San Lucas 6:47 - Bible in Tzotzil de Chenalhó with Deuterocanon

⁴⁷ Scotol li boch'o chtal ta jtojole, me cha'ibun li jc'ope xchi'uc me ta spase, chacalboxuc ava'yic c'u x'elan:

Tzotzil Zinacantan

⁴⁷ Ti muchꞌu chaꞌi li cꞌusitic chcale, mi ta xchꞌune, chacalbe avaꞌiic cꞌu xꞌelan.

Bible in Tzotzil de Chamula

⁴⁷ Ta xcalboxuc ava'iic, xi s'elan xco'olaj ma' ti buch'u ta xtal ta jtojole, ti ta spasbun ti c'usi ta xcale:

LEQUIL ACH' C'OP

⁴⁷ Chacalbe ava'iic ti much'u xco'olaj yech ti much'u chtal ta jtojole ti cha'i c'usi chcale, xchi'u ti ta spas li c'usitic chcale:

Tzotzil San Andres

⁴⁷ Li buchꞌu chiyaꞌibe li cꞌusi ta xcale, mi ta schꞌune, chacalbeic cꞌu sba.

Tzotzil de Huixtán

⁴⁷ Scotol ti much'u chtal ti jtojol ti chiya'ibun jc'ope ti chch'un ti c'usi chcalbee, chacalbe c'u x'elan.

San Lucas 6:47 Iomraidhean Croise

Isaías 55:3

A'yo ava'yic lec li c'usi chacalboxuque; la'ic ta jtojol, jech chacuxiic. Jech te chcom o ta atojolic sbatel osil li c'usi la jchapan ti jbel sc'oplal c'ux ta co'nton o li Davide.

San Mateo 12:50

Yu'un scotol li boch'o ja' ta spasic c'usi tsc'an yo'nton li Jtot te oy ta vinajele, ja' quits'inab, ja' quixlaltac, xchi'uc ja' jme' chc'otic —xi li Jesuse.

San Mateo 17:5

C'alal ja'o chlo'ilaj li Pedroe, ital jvol toc, oy xojobal; te macbil ic'otic. Te laj ya'yic c'op ta yut toc, jech laj yal: “Li'i ja' jnich'on, lec jc'anoj. Lec jpatoj co'nton yu'un. A'ibeic sc'op”,, xi.

San Lucas 11:28

Itac'ov li Jesuse: —Ja' toj xcuxet yo'ntonic ta melel li boch'otic cha'yic li sc'op Diose, ti ta xch'unique —xut.

San Lucas 14:26

“Li boch'o tsc'an chtal ta jtojole, me mu comtsanbaj xa'ay li stot sme'e, li yajnile, li xnich'nabe, li xchi'iltac ta voq'uele, xchi'uc li xcuxlejal stuque, mu xu' chcom ta cajchanc'op.

San Lucas 6:48

Ja' co'ol jech chac c'u cha'al jun vinic la spas sna ta ba ton. Nat la sjem yalel li banamile; ja' to te la sliquesbe tal snacleb ti bu la sta tone. C'alal ital tsots vo'e, inoj ta jyalel li uc'ume; tsots ic'ot smaj sba ta sna li vinique. Pero mu'yuc xlom li snae, yu'un ta ba ton liquem tal snacleb.

San Lucas 8:13

Li bec' trigo ic'ot ta tontique, ja' li boch'otic ja' to cha'yic sc'op Diose. Xcuxet no'ox yo'ntonic ta xch'unic. Pero mu xac' lec yisim ta yo'ntonic, jayibuc no'ox c'ac'al ta xch'unic. C'alal ta xtal vocol ta stojolique, toj chibajel chc'ot yo'ntonic.

San Lucas 8:8

Oy jaybej ic'ot ta lequil banamil. Lec ich'i, laj yac' lec sat. Laj yac' vo'vinic (100) ta bej li jujubej bec' trigoe”, xi li Jesuse. C'alal laj yal jech li Jesuse, tsots lic c'opojuc, jech laj yal: “Li boch'o oy xchiquine ac'o snopbe smelol”, xi.

San Juan 10:27

Li jchijtaque cha'ibicun li jc'ope xchi'uc xcotquinan, jech chists'aclinicun batel.

San Juan 13:17

Me laj ava'yic lec scotol li c'usitic tsc'an chapasique, me jech chapasique, xcuxet no'ox avo'ntonic.

San Juan 14:15

“Me ac'anojicune, chach'unbicun scotol li jmantaltaque.

San Juan 5:40

Pero mu xac'an xatalic ta jtojol ti jech xu' chacuxiic o sbatel osile.

San Juan 6:35

Itac'ov li Jesuse: —Vu'un li vaj c'otemun sventa chacuxiic oe. Li boch'o ta xtalic ta jtojole, mu'yuc xa ta xa'yic o vi'nal. Li boch'otic ta xch'unicune mu'yuc xa ta xtaquij o yo'ntonic.

San Juan 6:37

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

San Juan 8:52

Li judioetique jech laj yalbeic li Jesuse: —Chvinaj xa ti ta melel ochem pucuj ta avo'ntone. Li Abrahame icham. Ichamic ec li yaj'alc'optac Diose. Li vo'ote chaval ti mu'yuc ta xcham li boch'otic ta xch'unic ac'ope.

Hebreos 5:9

Ta sventa ti ts'acal ivu' yu'un scotole, jech ja' ic'ot ta yajval xcuxlejalic sventa sbatel osil scotol li boch'otic ta xch'unique.

Santiago 4:17

Li boch'o sna' c'usi lec ta pasel, me mu spase, ja' mulil.

1 Pedro 2:4

Ja' yu'un nopajanic ta stojol li Cajvaltic ti ja' jech chac c'u cha'al lequil tone, ti ibajat yu'un li cristianoetique, pero ta stojol Diose lec t'ujbil, oy lec stu.

2 Pedro 1:10

Ja' yu'un quermanotac, aq'uic persa ti jechuc o avo'ntonique ti j'ech'el ac'o ach'unic o ti ic'biloxuc, ti t'ujbiloxuc yu'un Diose. Me jech chapasique, me jutuc mu xayalic o ta lum.

1 Juan 2:29

Yu'un xana'ic xa ti tuc' yo'nton stuc li Cristoe, jech tsc'an chana'ic noxtoc ti ja' xnich'nab Dios scotol li boch'otic tuc' c'usitic ta spasique.

1 Juan 3:7

Jnich'nabtac, mu me boch'o xaslo'laoxuc. Li boch'o ja' ta spas c'usitic tuq'ue, ja' tuc' yo'nton, jech chac c'u cha'al tuc' yo'nton li Cristoe.

Apocalipsis 22:14

Xcuxet no'ox yo'nton li boch'o chaq'uilan ta poquel sbolil yo'ntonique, yu'un jech xu' chbat slo'beic sat li te' sventa cuxlejale, xchi'uc jech xu' ch-ochic ta muc'ta lum.