San Lucas 8:15 - Bible in Tzotzil de Chenalhó with Deuterocanon

¹⁵ Yan li bec' trigo ic'ot ta lequil banamile, ja' li boch'otic scotol yo'nton ta xch'unic sc'op Diose, ti chc'ot lec ta yo'ntonique, ti jun yo'nton chch'unic oe, jech lec ta satinic.

Tzotzil Zinacantan

¹⁵ Li becꞌ trigo ti icꞌot ta lequil balamile, jaꞌ seña ti muchꞌutic jꞌechꞌel ta xchꞌunic li scꞌop Rioxe. Coꞌol xchiꞌuc chbeqꞌuin yaꞌel yuꞌun chalic aꞌyuc li scꞌop Rioxe. Acꞌu mi ch-ilbajinatic, mu xicta o sbaic.

Bible in Tzotzil de Chamula

¹⁵ Ja'uc ti ts'unobal c'ot ta lequil banomile, ja' sc'oplal ti jlom ta slequil yutsil yo'ntonic ta xa'iic. Chapal ta xc'ot ta xchiquinic. Ta xich'ic ta muc'. Staoj yav yo'ntonic. Lec ta xtunic batel.

LEQUIL ACH' C'OP

¹⁵ Yan ti bu ic'ot ta lequil balamile, ja' seña ti much'utic ta sjunul yo'onic cha'iic li sc'op Rioxe xchi'uc ti ta yo'on tspasic li c'usitic chale, ti j'ech'el xch'unojic oe, xchi'uc ti naca lequic ti c'usitic ta spasique.

Tzotzil San Andres

¹⁵ Li becꞌ trigo li icꞌot ta lequil balumile, ti iyacꞌ joꞌvinic ta pꞌej sbeqꞌue, jaꞌ senyail li buchꞌutic ta xacꞌ ta yoꞌonic li scꞌop Diose. Ta satin ta yoꞌonic yaꞌel li scꞌop Diose. Acꞌo mi ta xichꞌic vocol, mu xchibaj o yoꞌonic.

Tzotzil de Huixtán

¹⁵ Ti sat strigoe ti ic'ot ti bu lequil lume ja' señail ti much'u lec cha'i ti sc'op ti Diose, jun yo'nton tsc'an chch'un. Hech yu'un j'ech'el chac' ti yo'nton ti sc'op ti Diose. Ja' chac' persa yu'un tsatin ti yo'nton ti sc'op ti Diose.

San Lucas 8:15 Iomraidhean Croise

Salmos 119:11

La jchabi ta co'nton li ac'ope, yu'un jech mu jta jmul ta atojol.

Salmos 51:10

Dios cu'un, jelbun li co'ntone; ac'o ach'ubuc li c'usi oy ta yut co'ntone.

Proverbios 3:1

Jnich'on, mu me xch'ay ta avo'nton li chanubtasel cu'une; chabio me ta avo'nton li jmantaltaque,

Jeremías 15:16

C'alal lac'opanune, xco'laj xchi'uc la jve' ya'yel li ac'ope; ja' mero spatubil co'nton, xcuxetel co'nton ic'ot. Avu'unun o, vo'ot li Muc'ul Diosot ti chapas ta mantal scotol te ta vinajele.

Jeremías 31:33

“Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque, ta jts'ibabe ta yo'ntonic, vu'un Diosun yu'unic chic'ot; ja' jteclumal chc'otic o ec.

Jeremías 32:29

Li caldeaetique ta xtal scontrainic li lum li'i; ta xac'beic sc'ac'al, ta xchiq'uic. Ta xchiq'uic noxtoc li naetic ti bu la xchic'beic pom ta stojol dios Baal te ta yamaq'uil sjole xchi'uc ti te laj yac'beic smotonin pasem ya'lel ts'usub li yantic diosetic sventa la sa'bicun sc'ac'al co'ntone.

San Mateo 24:13

Pero li boch'o ta xcuch yu'un c'alal to ta slajebe ja' ta xcol.

San Lucas 11:28

Itac'ov li Jesuse: —Ja' toj xcuxet yo'ntonic ta melel li boch'otic cha'yic li sc'op Diose, ti ta xch'unique —xut.

San Lucas 6:45

Li lequil cristianoe lec c'usi chloc' ta ye, yu'un ja' jech oy ta yo'nton. Yan li chopol cristianoe chopol c'usi chloc' ta ye, yu'un ja' jech oy ta yo'nton. Yu'un li c'usi oy ta yo'ntone ja' jech chloc' ta ye.

San Lucas 8:14

Li bec' trigo ic'ot ta ch'ixtique, ja' li boch'otic laj xa ya'yic sc'op Diose, ti ja' batem ta yo'nton sc'ulejalique xchi'uc li c'usitic oy li' ta banamile xchi'uc ti c'usitic tsc'an yo'ntonique. Jech te net'bil chc'ot o li sc'op Dios ya'yojique. Jech mu xch'iaj, mu satin o.

