San Lucas 6:25 - Bible in Tzotzil de Chenalhó with Deuterocanon

²⁵ “Vo'oxuc ti noj ach'utic li' ta orae toj abul abaic, yu'un ta to xavi'najic. “Vo'oxuc ti xatse'inic no'ox li' ta orae toj abul abaic, yu'un ta to xa'oc' xa'avanic yu'un li vocole.

Tzotzil Zinacantan

²⁵ ’Voꞌoxuc ti noj achꞌutic lavie, chavilic to viꞌnal ta tsꞌacal. ’Voꞌoxuc ti chatseꞌinic lavie, chavil to avocolic yuꞌun chavat avoꞌonic chavoqꞌuita to abaic ta tsꞌacal.

Bible in Tzotzil de Chamula

²⁵ “¡Mu cha'beluc un, ti vo'oxuc mu'yuc vi'nal ta xava'iic avi c'ac'al li'e, ta xlic ava'iic vi'nal! “¡Mu cha'beluc un, ti vo'oxuc xatse'inic no'ox avi ti c'ac'ale, ta xlic oc'anic yu'un ti avocolique!

LEQUIL ACH' C'OP

²⁵ »Toj abol abaic vo'oxuc ti lec noj ach'utic lavie, yu'un ta ts'acal chava'iic vi'nal! »¡Toj abol abaic vo'oxuc ti chatse'inic to lavie, yu'un ta to xa'oq'uic ta at'o'on!

Tzotzil San Andres

²⁵ ’Joꞌoxuc ti noj achꞌutic li avie, chavichꞌic vocol ta tsꞌacal yuꞌun mu cꞌusi chaꞌacꞌbatic yuꞌun li Diose. ’Joꞌoxuc ti xamuybajic noꞌox li avie, chavichꞌic vocol yuꞌun chavat avoꞌonic chaꞌoqꞌuic ta tsꞌacal.

Tzotzil de Huixtán

²⁵ ’Ho'oxuc ti noj ach'utic ti ora to chavich'ic vocol. Ti yan c'ac'al mu xa xmuc'ub avo'ntonic. ’Ho'oxuc ti chatse'inic ti ora to chavich'ic vocol. Ti yan c'ac'al chavich'ic mul, cha'oq'uic.

San Lucas 6:25 Iomraidhean Croise

Salmos 49:19

pero c'alal tsta yorail ta xchame, mu'yuc xa chtal sq'uel saquil osil yan velta.

Proverbios 14:13

Ac'o me ep chijtse'in, pero oy ono'ox svocol li co'ntontique; ac'o me xcuxet co'ntontic, pero ta ono'ox xtal jvocoltic.

Proverbios 30:9

Yu'un me ep c'usi oy cu'une xu' chlic ch'ayan ta co'nton, xu' chlic cal ti mu xacotquinote; jech noxtoc, me me'onune xu' chlic elc'ajcun, jech chopol chbat ac'oplal cu'un, vo'ot li Diosot cu'une.

Eclesiastés 2:2

Li tse'eje bolibel no'ox chac'; li sc'upinel banamile mu'yuc c'usi stu o ta j'ech'el.

Eclesiastés 7:3

Me chij'oc'utique ja' lec; ja' vocol me xijtse'inutic no'oxe. Ac'o me chvinaj ta jsatic ti chcat co'ntontique, pero ts'acal chac' smuc'ul co'ntontic.

Eclesiastés 7:6

Li stse'ejic boch'o bolique ja' jech chac c'u cha'al ch'ix ti xt'omlajet ta c'oq'ue. Le'e altic noxtoc.

Isaías 28:7

Jech noxtoc oy yantic ti jeche' xtamlajetic ta scoj poxe, ti jeche' sts'otlajet yacanic ta scoj c'usi tsotsic ta uch'ele. Li paleetic xchi'uc li j'alc'opetique jeche' xtamlajetic ta yacubel ec ta scoj li c'usi tsotsic ta uch'ele. Ivovij sjolic yu'un li pasem ya'lel ts'usube; jeche' xa sts'otlajet yacan chanovic. Xvovet cha'yic ti c'alal oy c'usi ch-ac'bat yilic ta xch'ulelique; mu'yuc xa smelol c'alal chalic c'u x'elan chcom li boch'o chchapanique.

