San Lucas 7:13 - Bible in Tzotzil de Chenalhó with Deuterocanon

¹³ C'alal laj yil li Cajvaltique, toj abul sba laj yil li antse. Jech laj yalbe: —Mu xa'oc' —xut.

Tzotzil Zinacantan

¹³ Ti Cajvaltic Jesuse ti cꞌalal iyil ti antse, icꞌuxubaj la ta yoꞌon. ―Mu xaꞌocꞌ ―xut la.

Bible in Tzotzil de Chamula

¹³ C'alal laj yil ti Cajvaltique, c'uxubaj yo'nton yu'un ti me'unal antse, ti xi laj yalbee: —Mu xa xa'oc'.

LEQUIL ACH' C'OP

¹³ Ti c'alal iyil ti Cajvaltique, ic'uxubaj ta yo'on li antse, ja' yech iyalbe chac li'i: ―Mu xa'oc' ―xut.

Tzotzil San Andres

¹³ Cꞌalal iyil li ants li Cajvaltique, toj abol sba iyil, iyichꞌ ta cꞌux. Xi laj yalbe: ―Mu xaꞌocꞌ ―xut.

Tzotzil de Huixtán

¹³ C'ux ti yo'nton ti Cajvaltique c'alal laj yil ti antse. Hech yu'un laj yalbe: ―Mu me xa'oc' ―xut.

San Lucas 7:13 Iomraidhean Croise

Salmos 103:13

Jech chac c'u cha'al totil ti c'ux ta yo'nton xnich'nabe, ja' jech ec li Muc'ul Diose c'ux ta yo'nton li boch'otic chich'ic ta muq'ue.

Salmos 86:15

Pero li vo'ote Cajval, Dios cu'un, atalel jc'uxubinvanejot, toj lec avo'nton, toj c'unc'un chlic sc'ac'al avo'nton; ja' toj muc' li c'uxubinel avu'une, xchi'uc puru melelic li ac'ope.

Salmos 86:5

Yu'un li vo'ote, Cajval, toj lec avo'nton, ep ts'icumal avu'un; toj ep c'ux ta avo'nton li boch'otic tsc'anic vocol ta atojole.

Isaías 63:9

Scotol li svocolic to'oxe ja' la svocolin stuc scotol; ja' stuc ital scolta, muc yanuc boch'o la stac tal. Ta sventa slequil yutsil yo'nton la scolta, laj yic' tal, la stoy liquel; ja' jech la spasilanbe o scotol ora.

Jeremías 31:20

“Li Efraine ja' jnich'on ti lec c'upil chquile, ti lec jc'anoje. Tsots laj cac'be taq'uiel, pero te ta jna'ilan o. Solel toj yan sba co'nton yu'un; ep c'ux o ta co'nton”, xi li Muc'ul Diose.

Marcos 8:2

—Toj abul sbaic chquil li cristianoetique, yu'un yoxibal xa c'ac'al li' xchi'inojutic; mu'yuc xa c'usi ta sve'ic.

San Lucas 10:1

Ts'acal la st'uj lajchab xchanvinic (72) viniquetic li Cajvaltique. Ta chabchab la stacan batel ba'yuc ta jujun lum xchi'uc ta tsobtsobnaetic ti bu snopoj chjelov batel li Cajvaltique.

San Lucas 11:1

Ta yan c'ac'al ibat sc'opan Dios stuc li Jesuse. C'alal ilaj yo'nton ta sc'opanel Diose, jech i'albat yu'un jun yajchanc'op: —Cajval, chanubtasuncutic ta sc'opanel Dios ec jech chac c'u cha'al la xchanubtas ta sc'opanel Dios yajchanc'optac li Juane —xi.

San Lucas 11:39

Li Cajvaltique jech laj yalbe: —Vo'oxuc li fariseooxuque ja' no'ox chapocbeic spat li abochique xchi'uc li asets'ique. Yan li yut avo'ntonique nojem ta c'usi chopol xchi'uc ta elec'.

San Lucas 12:42

Li Cajvaltique jech laj yal: “Li jchabina ti jun yo'nton, xchi'uc ti lec bije ta x'ac'bat yabtel yu'un yajval ta spucbel sve'el li xchi'iltac ta abtele.

San Lucas 13:15

Li Cajvaltique jech la stac'be: —Jlo'lavanejoxuc. Li jujunoxuque ¿me mu'yuc chatitun batel avacaxic, o me aca'ic ta sc'ac'alil ta jcux co'ntontic sventa chbat avac'beic yoxo' yuch'?

San Lucas 17:5

Li yajtacbolaltac Jesuse jech laj yalbeic li Cajvaltique: —Epajesbuncutic li xch'unojel co'ntoncutique —xutic.

San Lucas 17:6

Jech i'albatic yu'un li Cajvaltique: —Me oy xa xch'unojel avo'ntonic jech chac c'u cha'al jbej biq'uit bec' mostazae, xu' avu'unic jech chavalbeic li jpets higo li'i: ‘Loc'an batel li'i, bat tec'ano aba ta nab’, me xavutique, ta xch'un —x'utatic.

San Lucas 18:6

Jech laj yal noxtoc li Cajvaltique: “Laj ava'yic c'usi chal li jchapanvanej ti chopol yo'ntone.