San Lucas 8:16

“Mu'yuc boch'o ta stsan junuc candil ti tsnujmaqui ta moch, o me tsnac' ta yolon vaybale. Ja' ta xac' lec ta xvuchanubil, jech lec sac jaman chilic li boch'otic ta x'ochic ta yut nae.

San Juan 14:15

“Me ac'anojicune, chach'unbicun scotol li jmantaltaque.

San Juan 15:10

Me chach'unbicun li jmantaltaque, j'ech'el jc'anojoxuc o. Jech chac c'u cha'al ta jch'unbe smantaltac li Jtote, jech j'ech'el sc'anojun o.

Romanos 2:7

Li boch'o ja' tspasilanic o c'usitic leque, ti ja' no'ox oy ta yo'nton tsa'ic slequilal yutsilalique xchi'uc li c'usi mu sna' xc'a'e, ja' ch-ac'batic xcuxlejalic sventa sbatel osil.

Romanos 6:22

Pero li' ta orae colemoxuc xa ta mozoil ta sventa li c'usitic chopole; ja' xa yajtuneloxuc li Diose. Jech ja' xa chataic li c'usitic leque, ja' ti yantic chalecubic batele. Le'e ja' chac' acuxlejalic sventa sbatel osil.

Romanos 7:18

Yu'un ta jna' ti me jutuc mu'yuc jlequil o jchi'uc li jbec'tal li'i, ac'o me oy ta co'nton ta jpas li c'usi leque, pero mu xu' cu'un spasel.

Romanos 7:4

Ja' jech lijc'ot ec, quermanotac. Ta sventa ti ja' icham li Cristoe, jech lijchamutic o ta sventa li mantaletique, yu'un jech xu' chbat jtatic yan boch'o chispasutic ta mantal, ja' li boch'o icha'cuxi loq'uel ta smuquinale, jech ja' xa chlic tuncutic yu'un li Diose.

Romanos 8:25

Yu'un ja' ta jmalatic li c'usi mu'yuc to quilojtique, jech tsc'an mu x'ech' co'ntontic, mu xijlub ta smalael.

1 Corintios 7:19

Yu'un li boch'o yich'oj circuncisione mu'yuc c'usi chloc' o; li boch'o mu'yuc yich'oj circuncisione mu'yuc c'usi chloc' o noxtoc. Li c'usi tsots sc'oplale ja' li xch'unbel smantal Diose.

Efesios 2:8

Yu'un ta yutsil no'ox yo'nton ti colemoxuc xa ta sventa xch'unojel avo'ntonique. Muc ta aventauc atuquic ti laj ataic coltaele, ja' amotonic no'ox yu'un li Diose.

Deuteronomio 30:6

Chascomtsanboxuc o ta avo'ntonic achi'uc anich'nabic xchi'uc amomnich'nabic li c'usi xchapanoj ono'oxe. Te chcom o jech chac c'u cha'al jun marca, yu'un jech xu' chlic ac'anic o ta scotol ajol avo'ntonic. Jech xu' chacuxiic.

Filipenses 1:11

Jech noxtoc ja' ac'o apasic li c'usitic tuc' ta pasele, ja' ta sventa Jesucristo xu' avu'unic, jech ch-ich'at ta muc', jech lec chbat sc'oplal avu'unic li Diose.

Colosenses 1:10

Yu'un jech xu' lec tuc' chaxanovic ta sventa ti oyoxuc ta stojol li Cajvaltique, jech xu' chapasic li c'usitic lec chile. Jech lec tsatin batel li lequil abtel chapasique, jech chach'iic batel ta yotquinel li Diose.

Colosenses 1:6

Li Lequil A'yej ic'ot ta atojolique, ipuc xa batel ta sbejel banamil. Yochel xa satinel, yochel xa ta ch'iel batel jech chac c'u cha'al ich'i te ta atojolic c'alal lic ava'yic, lic avilic c'u x'elan li c'uxubinel yu'un Dios ta melele.

Hebreos 10:36

Yu'un tsots sc'oplal ti oy lec smuc'ul avo'ntonique, yu'un jech xu' avu'un chapasic c'usitic tsc'an li Diose, xchi'uc jech chc'ot ta pasel chavich'ic li c'usi yaloj Dios chijyac'butique.

Hebreos 2:1

Ja' yu'un tsots sc'oplal tsc'an ta jnaban jbatic o ta stojol li c'usi ca'yojtic xae, yu'un jech mu xijch'ay comel ta be.

Santiago 1:4

Me oy smuc'ul avo'ntonique, tsc'an lec chbat yabtelal noxtoc, jech lec ts'acal chbat avu'unic; mu'yuc xa c'usi yan sc'an avu'unic.

1 Juan 2:3

Me ta jch'unbetic li smantaltac Diose, jech ta jna'tic o ti xcotquintic xae.