San Lucas 6:24 - Bible in Tzotzil de Chenalhó with Deuterocanon

²⁴ “Yan li vo'oxuque jc'ulejetic, toj abul abaic, yu'un ataoj xa li xcuxetel avo'ntonique.

Tzotzil Zinacantan

²⁴ ’Voꞌoxuc ti jcꞌulejoxuque, ti mu cꞌusi palta chavaꞌiique, chavil to avocolic ta tsꞌacal yuꞌun mu cꞌusi chayacꞌbeic ti Rioxe.

Bible in Tzotzil de Chamula

²⁴ “¡Mu cha'beluc un, ti jc'ulejoxuque laj xa ataic ti xamuyubajique!

LEQUIL ACH' C'OP

²⁴ »¡Toj abol abaic vo'oxuc ti jc'ulejoxuque, yu'un ataojic xa ti c'usi jun o avo'onique!

Tzotzil San Andres

²⁴ ’Yan li joꞌoxuc ti jcꞌulejoxuque, chavichꞌic vocol ta tsꞌacal. Yuꞌun oy avuꞌunic li cꞌustic chacꞌanic li avie, jaꞌ yuꞌun mu xa cꞌusi chanopic.

Tzotzil de Huixtán

²⁴ ’Ja'uc ti ho'oxuc ti jc'ulejoxuque chavich'ic vocol. Yu'un oy xa avu'unic ti c'utic tsc'an ti avo'ntonique, hech yu'un mu'yuc xa c'usi yan chac'anic.

San Lucas 6:24 Iomraidhean Croise

Proverbios 1:32

Yu'un li stoyobbail boch'otic mu'yuc bijique te chmilatic o yu'un; li c'usi lec tsta scuyojic li boch'o bolique te chlaj o xchi'uquic.

Hageo 2:9

Li ch'ulna chich' pasel xchibal veltae ja' xjelov to yutsil jech chac c'u cha'al li ch'ulna ta ba'yuque. Jech jun avo'ntonic o li' ta banamil”, xi li Muc'ul Dios ti tspas ta mantal scotol te ta vinajele.

San Mateo 6:16

“C'alal chavictaic ixime, mu me jechuc xapasic jech chac c'u cha'al tspasic li jlo'lavanejetic ti tsyanijes satique yu'un chaq'uic ta ilel ta stojol cristianoetic ti yictaojic ixime. Melel li c'usi chacalboxuque, le'e yich'oj xa o smotonic ti jech tspasique.

San Mateo 6:2

“C'alal me oy boch'o chacoltaique, mu me xavaq'uic ta a'yel, jech chac c'u cha'al tspasic li jlo'lavanejetic te ta nail tsobobbailetique xchi'uc ta xoraltique. Yu'un ja' no'ox tsc'anic ti lec sc'oplalic yu'un li cristianoetique. Melel li c'usi chacalboxuque, le'e yich'oj xa o smotonic ti jech tspasique.

San Mateo 6:5

“C'alal chac'opanic Diose, mu me jechuc xapasic jech chac c'u cha'al tspasic li jlo'lavanejetique. Yu'un li stuquique ja' lec cha'yic ti va'ajtic ta nail tsobobbail xchi'uc ta chiquin xoraltic c'alal tsc'opanic Diose yu'un jech ac'o ilaticuc yu'un li cristianoetique. Melel chacalboxuc, le'e yich'oj xa o smotonic ti jech tspasique.

San Lucas 6:25

“Vo'oxuc ti noj ach'utic li' ta orae toj abul abaic, yu'un ta to xavi'najic. “Vo'oxuc ti xatse'inic no'ox li' ta orae toj abul abaic, yu'un ta to xa'oc' xa'avanic yu'un li vocole.

1 Timoteo 6:17

Li jc'ulejetic li' ta banamile, albo mantal ti mu me stoy sbaique, ti mu me ja'uc spat yo'nton yu'un li sc'ulejalique. Yu'un li c'ulejalile ta xlaj sc'oplal. Ja' ac'o spat yo'ntonic ta stojol li Diose, yu'un ja' chiyac'butic scotol li c'usitic ta xtun cu'untique, yu'un jech xcuxet no'ox co'ntontic.

Santiago 2:6

Yan li vo'oxuque ja' chabajic li me'onetique. ¿Me mu ja'uc jc'ulejetic ti chayuts'intaoxuc, xchi'uc ti chayic'oxuc batel ta stojol jchapanvanejetique?