San Lucas 7:16 - Bible in Tzotzil de Chenalhó with Deuterocanon

¹⁶ Scotol li boch'otic te oyique ixi'ic; laj yalbeic slequilal Dios: —Ja' banquilal yaj'alc'op Dios ti li' oy ta jtojoltique. Ja' tal scolta steclumal li Diose —xiic.

Tzotzil Zinacantan

¹⁶ Ti muchꞌutic teye ixiꞌ la scotolic. Pero “coliyal Riox” xiic la. ―Li jchiꞌiltic liꞌi yajꞌalcꞌop Riox. Tsots syuꞌel ―xi la jlom. ―Voꞌotic jcꞌuxubineltic ti itaque tal yuꞌun ti Rioxe, voꞌotic ti stꞌujojotic onoxe ―xi la jlom.

Bible in Tzotzil de Chamula

¹⁶ Ta xi'el xa laj slequil-c'optaic Dios c'alal jech laj yilic scotolique, ti xi laj yalique: —Vul ta loq'uel jun muc' ta j'alc'op ta jtojolcutic. Tal scolta steclumal ti Diose.

LEQUIL ACH' C'OP

¹⁶ Ti much'utic teyique ixi'ic scotolic, tey lic yalbeic o slequilal syu'elal ti Rioxe, ja' yech iyalic chac li'i: —Iyul ta jtojoltic jun muc'ta j'alc'op ti scotol xu' yu'une —xiic. Li yane xi iyalique: —Ti Rioxe talem scolta li steclumale —xiic.

Tzotzil San Andres

¹⁶ Scotol li buchꞌutic te xbatique toj labal iyaꞌiic. Laj yalbeic coliyal Dios. Oy jech laj yalic: ―Toj tsots yabtel yichꞌoj li jchiꞌiltique. Jaꞌ jun banquilal yuꞌunic li buchꞌutic ta xalic scꞌop Dios liꞌ talem ta jtojoltique ―xiic. Oy yan jech laj yalic: ―Jaꞌ tacbil talel yuꞌun Dios yoꞌ chiscoltautic, joꞌotic ti tꞌujbilutic onoꞌox yuꞌune ―xiic.

Tzotzil de Huixtán

¹⁶ Toj xi'el ic'otic scotolic. Ilequilc'opojic yu'un ti Diose. Hech laj yalbe sbaic: ―Tsots yabtel staoj ti jchi'iltique. Ja' totil j'alc'op yu'un ti Diose ―xut sbaic. ―Tacbil tal yu'un ti Diose yu'un chiscoltaucutic, ho'ucutic ti t'ujbilucutic yu'une ―xut sbaic uc.

San Lucas 7:16 Iomraidhean Croise

Salmos 65:9

Vo'ot achabioj li banamile; vo'ot chavac'be tal ya'lel; vo'ot chats'ites scotol li c'usitic chch'ie, yu'un ja' chavat'es o ta uc'um ti noj ya'lele; chavac' satinuc lec li c'usitic ch'iemique, jech lec chapal avu'un scotol.

Éxodo 4:31

C'alal laj ya'yic sjunul jteclum ti chich'ic coltael yu'un Muc'ul Diose, xchi'uc ti i'ilbat xa c'u x'elan li xc'uxul svocolique, toj lec ic'ot ta yo'ntonic. Jech te la squejan sbaic, laj yich'ic ta muc' li Muc'ul Diose.

Jeremías 33:9

Scotol li c'usitic lec ta jpas li' ta Jerusalene ja' sventa quich'el ta muc', ja' sventa xcuxetel o'ntonal ta stojol yantic lum li' ta banamil. Yu'un c'alal cha'yic ti lec c'usitic ta jpasbe li jnaclumetic li' ta Jerusalene, ta xlic niquicuc, ta xlic xi'icuc”, xi li Muc'ul Diose.

San Mateo 15:31

Li cristianoetique toj labal sba laj yilic, yu'un laj yilic ijam ye li uma'etique, ilecub sc'obic li boch'otic mu'yuc ono'ox lec sc'obique, ixanovic li coxoetique, xchi'uc ijam sat li ma'satetique. Jech lic yalbeic slequilal li Dios yu'un Israele.

San Mateo 21:11

Itac'ov li epal cristianoetique: —Ja' Jesús. Ja' li yaj'alc'op Dios liquem tal ta Nazaret ta Galilea banamile —xiic.

San Mateo 28:8

Li antsetique ta ora iloq'uic ta vombil ton. Ta xi'el xchi'uc ta xcuxetel yo'ntonic ibat yalbeic li yajchanc'optac Jesuse.

San Mateo 9:8

C'alal laj yilic li epal cristianoetique, ch'ayel ic'ot yo'ntonic. Laj yalbeic slequilal Dios ta sventa ti jech yac'oj tal svu'el ta stojol li cristianoetique.

