San Lucas 6:48 - Bible in Tzotzil de Chenalhó with Deuterocanon

⁴⁸ Ja' co'ol jech chac c'u cha'al jun vinic la spas sna ta ba ton. Nat la sjem yalel li banamile; ja' to te la sliquesbe tal snacleb ti bu la sta tone. C'alal ital tsots vo'e, inoj ta jyalel li uc'ume; tsots ic'ot smaj sba ta sna li vinique. Pero mu'yuc xlom li snae, yu'un ta ba ton liquem tal snacleb.

Tzotzil Zinacantan

⁴⁸ Coꞌol xchiꞌuc jun vinic ti ismeltsan sna ta ba tone. Nat isjocꞌ yalel jaꞌto ti ista li tone. Jaꞌto tey isliquesbe li stanal yoque. Ital tsots voꞌ, inoj li ucꞌume, icajtsaj cꞌalal ba osil, icꞌot yoꞌ bu li nae. Li pana xocon nae inoj. Pero muc xlom yuꞌun ta ba ton smeltsanoj.

Bible in Tzotzil de Chamula

⁴⁸ Co'ol s'elan jech c'u cha'al jun vinic ta smeltsan ti snae. Ba'yel nat ta sjots'be xch'enal yo' ta sliquesbe talel yoyaltac ta ba ton. C'alal noj talel ti uc'ume, tsots ech' pulatuc ta vo' ti nae, mu'yuc xvuq'uilaj yu'un, yu'un lec tsacal ta ton ti sliquebe.

LEQUIL ACH' C'OP

⁴⁸ Co'ol xchi'uc jun vinic ti ismeltsan sna ta ba tone, nat isjoc' yalel ja'to ti ista li tone, ja'to tey isliquesbe li stanal yoque. Ital tsots vo', inoj li uc'ume, icajtsaj c'alal ba osil, ic'ot yo' bu li nae, pero muc' xlom yu'un ta ba ton sliquesoj tal smeltsanel.

Tzotzil San Andres

⁴⁸ Jaꞌ jech chac cꞌu chaꞌal jun vinic li la svaꞌan sna ta ba tone. La sjom yalel nat li balumile jaꞌ to ti ista li tone. Jaꞌ te la sliquesbe muyel li yoc li nae. Cꞌalal ital tsots joꞌe, inoj tajmec li ucꞌume, imal loqꞌuel ta stiꞌ, icꞌot ta spat xocon li snae. Pero muc bu xjin li snae yuꞌun ta ba ton svaꞌanoj.

Tzotzil de Huixtán

⁴⁸ Ja' hech chaj c'u che'el jun vinic ti laj smeltsan sna ti ba ton. Jbael nat laj sjem ti lume asta laj sta ti tone. Te laj sliques ti ba ton ti cementoe. Hech c'alal ital ho', hech inoj ti uc'ume, c'ot smaj sba ti spatpat sna ti ho'e. Muc xbut'q'uij ti snae yu'un lec meltsambil ti ba ton.

San Lucas 6:48 Iomraidhean Croise

2 Samuel 22:2

Jech chal li sq'ueoje: “Muc'ul Dios, vo'ot jchabivanejot cu'un, vo'ot jpojobbailot, jcoltavanejot cu'un.

2 Samuel 22:32

Mu'yuc yan Dios jech chac c'u cha'al li Muc'ul Diose; mu'yuc yan Dios ti xu' yu'un chixchabiutique.

2 Samuel 22:47

“¡Ich'biluc ta muc' li Muc'ul Diose!, ¡Ac'o ich'atuc ta muc' li jchabivanej cu'une! Ac'o muq'uibuc sc'oplal li Diose, ja' li jcoltavanej cu'une.

2 Samuel 22:5

“La sventainun o li lajele; lixi' yu'un li yoc jcuchvanej uc'ume.

2 Samuel 23:3

Li Dios yu'un Israele ic'opoj; li Jchabivanej yu'un Israele jech laj yalbun: ‘Li boch'o tuc' chchapan cristianoetique, li boch'o ta sventa Dios chventainvane,

Salmos 32:6

Ja' yu'un li boch'o jun yo'ntonique ac'o sc'anbicot vocol ti c'alal oy svocolique. Ac'o me chtal nojelal uc'um ta stojolic, mu xtaatic yu'un.

Salmos 62:2

Ja' no'ox stuc chisnac'un jech chac c'u cha'al muc'ta ton, ja' no'ox stuc chiscoltaun; ja' no'ox jnac'ubbail c'otem; mu'yuc c'usi ora xu' chiyal ta lum.

Salmos 95:1

La'ic, la' jq'uejintatic Muc'ul Dios ta xcuxetel co'ntontic; la' jq'uejintatic li Jchabivanej, li Jcoltavanej cu'untique.

Proverbios 10:25

Li boch'o chopole ja' jech chch'ay batel jech chac c'u cha'al li c'usi chcuch batel sutub iq'ue; yan li boch'o tuc' yo'ntone te oy o sbatel osil.

Isaías 26:4

“J'ech'el pato avo'ntonic o yu'un li Muc'ul Diose, yu'un ja' no'ox jnac'ubbailtic o ta sventa sbatel osil.