San Lucas 19:8

Li Zaqueoe iva'i, jech laj yalbe li Cajvaltique: —Cajval, a'yo ava'ay. Ta xcac'be j'o'loluc c'usitic oy cu'un li me'onetique. Me oy boch'o la jmucul lo'labe staq'uine, chanib velta jech yepal ta jsutesbe —xi.

San Lucas 22:61

Ijoyij li Jesuse; la sq'uel li Pedroe. Li Pedroe it'ab ta yo'nton ti jech ono'ox i'albat yu'un li Cajvaltique: “Tana c'alal mu'yuc to'ox ta x'oc' cotse, oxib xa'ox velta laj aval ti mu xavotquinune”, x'utat ono'ox.

San Lucas 24:3

I'ochic ta yut, pero mu'yuc xa te la stabeic sbec'tal li Cajvaltic Jesuse.

San Lucas 24:34

Jech laj yalic li xchi'iltaquic te tsobolique: —Ta melel cha'cuxem xa li Cajvaltique. Laj xa yac' sba ta ilel ta stojol li Simone —xutic.

San Lucas 7:12

C'alal nopol xa'ox x'ech'ic batel ta ti'coralton yu'un lume, laj yil te xq'uechojic loq'uel tal jun anima, yu'un chbat smuquic. Ja' squerem jun me'on ants, c'ajumal jun li yole. Ep cristianoetic te ta lum xchi'inojic batel.

San Lucas 7:14

Inoch'aj batel li Jesuse; la spicbe li svayabe. Li boch'otic xq'uechojic tale iva'iic. Li Jesuse jech laj yalbe li animae: —Querem, vu'un chacalbot lican —xut.

San Lucas 7:19

la stac batel yo' bu oy li Jesuse. Jech laj yalbe: —Bat jac'beic Jesús me ja' li boch'o sc'oplal ono'ox chtale, o me ta to jmalatic yan —xut batel.

San Lucas 8:52

Scotol li boch'otic te oyique te ta xat yo'ntonic, te ta xoc'taic li tsebe. Li Jesuse jech laj yalbe: —Mu xa'oq'uic. Mu'yuc chamen li tsebe; ja' no'ox ta xvay —xut.

San Juan 11:2

Li Mariae ja' ti la smalbe muil poxil ta yacan li Cajvaltique, xchi'uc ti la scusbe ta stsotsil sjole. Ja' yixlal li Lázaro ti ip cha'ye.

San Juan 11:3

Li yixlaltac Lazaroe la staquic ta iq'uel li Jesuse, jech laj yalbeic: —Cajval, ip cha'ay li Lazaroe, ja' ti lec ac'anoj aba achi'uque —xutic c'otel.

San Juan 20:13

Jech i'albat li Mariae: —Ants, ¿c'u yu'un cha'oc'? —x'utat. Itac'ov li Mariae: —Yu'un laj xa sloq'uesic batel sbec'tal li Cajvale. Mu jna' bu laj yaq'uic —xut.

San Juan 20:15

Li Jesuse jech laj yalbe li Mariae: —Ants, ¿c'u yu'un cha'oc'? ¿Boch'o chasa'? —xut. Li Mariae la snop ti ja' jchabits'unubaltique, jech laj yalbe: —Tata, me vo'ot laj avich' batel sbec'tal li Cajvale, albun ca'ay bu ay avac', yu'un chbat quich' tal —xut.

San Juan 4:1

Li Jesuse laj ya'ay ti laj xa sna' fariseoetic ti ja' ta x'epaj boch'otic chbat xchi'inic li Jesuse, ti ja' mu sta jech boch'otic ta xchi'inic li Juane, xchi'uc ti ja' ep ta xac' ich' vo'e,

San Juan 6:23

Ts'acal te iloc' tal yan canovaetic; te iliquic tal ta lum Tiberias. Ja' te nopol i'ech' yo' bu la sve'ic pan ti c'alal la stojbe ta vocol Dios li Cajvaltique.

1 Corintios 7:30

Li boch'o ch-oq'ue, ac'o mu'yucuc ch-oc' cha'ay. Li boch'o xcuxet yo'ntone, ac'o mu'yucuc xcuxet yo'nton cha'ay. Li boch'o chmanulaje, ac'o mu'yucuc c'usi tsta cha'ay.

1 Tesalonicenses 4:13

Quermanotac, ta jc'ancutic noxtoc ti ac'o ana'ic c'usi chc'ot ta pasel ta stojol li boch'otic chamenic xae, yu'un jech mu xavat avo'ntonic jech chac c'u cha'al li boch'otic mu'yuc c'usi tsmalaique.

Hebreos 2:17

Ja' yu'un persa la sco'lajes sba jech chac c'u cha'al li xchi'iltac ta voq'uele, yu'un jech ja' jc'uxubinvanej, ja' tuq'uil Banquilal Pale ic'ot yu'unic ta stojol Dios, jech xu' tstaic perdón yu'un smulic li steclumale.

Hebreos 4:15

Yu'un mu ja'uc jun banquilal pale cu'untic ti mu sna' c'u x'elan jvocoltic ta scoj ti mu'yuc jtsatsaltique. Ja' jun Banquilal Pale ti laj yich' pasbel preva scotol jech chac c'u cha'al vu'utique, pero li stuque mu'yuc smul.

Jueces 10:16

Jech lic sloq'uesic ta stojolic li yantic diosetic yu'unique; ja' lic yich'ic ta muc' stuc li Muc'ul Diose. Li Muc'ul Diose toj abul sba laj yil ti ep chich'ic vocol li israeletique.