San Lucas 1:65

Toj xi'el ic'otic li boch'otic te noch' nacajtic xchi'uque. Li boch'otic te nacajtic ta vitsetic ta Judea banamile laj yalbe sbaic scotolic.

San Lucas 1:68

“Coliyal li Cajvaltic Diose, ja' li Dios yu'un Israele, yu'un tal xa sq'uelutic, tal xa scolta li steclumale.

San Lucas 19:44

Chasjinesot o yalel c'alal ta banamil. Te ta xchamic li jnaclumetic avu'une. Me jbejuc ton mu'yuc bu cajal chcom ta sba yac'ol yan ton ta scoj ti muc xavich' ta muc' li sc'ac'alil coltael ital ta atojole”, xi li Jesuse.

San Lucas 2:20

Isutic li jchabichijetique. Laj yich'ic batel ta muc'; laj yalbeic batel slequilal li Diose, yu'un laj xa ya'yic, laj xa yilic scotol jech chac c'u cha'al i'albatique.

San Lucas 24:19

Itac'ov li Jesuse: —¿C'usi ic'ot ta pasel? —xi. Itac'ovic: —Yu'un la smilic li Jesús liquem ta Nazarete. Ja' jun yaj'alc'op Dios. Oy lec svu'el ta sventa c'usi tspas, xchi'uc ta sventa sc'op ta stojol Dios, xchi'uc ta stojol cristianoetic.

San Lucas 5:26

Solel toj labal sba laj yil scotolic; laj yalbeic slequilal Dios. Ta xi'el jech laj yalbe sbaic: —Toj labal sba li c'usi laj quiltic li'i —xut sbaic.

San Lucas 5:8

C'alal jech laj yil li Simone, la squejan sba ta stojol li Jesuse, jech laj yalbe: —Cajval, mu xachi'inun, yu'un li vu'une jpasmulilun —xut.

San Lucas 7:15

Jech ta ora ichoti li quereme; lic lo'ilajuc. Li Jesuse laj yac'be comel ta sc'ob yol li antse.

San Lucas 7:39

C'alal laj yil li fariseo ti yic'oj ta ve'el Jesuse, jech laj yal ta yo'nton: “Ti ja'uc yaj'alc'op Dios ta melel li vinic li'i, sna' c'usi yabtel, c'u x'elan stalel li antse, yu'un ja' jmulavil ants”, xi.

San Lucas 8:37

Scotol li gerasa cristianoetique laj yalbeic Jesús ti svocoluc ac'o loc'uc batel ta yosilalique, yu'un ep ixi'ic. Jech i'ochic ta canova li Jesuse; isutic batel ta jot nab.

San Lucas 9:19

Itac'ovic: —Oy ta xalic ti vo'ot Juan j'ac'vanejot ta vo'e. Oy yan ta xalic ti vo'ot Eliasote. Oy yan ta xalic ti vo'ot jun yaj'alc'opot Dios ta vo'one ti lacha'cuxie —xutic.

San Juan 1:21

—¿Boch'oot cha'e? ¿Me vo'ot li Eliasote? —xutic. —Muc vu'cun —xi. —¿Me vo'ot li j'alc'opote? —xutic. —Mo'oj —xi itac'ov li Juane.

San Juan 1:25

Jech la sjac'beic noxtoc li Juane: —¿C'u yu'un chavac' ich' vo' me mu vo'ocot Cristoote, me mu vo'ocot li Eliasote, xchi'uc me mu vo'ocot li j'alc'opote? —xutic.

San Juan 4:19

Li antse jech laj yal: —Tata, xco'laj xchi'uc vo'ot yaj'alc'opot Dios ta xca'ay.

San Juan 6:14

C'alal laj yilic sq'uelubil stsatsal Jesús li cristianoetique, jech laj yalbe sbaic: —Ta melel ja' li j'alc'op ti sc'oplal ono'ox chtal li' ta banamile —xut sbaic.

San Juan 9:17

Jech la sjac'beic yan velta li vinique: —Li vo'ote ¿boch'o acuyoj li vinic ti la sjambot asate? —xutic. Itac'ov li vinique: —Li vu'une ta xcal ti ja' yaj'alc'op Diose —xi.

Hechos 5:5

C'alal laj ya'ay jech li Ananiase, iyal ta lum; ta ora iloc' xch'ulel. Toj xi'el ic'ot scotol li boch'otic laj ya'yique.

Hechos 7:37

Li Moisés le'e ja' ti jech ono'ox laj yalbe li jmoltotactic ta vo'onee: ‘Li Diose ta to st'ujboxuc jun j'alc'op avu'unic, jech chac c'u cha'al la st'ujun’, xut ono'ox.

Gálatas 1:24

Te lic yalbeic slequilal Dios ta jventa.

Deuteronomio 18:15

“Li Muc'ul Dios cu'untique ta to st'ujboxuc jun j'alc'op avu'unic jech chac c'u cha'al vu'un, pero ch'unbeic me li c'usi chayalboxuque.