San Lucas 7:47 - Bible in Tzotzil de Chenalhó with Deuterocanon

⁴⁷ Ja' yu'un chacalbot ava'ay, pasbil xa perdón scotol li yepal smul spasoje, yu'un lec sc'anojun. Li boch'o tsnop ti jutuc no'ox smul tspasbat perdone, jutuc no'ox chc'anvan noxtoc —xut.

Tzotzil Zinacantan

⁴⁷ Chacalbe avaꞌi, acꞌu mi ep smul li antse, lavie acꞌbil xa pertonal yuꞌun smul yuꞌun scꞌanojon tajmec. Li muchꞌu jutuc noꞌox smul ti yaloje ti icacꞌbe pertonale, jaꞌ mu másuc scꞌanojon ―xꞌutat la yuꞌun Jesús ti Simone.

Bible in Tzotzil de Chamula

⁴⁷ Ta sventa ti jech le'e, ta xcalbot ava'i, yepal no'ox laj sta ti ch'aybil c'ot ti smul ti mu albajuc xcuchoje, yu'un yepal no'ox c'ux ta x'a'yivan ta o'ntonal. Ti buch'u jutuc no'ox ch'aybil ti smule, jutuc no'ox ta svinajes xc'uxul yo'nton.

LEQUIL ACH' C'OP

⁴⁷ Yech'o un chacalbe ava'i, ac'u mi ep tajmec smul li antse, lavie ac'bil xa ta pertonal ta xcom, yu'un sc'anojon ta jmec, yan ti much'u jutuc no'ox ac'bil pertonale mu másuc chac' ta ilel ti ch-c'anvane ―x'utat yu'un Jesús ti Simone.

Tzotzil San Andres

⁴⁷ Chacalbe, acꞌo mi ep smul li antse, li avie pasbil xa perton yuꞌun smul yuꞌun toj cꞌuxun ta yoꞌon. Li buchꞌu ta snop ti muc bu ep smul la jpasbe pertone, jaꞌ jutuc noꞌox cꞌuxun ta yoꞌon ―xꞌutat yuꞌun li Jesús li Simone.

Tzotzil de Huixtán

⁴⁷ Hech yu'un chacalbe, manchuc mi ep smul ti antse, tana ch'ayem xa ti smule yu'un lum c'uxun chiya'i. Ti much'u jutuc no'ox smul laj jch'aybe tscuye, jutuc no'ox c'uxun chiya'i ―x'utat ti Simone.

San Lucas 7:47 Iomraidhean Croise

Isaías 1:18

Jech chayalboxuc li Muc'ul Diose: “La'ic ta jtojol ta ora, la' caltic c'usi tsc'an pasel. Ac'o me bats'i cuxul tsoj li amulique, sac chcom jech chac c'u cha'al tayo; ac'o me ic'ic'tic xa sba stsajal, sac chcom jech chac c'u cha'al saquil tsots.

Isaías 55:7

Vo'oxuc li jpasmuliloxuque, comtsanic li be atamojique; vo'oxuc ti ep sbolil avo'ntonique, comtsanic li c'usi chopol chanopique. Sutanic tal ta stojol li Muc'ul Diose, yu'un li stuque toj ep c'uxubinel yu'un; li Dios cu'untique toj ep perdón yu'un.

Ezequiel 16:63

Jech chlic vuluc ta avo'nton, chlic q'uexovan, chlic macuc ave ta scoj q'uexlal c'alal chavil ti ta jpasbot perdón scotol li c'usi chopol laj apase’, uto”, xi li Muc'ul Diose.

Miqueas 7:19

C'uxubinuncutic to yan velta; muco ta banamil li jchopolilcutique; jipo batel c'alal ta xchac natil nab li jmulcutique.

San Mateo 10:37

“Li boch'o toj tsots sc'oplal cha'ay stot sme' ti ja' mu tsotsuc lec jc'oplal cha'ay li vu'une, mu xu' yu'un chists'aclinun. Li boch'o toj tsots sc'oplal cha'ay squerem, o me stseb, ti ja' mu'yuc lec tsots jc'oplal cha'ay li vu'une, mu xu' yu'un chists'aclinun noxtoc.

San Lucas 7:39

C'alal laj yil li fariseo ti yic'oj ta ve'el Jesuse, jech laj yal ta yo'nton: “Ti ja'uc yaj'alc'op Dios ta melel li vinic li'i, sna' c'usi yabtel, c'u x'elan stalel li antse, yu'un ja' jmulavil ants”, xi.

San Lucas 7:46

Li vo'ote mu'yuc xajaxbun aceite ta jol. Yan li ants li'i laj xa xjaxbun muil poxil ta cacan.

San Lucas 7:48

Li Jesuse jech laj yalbe li antse: —Pasbilot xa perdón scotol li amule —xut.

Hechos 5:31

Pero li Diose laj xa yac' ta ich'el ta muc' te ta sbats'ic'ob. Laj yac' c'otuc ta Jpasmantal, ta Jcoltavanej, yu'un jech ac'o sutes yo'ntonic ta stojol li israeletique, jech xu' tspasbatic perdón yu'un smulic.

Romanos 5:20

Li mantaletique ja' laj yac' vinajuc epal mulil. Pero ac'o me ep li mulile, li Diose ech'em to laj yac' ta ilel ti bats'i ep slequil yo'ntone.

2 Corintios 5:14

Li epal c'uxubinel yu'un Cristoe ja' chiyic'utic sventa chac' jna'tic lec ti jun no'ox Boch'o icham cu'untic ta jcotoltique, pero jcotoltic lijchamutic ya'yel.

Gálatas 5:6

Yu'un ta stojol Cristoe, ma'uc tsots sc'oplal me quich'ojtic circuncisión, me muc quich'ojticuc circuncisión. Ja' tsots sc'oplal li xch'unojel co'ntontique, yu'un jech xu' cu'un chijc'anvanutic.

Efesios 6:24

Ac'o c'uxubinaticuc yu'un Dios scotol li boch'otic sc'anojic o ta scotol yo'ntonic li Cajvaltic Jesucristoe.

Filipenses 1:9

Jech ta jc'anbe ep vocol Dios ti ech'em ac'o yepajesboxuc li c'anvanej avu'unique, xchi'uc ac'o bijubanic lec, ac'o ana'ic yotquinel lec scotol.

1 Timoteo 1:14

Toj ech'em la xc'uxubinun li Cajvaltique. Laj yac'bun xch'unojel co'nton, xchi'uc laj yac' ti chic'anvane; ja' jech ta jtatic ta sventa li Jesucristoe.

1 Juan 1:7

Yan me chijxanovutic ta sac osil jech chac c'u cha'al oy ta sac osil stuque, ta melel jun chijc'ot ta jcotoltic; chispocbutic loq'uel scotol jmultic ta xch'ich'al Xnich'on, ja' li Jesuse.

1 Juan 3:18

Jnich'nabtac, mu me jeche'uc no'ox xloc' ta quetic ti chijc'anvanutique. Ac'o vinajuc ta sventa cabteltic ti ta melel chijc'anvanutique.

1 Juan 4:19

Li vu'utique jc'anojtic xa li Diose, yu'un ba'yuc la sc'anutic.

1 Juan 5:3

Me jc'anojtic o li Diose, ta jch'unbetic li smantaltaque. Mu'yuc tsots ta ch'unbel chca'itic li smantaltaque.