San Lucas 8:24 - Bible in Tzotzil de Chenalhó with Deuterocanon

²⁴ La stijic ta ora li Jesuse, jech laj yalbeic: —¡Jchanubtasvanej, Jchanubtasvanej, ta xa xijcham! —xutic. Ilic li Jesuse, la spajes li iq'ue xchi'uc li nabe; jech ich'abi, solel xch'ijan icom.

Tzotzil Zinacantan

²⁴ Istijic la ti Jesuse. ―Jchanubtasvanej, ta xa me xichamotic ―xutic la. Ilic la ti Jesuse, ispajes la li iqꞌue, ivaxi la yuꞌun li nabe.

Bible in Tzotzil de Chamula

²⁴ Va'i un, tije yu'un ti yajchanc'optac ti xi laj yalbeique: —Jchanubtasvanej, Jchanubtasvanej, ta xa xijmut'ijotic. Va'i liquel ti Jesuse. Ta jbel no'ox sc'op laj spajes ti iq'ue, ti nabe, sts'ijlajan com scotol.

LEQUIL ACH' C'OP

²⁴ Yech'o un ba stijic ti Jesuse, ja' yech iyalbeic chac li'i: ―¡Jchanubtasvanej! ¡Jchanubtasvanej! Ta xa me xichamotic chimucotic xa me yalel―xutic. Ilic ti Jesuse, iyalbe ti ac'u vaxiuc li iq'ue xchi'uc li nabe, ipaj scotol mu xa c'u xbac' icom.

Tzotzil San Andres

²⁴ Li Jesuse itije yuꞌun li yajchanbalajeltaque. Jech laj yalbeic: ―Jchanubtasvanej, ta xa xijmuquij yalel ta yut nab ―xiic. Ilic li Jesuse, la spajes li iqꞌue schiꞌuc li nabe, jliquel ichꞌab ta ora.

Tzotzil de Huixtán

²⁴ Ti yajchanc'opetique laj stijic ti Jesuse. Hech laj yalbeic: ―Maestro, chijch'ay xa ti ho' ―xutic. Ilic ti Jesuse, laj spajes ti iq'ue xchi'uc ti nabe. Hech ipaj yu'un ti iq'ue xchi'uc ti nabe. Hech ilamaj scotol.

San Lucas 8:24 Iomraidhean Croise

Salmos 65:7

Vo'ot chapajes ti c'alal chlic ta vo'etel, ti c'alal chlic ta yuc'lajetel li nabetique, xchi'uc vo'ot chapajes ti c'alal xvochlajetic no'ox li cristianoetique.

Isaías 50:2

¿C'u yu'un ti mu junuc boch'o la jta ti c'alal litale? ¿C'u yu'un ti mu'yuc boch'o itac'ov ti c'alal li'ic'vane? ¿Me yu'un chanopic ti mu xu' cu'un chajcoltaoxuque? ¿Me yu'un chanopic ti mu xu' cu'un chajpojoxuc sutel tale? Li vu'une ta jbel no'ox jc'op xu' ta jtaquijes li nabe; xu' ta jc'atajes ta taqui banamil li uc'umetique. Jech te chc'a'ic o li choyetique; te chchamic o ta taqui-o'nal ta scoj ti mu'yuc ya'lele.

Jeremías 5:22

Jech chcal vu'un li Muc'ul Diosune: ¿Me mu'yuc chaxi'ic cu'un ta melel? ¿Me mu'yuc chaniquic jutuc ta jtojol? ¿Me mu xana'ic ti vu'un laj cac' li yi'tic ta ti'ti' nab sventa sts'aquil bu c'alal chpaj li nabe? Le'e ja' sts'aquil comen o cu'un. Ac'o me tsots ta syuq'uilan sba, ac'o me toyolic no'ox xvil, pero mu ono'ox xjelov batel.

Nahúm 1:4

Me ta sibtas li nabe, ta x'ul, jech ta x'ul scotol li uc'umetique. Li ts'i'laletic ta Basán, ta vits Carmeloe ta xtaquij scotol; li nichimetic ta Libanoe ta smats' scotol.

San Mateo 14:30

Pero c'alal laj yil c'u x'elan li iq'ue, ixi'. C'an xa ochuc yalel ta yut nab. Jech laj yapta li Jesuse: —Cajval, coltaun —xut.

San Mateo 8:25

Itijat yu'un li yajchanc'optaque, jech laj yalbeic: —Cajval, coltauncutic yu'un li' xa chijcham —xutic.

Marcos 4:39

Ilic li Jesuse. La spajes li iq'ue xchi'uc li nabe. Jech laj yalbe: —Ch'abian, pajan —xut. Jech ta ora ich'abi o li iq'ue; bats'i lec lamal icom scotol.

San Lucas 4:35

Li Jesuse la spajes li pucuje, jech laj yalbe: —Ch'anchan, loc'an batel ta yo'nton li vinique —xut. Li pucuje la sjip ta lum li vinique, jech iloc' batel. Me jutuc mu'yuc c'usi ipasbat li vinique.

San Lucas 4:39

Li Jesuse la snijan sba yo' bu mochol li antse; la spajesbe li sc'ac'ubele. Jech ta ora ich'abi li sc'ac'ubele. Ta ora ilic li antse, lic mac'linvanuc.

San Lucas 5:5

Itac'ov li Simone: —Jchanubtasvanej, sbejel ac'ubal laj cac'cutic persa sa'el li choye, pero mu'yuc la jtacutic. Ta sventa ti vo'ot chaval mantale, jech ta jtic'cutic ochel yan velta li jnuti'cutique —xut.

San Lucas 8:25

Li Jesuse jech laj yalbe li yajchanc'optaque: —¿Bu oy li xch'unojel avo'ntonique? —xut. Toj ch'ayel ic'ot yo'ntonic, xchi'uc toj xi'el ic'otic. Jech laj yalbe sbaic: —¿Boch'o vinical li'i? Yu'un c'alal ta ic', c'alal ta nab tspas ta mantal, pero ch'unbil smantal —xut sbaic.