Isaías 65:13

Ja' yu'un jech chayalboxuc li Cajvaltic Diose: “Li cajtuneltaque ta sta lec sve'elic; yan li vo'oxuque chavich' avocolic ta vi'nal. Li stuquique oy c'usi lec chuch'ic; yan li vo'oxuque chtaquij avo'ntonic. Li stuquique xcuxet no'ox yo'ntonic; yan li vo'oxuque chayalic o ta q'uexlal.

Isaías 8:21

Li cristianoetique buyuc no'ox xloc' x'ech'ic, toj abul sbaic, jvi'naletic. C'alal ep vi'nal cha'yique, chlic ilinicuc ta stojol li ajvalil yu'unique xchi'uc li Dios yu'unique, jech tsq'uelic muyel ta toyol.

Amós 8:10

Li q'uinetic avu'unique ta jc'atajes ta at-o'nton; li q'ueojetic avu'unique ta jc'atajes ta oq'uel. Ta xcac' alapic c'u'il sventa at-o'nton, xchi'uc chlic ajux ajolic ta sventa at-o'nton. Ta xcac' oc'anic jech chac c'u cha'al ch-oc' boch'o chcham xnich'on ti c'ajumal jun oy yu'une; chalajic ta ven tsatsal vocol”, xi.

Nahúm 1:10

Ac'o me ja' jechic jech chac c'u cha'al ch'ix ti solel xpech'oj sbae, ac'o me lec xu' yu'un cha'yic jech chac c'u cha'al jyacubel, pero ja' no'ox jech chc'aq'uic jech chac c'u cha'al jobel ti lec taquine.

San Lucas 12:20

Pero jech i'albat yu'un li Diose: ‘¡Bol vinic! Ta ac'ubaltic no'ox tana chtal jloq'uesbot li ach'ulele. Li c'usitic oy avu'une ¿boch'o chavac'be comel?’, x'utat.

San Lucas 13:28

Te chlic avoc'ta abaic; te xc'uxet aveic. Yu'un chavilic ti te xa ochemic yo' bu tspas mantal Dios li Abrahame, li Isaaque, li Jacobe, xchi'uc scotol li j'alc'opetique. Yan li vo'oxuque jipbiloxuc o loq'uel.

San Lucas 6:24

“Yan li vo'oxuque jc'ulejetic, toj abul abaic, yu'un ataoj xa li xcuxetel avo'ntonique.

San Lucas 6:26

“Toj abul abaic vo'oxuc ti lec chayiloxuc scotol cristianoetique, yu'un li smoltotaquic ta vo'one li cristianoetic ti lec chayiloxuque ja' jech lec laj yilic ec li jlo'lavanej j'alc'opetique”, xi li Jesuse.

San Lucas 8:53

La slabanic li Jesuse, yu'un sna'ic ti chamen o li tsebe.

Efesios 5:4

Mu xavalic c'usi mu'yuc stu, bol lo'il, xchi'uc ixtol lo'il, yu'un mu xa smeloluc. Ja' xa no'ox xatojbeic ta vocol li Diose.

1 Tesalonicenses 5:3

C'alal jech chal li cristianoetique: “Jun co'ntontic, mu'yuc c'usi xi'bal sba”, me xiique, ja'o ta ora no'ox chvul ta loq'uel tsots vocol ta stojolic. Ja' jech chac c'u cha'al jun ants ti ta ora no'ox chlic xa'ay c'alal oy xch'ute. Me junuc mu'yuc boch'o xu' chjatov.

Santiago 4:9

Ato avo'ntonic, oc'tao abaic. Li tse'ej chapasique ac'o c'atajuc ta avoq'uelic. Li xcuxetel avo'ntonique ac'o c'atajuc ta yatel avo'ntonic.

Apocalipsis 3:17

Yu'un jech chavalic: Vu'une lec jc'ulejun, jtaoj xa scotol, mu'yuc c'usi yan sc'an cu'un, xachiic. Mu xavil abaic ti solel me'onoxuc, ti abul abaic, ti xataq'uic oc'tael, ti ma'satoxuc, xchi'uc ti bats'i cuxul t'anal chaquiloxuque.

1 Samuel 2:5

Li boch'otic oy to'ox ep scomelal sve'elique, ta xa xac' sbaic ta ch'amanel ta juteb pan. Yan li boch'otic chvi'najic to'oxe, mu'yuc xa vi'nal cha'yic. Li boch'o mu to'ox sna' x'alaje, i'alaj xa vucub velta. Li boch'otic oy to'ox ep yolique, mu xa x'alajic o.