San Lucas 6:26 - Bible in Tzotzil de Chenalhó with Deuterocanon

²⁶ “Toj abul abaic vo'oxuc ti lec chayiloxuc scotol cristianoetique, yu'un li smoltotaquic ta vo'one li cristianoetic ti lec chayiloxuque ja' jech lec laj yilic ec li jlo'lavanej j'alc'opetique”, xi li Jesuse.

Tzotzil Zinacantan

²⁶ ’Voꞌoxuc ti lec chayilic li crixchanoetique, mu cꞌusi bal o yuꞌun chavil to avocolic ta tsꞌacal. Yuꞌun jaꞌ yechoxuc chac cꞌu chaꞌal ti muchꞌutic ispꞌis sbaic ta yajꞌalcꞌoptac Riox ti ta más voꞌnee. Yech noꞌox ti lec iꞌileic yuꞌun ti crixchanoetique.

Bible in Tzotzil de Chamula

²⁶ “¡Mu cha'beluc un, ti vo'oxuc lec albil ac'oplalic avi li'e! Jech ono'ox laj spasic smolmuc'totic ti jnaclejetic li'e, lec c'opojic ta stojol ti jlo'lavanej j'alc'opetique.

LEQUIL ACH' C'OP

²⁶ »¡Toj abol abaic vo'oxuc ti lec ac'oplalic yu'un li crixchanoetic lavie, yu'un yech ono'ox ispasic la muc'tatotic ta vo'nee, yu'un ja' lec iyilic ti much'utic isp'isbaic ta yaj'alc'op Rioxe!

Tzotzil San Andres

²⁶ ’Joꞌoxuc ti lec chayiloxuc scotol li crixchanoetic li avie, chavichꞌic vocol ta tsꞌacal. Yuꞌun jaꞌ jechoxuc jech chac cꞌu chaꞌal li buchꞌutic la spꞌis sbaic ta yalel li scꞌop Dios ta voꞌonee ti lec iꞌileic yuꞌun scotol li crixchanoetique.

Tzotzil de Huixtán

²⁶ ’Chavich'ic vocol mi yu'un lec c'otem ac'opilalic yu'un scotol crixchanoetic. Ja' ti statamolic ti vo'one lume ja' lec laj yilic ti nopbilal j'alc'opetique ti vo'one.

San Lucas 6:26 Iomraidhean Croise

Proverbios 27:21

Li taq'uinetique ta c'oc' ta xvinaj me ja' saquil taq'uin, me ja' c'anal taq'uin; ja' no'ox jech ec li cristianoe ta sventa ich'el ta muc' chlic vinajuc c'u x'elan yo'nton.

Isaías 30:10

Jech chalbeic li boch'otic oy c'usi ch-ac'bat yilic yu'un Diose: “Mu xa me c'usi xaq'uelic tal”, xutic. Jech chalbeic li j'alc'opetique: “Mu xa me xavalbuncutic li c'usi tuq'ue; ja' no'ox albuncutic li c'usi toj lequic ta a'yele; ja' no'ox albuncutic li c'usi lec c'usi c'upil sba ta a'yele.

Jeremías 5:31

Li j'alc'opetique puru epalc'op c'usitic chalic; li paleetique ja' chaq'uic ta ch'unel li c'usi tsc'an yo'nton stuquique; li jteclumale toj lec cha'yic, jech tsc'an yo'ntonic ec. Pero ¿c'usi chapasic c'alal me la sta yorail ital avocolique?’, uto”, xi li Muc'ul Diose.

Miqueas 2:11

Me oy boch'o chlic snop epalc'op, me jech chlic yale: ‘Vu'un ta xcal ti lec to chloc' avu'unic pasem ya'lel ts'usub xchi'uc c'usitic lec tsotsic ta uch'el’, me xie, le'e ja' j'alc'op yu'unic li cristianoetic li' ta lume.

San Mateo 7:15

“Q'uelo me abaic ta sventa li jlo'lavanej j'alc'opetique. Yu'un xco'laj xchi'uc chijetic yilel ti c'alal te chtal ta atojolique, pero li yut yo'ntonique ja' jech chac c'u cha'al jti'vanej bolom.

San Lucas 6:25

“Vo'oxuc ti noj ach'utic li' ta orae toj abul abaic, yu'un ta to xavi'najic. “Vo'oxuc ti xatse'inic no'ox li' ta orae toj abul abaic, yu'un ta to xa'oc' xa'avanic yu'un li vocole.

San Juan 15:19

Ti co'oluc to chapas achi'uquic li cristianoetic ti oyic ta sventa banamile, lec cha'yic ti jechuque, yu'un ja' jech tsc'anic. Pero li vo'oxuque mu'yucoxuc xa ta sventa banamil, yu'un laj xa jt'ujoxuc loq'uel, ja' yu'un bajbil chac'otic.

San Juan 7:7

Yu'un li vo'oxuque mu xu' chopol chayiloxuc li cristianoetique. Yan li vu'une chopol chiyilicun, yu'un vu'un ta xcalbeic ta jamal ti chopol c'usitic tspasique.

Romanos 16:18

Yu'un li boch'otic jech tspasique ma'uc yabtel Cajvaltic Jesucristo tspasbeic. Ja' no'ox tspasic c'usi tsc'an yo'nton stuquic. Jech tslo'laic ta sventa sc'opic li boch'otic mu'yuc to stsatsal yo'ntonique, yu'un toj lec ya'yel li c'usitic chalique.

Santiago 4:4

¡Jmulaviloxuc ta stojol Dios! ¿Me mu xana'ic ti yajcontra Dios chijc'ot me ja' ta jc'antic c'usi sventa banamile? Li boch'o ja' lec chil sba xchi'uc li c'usitic sventa banamile, ja' yajcontra Dios chc'ot.