San Lucas 6:45 - Bible in Tzotzil de Chenalhó with Deuterocanon

⁴⁵ Li lequil cristianoe lec c'usi chloc' ta ye, yu'un ja' jech oy ta yo'nton. Yan li chopol cristianoe chopol c'usi chloc' ta ye, yu'un ja' jech oy ta yo'nton. Yu'un li c'usi oy ta yo'ntone ja' jech chloc' ta ye.

Tzotzil Zinacantan

⁴⁵ Jaꞌ noꞌox yech li muchꞌu lec yoꞌone lec chcꞌopoj, lec cꞌusi tsnop. Li muchꞌu chopol sjole chopol chcꞌopoj, chopol cꞌusi tsnop. Ti cꞌu xꞌelan ta snopique jaꞌ yech chlocꞌ ta yeic.

Bible in Tzotzil de Chamula

⁴⁵ Ti lequil tuq'uil vinique, lec ti c'usi ta xale, yu'un oy ta yo'nton ti c'usi leque. Ti chopol vinique, chopol ti c'usitic ta xalolane, yu'un oy ta yo'nton ti c'usi chopole. Ti c'usi ta xloq'uilan ta yeique, yu'un jech ono'ox oy ta yo'ntonic.

LEQUIL ACH' C'OP

⁴⁵ Ti much'u lec yo'one lec li c'usitic chale, yu'un naca lec ti c'usitic oy ta yo'one, ti much'u chopole naca chopol li c'usi chale yu'un naca chopol li c'usitic oy ta yo'one. Yu'un ti c'usitic oy ta yo'one ja' yech chloc' ta ye.

Tzotzil San Andres

⁴⁵ Li buchꞌu lec yoꞌone lec li cꞌu sba ta xcꞌopoje, yuꞌun lec li cꞌusi snopoje. Li buchꞌu chopol yoꞌone chopol li cꞌu sba ta xcꞌopoje, yuꞌun chopol li cꞌusi snopoje. Yuꞌun li cꞌu sba chal ta avoꞌonique jaꞌ jech chlocꞌ ta aveic.

Tzotzil de Huixtán

⁴⁵ Ti much'u lec yo'ntone ja' chloc' ti ye ti c'usi lec snopoj ti yo'ntone. Ti much'u chopol yo'ntone ja' chloc' ti ye ti c'usi chopol ono'ox snopoj ti yo'ntone. Yu'un ti c'usi chnoj ti co'ntontique ja' ta ono'ox chloc' ti quetic.

San Lucas 6:45 Iomraidhean Croise

Salmos 140:5

Li jtoybaetic le'e tsc'an chisyaquicun ta mucul yalojic; la xlich'an yoc' xch'ojonic ta jbe, yu'un tsc'an chistsaquicun.

Salmos 59:12

Ta sventa li c'usi laj yalique, li c'usi iloc' ta yeique, ep la sta smulic o. Te chucul ac'o comicuc o ta sventa li stoyobbailique, xchi'uc ta sventa li bolc'op, xchi'uc li epalc'opetic iloc' ta yeique.

Salmos 59:7

Oy c'usi ep chloc' ta yeic; xco'laj xchi'uc oy espada ta yeic, jech chalic: “Mu'yuc boch'o chijya'yutic”, xiic.

Proverbios 12:18

Oy boch'o tojtoj tuch'el xa chc'ot yu'un ya'yel li c'usi chalique, pero li boch'o tuc' yo'ntonique xco'laj xchi'uc poxil li sc'opique.

Proverbios 15:23

Xcuxet no'ox co'ntontic me la jtabetic stac'ubil li ca'yejtique; pero ja' jun to yutsil me ta yorail no'ox la jtatique.

Proverbios 4:23

Li c'usi tsots sc'oplal ta scotole ja' tsc'an chanop lec li c'usi chatic' ta avo'ntone, yu'un ja' te chlic tal li acuxlejale.

San Juan 7:38

Li boch'o ta xch'un ti vu'un ta jcoltae ja' jech ta xc'ot ta pasel jech chac c'u cha'al ts'ibabil ta sc'op Diose: ‘Li yut yo'ntone ja' jech ta xc'ot jech chac c'u cha'al nio' ti te xcholchun o ya'lel scotol c'ac'ale’, xi ts'ibabil —xi li Jesuse.

Hechos 5:3

Li Pedroe jech laj yalbe li Ananiase: —Ananías, ¿c'u yu'un laj avac' ochuc ta avo'nton li Satanase, yu'un la'epalc'opoj ta stojol li Ch'ul Espiritue? Yu'un muc ts'acaluc laj avac' li stojol avosile.

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

Efesios 4:29

Mu xa me xloc' ta aveic scotol c'usitic mu'yuc lec. Ja' alic c'usitic lec ti ja' sventa chijtsatsubutic yu'une, yu'un jech xu' chtun yu'unic ec li boch'otic oy to c'usi sc'an yu'unique.

Efesios 5:19

Ja' lo'iltabo abaic c'usi chal li salmoetique, li q'ueojetique, xchi'uc li bic'tal q'ueojetic yu'un Diose. Q'uejintaic, ich'ic ta muc' Cajvaltic ta scotol avo'ntonic.

Colosenses 3:16

Ac'o c'otuc lec ta avo'ntonic c'usi chal li sc'op Cristoe. Chanubtaso abaic; taq'uio abaic ta sventa scotol li bijubtasele. Q'uejinanic, tojbeic ta vocol Dios ta sventa q'ueojetic, ta salmoetic xchi'uc ta bic'tal q'ueojetic.

Colosenses 4:6

Li c'usi chavalique oyuc me lec smuil, oyuc me lec xchi'il. Nopo lec c'usi chavalbeic li boch'otic chataic ta c'opanele.

Hebreos 8:10

Ja' jech li c'usi ta jchapan ta stojolique: C'alal me la sta sc'ac'alil cu'une, ta xcac'be ta sjolic li jmantaltaque; ta jts'ibabe ta yo'ntonic. Vu'un Diosun yu'unic chic'ot; ja' jteclumal chc'otic o ec.

Judas 1:15

Yu'un tal xchapan scotol li cristianoetique; tal yac'be stoj smulic scotol li boch'otic ven chopolic ta sventa ti toj chopol c'usi la spasique, ti toj tsotsic c'usi iloc' ta yeic c'alal la xchopolc'optaic Diose”, xi.