Isaías 28:16

Ja' yu'un li Cajvaltic Diose jech chal: “Ta xcac' jbej lequil ton te ta Sión, lec t'ujbil li tone, tsots sc'oplal; ja' chtun ta sventa snacleb na, ja' chtun ta mero chiquin na. Li boch'o ja' tspat yo'nton ta stojole, mu xchibaj o yo'nton.

Isaías 59:19

Sbejel banamil xlic ta sloq'ueb c'ac'al c'alal to ta smaleb c'ac'al, chlic xi'icuc yu'un Muc'ul Dios ti c'alal chilbeic stsatsal svu'ele. Yu'un xco'laj xchi'uc nojelal uc'um chtal; net'bil chtal ta ven tsatsal ic'.

Nahúm 1:8

Yan li boch'o tscontrainique ta sves batel scotol jech chac c'u cha'al yip nojelal uc'um; ta snuts batel ta ic'al osil li yajcontrae.

San Lucas 6:47

Scotol li boch'o chtal ta jtojole, me cha'ibun li jc'ope xchi'uc me ta spase, chacalboxuc ava'yic c'u x'elan:

San Lucas 6:49

Yan li boch'o ja' no'ox cha'ay c'usi chcal ti mu spase, ja' co'ol jech chac c'u cha'al jun vinic la spas sna ta bats'i banamil. Mu'yuc laj yac'be snacleb. C'alal ic'ot smaj sba ta sna li yip nojelal uc'ume, toj lomel no'ox ic'ot”, xi li Jesuse.

San Juan 16:33

Ti c'u yepal laj calboxuque, ja' sventa ti ac'o junuc o avo'ntonic ta jtojole. Li' ta orae oy avocolic li' ta banamil, pero pato avo'ntonic ti tsalbil cu'un li c'usi sventa banamile —xi li Jesuse.

Hechos 14:22

Ech' stsatsubtasbeic yo'nton li jch'unolajeletique. Laj yalbeic ti j'ech'eluc ac'o xch'unic oe. Xchi'uc laj yalbeic ti tsc'an ta jts'ictic vocol ti jech xu' chij'och yo' bu chventainvan li Diose.

Efesios 2:20

Te xa laj avich'ic nacanel muyel ec ta sba li snacleb nae, ja' li yajtacbolaltac Jesuse xchi'uc li j'alc'opetique. Li ton i'och ta mero chiquin na cu'untique ja' stuc li Cristo Jesuse.

Deuteronomio 32:15

“Pero iju'p li Jesurune,, ipas ta simarón; solel lec xt'ajajet xchi'uc li sjubenale. Pero la scomtsan li Diose, ja' li boch'o ipasat yu'une; la sbaj comel li Jchabivanej yu'une, li Jcoltavanej yu'une.

Deuteronomio 32:18

“Israel, ich'ay xa ta avo'nton li atote, li boch'o xchabiojote. Ich'ay xa ta avo'nton li boch'o laj yac'bot acuxlejale.

Deuteronomio 32:31

“Li cajcontratique lec sna'ic ti mu xco'laj xchi'uc Jchabivanej cu'untic li jchabivanej yu'unique.

2 Timoteo 2:19

Ac'o me tsc'anic ac'o chibajuc yo'nton li boch'otic xch'unojique, pero jbel sc'oplal c'usi yaloj li Diose. Jech ts'ibabil: “Li Cajvaltique xotquin li boch'otic yu'untaque”, xi. Jech ts'ibabil noxtoc: “Scotol li boch'otic yich'ojic ta muc' Cajvaltique, ta xcom yu'unic c'usitic chopol”, xi ts'ibabil.

2 Pedro 1:10

Ja' yu'un quermanotac, aq'uic persa ti jechuc o avo'ntonique ti j'ech'el ac'o ach'unic o ti ic'biloxuc, ti t'ujbiloxuc yu'un Diose. Me jech chapasique, me jutuc mu xayalic o ta lum.

1 Juan 2:28

Jnich'nabtac, li' ta orae j'ech'el me te oyanic o ta stojol li Cristoe, yu'un jech jun co'ntontic, jech mu xijq'uexov ta stojol ti c'alal chvul ta loq'uele.

Judas 1:24

Li Dios ti stuc no'oxe, ti ja' Jcoltavanej cu'untique, xu' yu'un chaxchabioxuc, yu'un jech mu xayalic ta spasel li c'usi chopole, jech mu'yuc amulic ti c'alal chc'ot ava'an abaic ta xch'ul lequilale. Jech toj xcuxet no'ox avo'ntonic. Ja' yu'un stuc no'ox ac'o albatuc slequilal, ac'o spas mantal, ac'o sventain ta svu'el stsatsal stuc li' ta ora ta sventa li Jesucristoe, xchi'uc c'alal to ta sbatel osil. Jechuc.

1 Samuel 2:2

Mu'yuc yan ch'ul Muc'ul Dios jech chac c'u cha'al vo'ot. Dios cu'un, mu'yuc yan jpojubbail jech chac c'u cha'al vo'ot. Mu'yuc boch'o yan jech chac c'u cha'al vo'ot.