞌi ti jliquel ispajes li iqꞌue, ti ivaxi yuꞌun li nabe? ―xut xa la sbaic.

Bible in Tzotzil de Chamula

²⁵ Xi laj yalbe yajchanc'optac ti Jesuse: —¿Bu bat avu'unic ti oy c'usi c'otem ta avo'ntonic ach'unojicune? Ta xi'el xa ti xi lic sjac'olanbe sbaic ta jujun tale, ja' ti ch'ayal no'ox c'ot yo'ntonic xchi'uque: —¿Buch'u van ti vinic xcal le'e, ti ta xch'unbat smantal yu'un ti iq'ue, ti nabe?

LEQUIL ACH' C'OP

²⁵ Ti Jesuse, xi iyalbe li yajchanc'optaque: —¿Bu ibat li xch'unojel avo'onique? ―Xut. Li stuquique toj ch'ayel ic'ot yo'onic xchi'uc toj xi'el ic'otic, ja' yech iyalbe sbaic chac li'i: ―¿Much'u li vinic li'i ti tspas ta mantal li iq'ue xchi'uc li nabe ti ivaxi yu'une? ―Xut sbaic.

Tzotzil San Andres

²⁵ Li Jesuse jech laj yalbe li yajchanbalajeltaque: ―Muc to bu achꞌunojic lec ―xut. Toj chꞌayel noꞌox yoꞌonic, ixiꞌic. Jech laj yalbe sbaic: ―¿Cꞌu nan chaꞌal li vinic liꞌi? Yuꞌun cꞌalal ta icꞌ, cꞌalal ta nab chpaj yuꞌun ―xut sbaic.

Tzotzil de Huixtán

²⁵ Ti Jesuse hech laj yalbe: ―¿C'u sapas xchi'uc ti xch'unojel avo'ntonique? ¿C'u yu'un chaxi'ic? ―xut. Hech ich'ay yo'ntonic ti yajchanc'opetique. Hech laj yalbe sbaic: ―¿Much'u ti vinic li'to ti ich'umbat smantal yu'un ti iq'ue xchi'uc ti nabe? Ti ora no'ox ipaj yu'une ―xut sbaic.

San Lucas 8:25 Iomraidhean Croise

Proverbios 30:4

¿Me oy boch'o ayem tal ta vinajel ti ts'acal iyal tale? ¿Boch'o xu' yu'un tstsac ta sc'ob li iq'ue? ¿Boch'o xu' yu'un chchup ta sc'u' li nabe? ¿Boch'o laj yac'be sti'iltac li banamile? ¿Me xu' chavalbicun c'usi sbi xchi'uc c'usi sjol sbi?

Proverbios 8:29

xchi'uc c'alal laj yalbe lec mantal nabetic ti mu me xjelovic ti bu albilic chpajique, xchi'uc ti c'alal mu'yuc to'ox pasbil snacleb li banamile.

San Mateo 14:31

Li Jesuse ta ora la stsacbe sc'ob li Pedroe. Jech laj yalbe: —¡Mu'yuc to lec xch'unojel avo'nton! ¿C'u yu'un chlo'ilaj avo'nton? —xut.

San Mateo 17:20

Itac'ov li Jesuse: —Ja' ta scoj ti mu'yuc to lec ach'unojique. Melel li c'usi chacalboxuque, me oy xa xch'unojel avo'ntonic jech chac c'u cha'al biq'uit bec' moztasae, xu' avu'unic jech chavalbeic li vits li'i: ‘Loc'an batel li'i, batan le'e’, me xavutique, ta xbat avu'unic. Mu'yuc c'usi ti mu xu' avu'unique.

San Mateo 6:30

Li ts'i'laletique lec c'upilic sba xyaxal, pero ta yoc'omal no'oxe taquinic xa'ox, ta xa'ox xich' chiq'uel ta c'oc'. ¡Buuc xa li vo'oxuque toj tsots ac'oplalic, jech ech'em to jech chaxc'uxubinoxuc li Diose! Pero mu to jechuc ach'unojic.

San Mateo 8:10

C'alal jech laj ya'ay li Jesuse, ch'ayel ic'ot yo'nton. Jech laj yalbe li boch'otic te xchi'inoje: —Melel li c'usi chacalboxuque, mu'yuc to bu jech jtaoj junuc jchi'iltic ta israelal ti oy lec xch'unojel yo'nton jech chac c'u cha'al li vinic li'i.

San Mateo 8:26

Itac'ov li Jesuse: —¿C'u yu'un chaxi'ic? Mu'yuc to lec xch'unojel avo'ntonic —xi. Ilic li Jesuse; la spajes li iq'ue xchi'uc li nabe. Jech ich'abi o scotol.

Marcos 4:35

C'alal ich'ay xa'ox c'ac'ale, jech laj yalbe yajchanc'optac li Jesuse: —Jelovcutic batel ta jot nab —xut.

San Lucas 12:28

Li nichimetique toj c'upil sba ac'bil yu'un li Diose, pero ta yoc'omal xcha'ejale taquinic xa'ox, ta xa'ox xich' chiq'uel ta c'oc'. Li vo'oxuque ech'em to jech chaxc'uxubinoxuc li Diose. Pero mu'yuc xch'unojel avo'ntonic.

San Lucas 8:24

La stijic ta ora li Jesuse, jech laj yalbeic: —¡Jchanubtasvanej, Jchanubtasvanej, ta xa xijcham! —xutic. Ilic li Jesuse, la spajes li iq'ue xchi'uc li nabe; jech ich'abi, solel xch'ijan icom.

San Lucas 8:26

Te ic'otic ta jot nab ta yosilal gerasaetic ti sq'ueloj sbaic xchi'uc Galilea banamil ta jot nabe.

San Juan 11:40

Li Jesuse jech laj yalbe: —Laj xa calbot ti me chach'une, chavilbe slequilal li Diose —xut.