San Lucas 7:14 - Bible in Tzotzil de Chenalhó with Deuterocanon

¹⁴ Inoch'aj batel li Jesuse; la spicbe li svayabe. Li boch'otic xq'uechojic tale iva'iic. Li Jesuse jech laj yalbe li animae: —Querem, vu'un chacalbot lican —xut.

Tzotzil Zinacantan

¹⁴ Inopoj la echꞌel, ispicbe la sqꞌuechꞌobteꞌal ti ánimae. Ti muchꞌutic scuchojic tale vaꞌ xiic la. ―Crem, voꞌon chacalbe, lican ―xut la ánima ti Jesuse.

Bible in Tzotzil de Chamula

¹⁴ Ta jech yepal nopaj batel, laj spic ti bu poybil batele. Ti Jesuse xi laj yalbe ti animae: —Ti vo'ote, querem, xi ta xcalbot ava'i: ¡Lican, va'lan talel!

LEQUIL ACH' C'OP

¹⁴ Inopoj ech'el, ispicbe sq'uech'obil li animae,ti much'utic scuchojic tale va' xiic. Ti Jesuse xi iyalbe li animae: ―Crem, vo'on chacalbe: ¡Lican! ―Xut.

Tzotzil San Andres

¹⁴ Inopoj li Jesuse, la spicbe stenelteꞌal li ánimae. Li buchꞌutic stelojic batele ivaꞌiic. Li Jesuse jech laj yalbe li ánimae: ―Querem, joꞌon chacalbe, lican ―xut.

Tzotzil de Huixtán

¹⁴ Inopej batel ti Jesuse. Laj spicbe ti stenelte'e yo' bu cajal ti ánimae. Hech laj sva'an sbaic ti jcuch ánimaetique. Ti Jesuse hech laj yalbe ti ánimae: ―Querem, chacalbe, lican ―xut.

San Lucas 7:14 Iomraidhean Croise

1 Reyes 17:21

Oxib velta la spatan sba ta yac'ol li olole; tsots i'avan ta stojol li Muc'ul Diose, jech laj yal: “Muc'ul Dios, Dios cu'un, ¡Avocoluc cha'cuxeso li querem li'i!”, xut.

1 Reyes 17:22

Li Muc'ul Diose laj ya'ibe sc'op li Eliase, jech isut tal xch'ulel li quereme jech icuxi o.

Job 14:14

C'alal me icham li cristianoe, ¿me ta to xcuxi yan velta? Li vu'une ja' no'ox ta jmala scotol c'ac'al c'usi ora ch-ech' li jvocole.

Salmos 33:9

Ja' no'ox ic'opoj, jech imeltsaj yu'un scotol; ja' no'ox laj yal mantal, jech i'ayin yu'un scotol.

Isaías 26:19

Yan li avu'untac ti chamenique ta xcha'cuxiic; li sbec'talique ta xlic cuxiuc. Li boch'otic vayemic ta pucuctique ta xlic julovicuc; ta xq'uejinic yu'un toj xcuxet no'ox yo'ntonic. Yu'un vo'ot chatacbe tal luz ta stojolic jech chac c'u cha'al sjob osil chyal ta ts'unubaltic; ja' yu'un li boch'otic chamenique chlic voq'uicuc li' ta banamil yan velta.

Marcos 5:41

Li Jesuse la stsacbe sc'ob li tsebe, jech laj yalbe: —Talita cum —xut. “Tseb, chacalbot lican”, xi smelol.

San Lucas 7:13

C'alal laj yil li Cajvaltique, toj abul sba laj yil li antse. Jech laj yalbe: —Mu xa'oc' —xut.

San Lucas 7:15

Jech ta ora ichoti li quereme; lic lo'ilajuc. Li Jesuse laj yac'be comel ta sc'ob yol li antse.

San Lucas 7:17

Li c'usi la spas Jesuse ipuc batel ta scotol yosilal Judea banamil xchi'uc ta yantic lum ti te nopolique.

San Juan 11:25

Li Jesuse jech laj yalbe: —Vu'un jcha'cuxesvanejun, xchi'uc vu'un j'ac'cuxlejalun. Li boch'o ta xch'un ti vu'un Jcoltavanejune, ac'o me ta xcham, pero ta xcuxiic sbatel osil.

San Juan 5:21

Jech chac c'u cha'al ta xcha'cuxes animaetic li Jtote xchi'uc ti ta xac'be xcuxlejalique, ja' no'ox jechun ec, xu' ta jcha'cuxes li boch'o ta jc'an ta jcha'cuxese; ta xcac'be xcuxlejal ec.

San Juan 5:25

Jamal ta xcalboxuc ava'yic, vu'un li Nich'onilune, ta to sta yorail, ta melel ista xa yorail chiya'ibicun jc'op li boch'otic chamenique. Li boch'otic ta xa'yic jc'ope ta xcuxiic.

Romanos 4:17

Yu'un jech ts'ibabil ta sc'op Dios: “Vo'ot stotot ep ta chop cristianoetic chac'ot cu'un”, x'utat yu'un li Diose. Ja' li Dios ti oy xch'unojel yo'nton ta stojole, ti xu' yu'un ta xcha'cuxes li boch'otic chamenique, xchi'uc ti xu' yu'un chac' ayinuc li c'usitic mu'yuc to'oxe.

Efesios 5:12

Yu'un toj q'uexlal sba li c'usi tspasic ta mucule, mu stac' alel.