San Lucas 7:27 - Bible in Tzotzil de Chenalhó with Deuterocanon

²⁷ Ja' Juan ti jech ono'ox ts'ibabil sc'oplale: ‘A'yo ava'ay, ba'yuc ta xjelov batel avu'un li j'almantal ta jtac batele, ja' ta sjambot abe’, xi ono'ox ts'ibabil sc'oplal.

Tzotzil Zinacantan

²⁷ Tsꞌibabil onox scꞌoplal ta scꞌop Riox li Juane ti jaꞌ chjelav tal cuꞌune. Baꞌyi ta jtac echꞌel mantal. Jaꞌ chalbe li crixchanoetique ti tey chacꞌote yoꞌ xaꞌichꞌe o ta muqꞌue, xiyut ti Jtote, xi onox tsꞌibabil.

Bible in Tzotzil de Chamula

²⁷ Ti Juane ja' jun ti xi ta x'albat sc'oplal ti ts'ibabil ta ch'ul c'ope: ‘Ta jtacbot jelavel caj'abtel yo' ta smeltsan ech'el ti abee.’

LEQUIL ACH' C'OP

²⁷ Ti Juane ja ti much'u xi ono'ox albil sc'oplal ta sc'op Rioxe: “Ba'yi cha jtacbe jelavel tal cajmantal, ja' cha xchapanbe la bee.” Xi tsibabil.

Tzotzil San Andres

²⁷ Li Juane jaꞌ onoꞌox ti tsꞌibabil scꞌoplal ta scꞌop Dios ti baꞌi ta xtal cuꞌune. Jech tsꞌibabil: Baꞌi ta jtac batel li cajtacbalale. Jaꞌ ta xalbe crixchanoetic ti chabate yoꞌ jech chayichꞌic ta mucꞌ, xiyut li Jtote, xi onoꞌox tsꞌibabil.

Tzotzil de Huixtán

²⁷ Ja' ti Juane ti hech ts'ibabil sc'opilale: Ja' chbaej avu'un ti j'alc'op ti jtac batele. Ja' tscajmeltsambe yo'ntonic yu'un hech chaxch'umbot ac'op, ti xchi ono'oxe. Ja' sc'opilal ti Juane.

San Lucas 7:27 Iomraidhean Croise

Isaías 40:3

Oy boch'o tsots ta x'avan ta xocol banamil: “Chapanbeic sbe li Muc'ul Diose; tuq'uibtasbeic sbe Dios cu'untic te ta xocol banamil.

Malaquías 3:1

Li Muc'ul Dios ti tspas ta mantal scotol te ta vinajele jech chal: “A'yo ava'yic, ta jtac batel j'almantal cu'un, ja' chbat sjambun jbe. Jech ta ora no'ox ta xtal ochuc ta xch'ulna li Ajvalil chasa'ique. Chvul xa ta loq'uel li boch'o tacbil tal sventa chtal yal c'usi chapanbil ono'ox, ti chac'anic ac'o taluque. Le' xa nopol xtale”, xi.

San Mateo 11:10

Yu'un jech ono'ox ts'ibabil sc'oplal ta sc'op Dios: ‘A'yo ava'ay, ba'yuc ta xjelov avu'un li j'almantal ta jtac batele; ja' ta sjambot abe’, xi ono'ox ts'ibabil sc'oplal.

Marcos 1:2

Jech chac c'u cha'al ts'ibabil ta svun li j'alc'op Isaías ta vo'onee: “A'yo ava'ay, ba'yuc ta xjelov avu'un li j'almantal ta jtac batele, ja' ta sjambot batel abe.

San Lucas 1:76

Li vo'ote, cunin querem, vo'ot yaj'alc'opot Dios ta vinajel chac'ot, yu'un ba'yuc latal yu'un li Cajvaltique, tal achapanbe li sbee.

San Lucas 7:26

¿Boch'o ti ay aq'uelique? ¿Me mu ja'uc jun yaj'alc'op Dios? Ta melel ja' jun j'alc'op. Chacalboxuc ava'yic, ja' xjelov yabtel jech chac c'u cha'al li yantic j'alc'opetique.

San Lucas 7:28

Chacalboxuc ava'yic, ta scotol li cristianoetic voq'uemique mu'yuc boch'o jech tsots yabtel yich'oj jech chac c'u cha'al li Juane. Pero li boch'o chac' sba ta ventainel yu'un Diose, ac'o me biq'uit ch-ilat, ja' banquilal chc'ot yu'un li Juane”, xi li Jesuse.

San Juan 1:23

Itac'ov li Juane: —Ja' vu'un jc'oplal ti chi'avan ta xocol banamil jech chac c'u cha'al laj ono'ox yal li j'alc'op Isaiase: ‘Tuq'uibtasbeic sbe li Cajvaltique’, xi chlic yal, xi ono'ox li Isaiase —xi li Juane.